ລິ້ງ ສຳຫລັບເຂົ້າຫາ

ທ່ານ Bloomberg ຖືກສະເໜີ ໃຫ້ເປັນ ທູດພິເສດ ສປຊ


ອະດີດເຈົ້າຄອງນະຄອນນິວຢອກ ທ່ານ Michael Bloomberg
ອົງການສະຫະປະຊາຊາດ ໄດ້ແຕ່ງຕັ້ງ ໃຫ້ອະດີດເຈົ້າຄອງນະ
ຄອນນິວຢອກທ່ານ Michael Bloomberg ເປັນທູດພິເສດປະ
ສານງານ ກັບນະຄອນຕ່າງໆ ແລະການປ່ຽນແປງ ຂອງດິນຟ້າ
ອາກາດ.

ເລຂາທິການໃຫຍ່ ອົງການສະຫະປະຊາຊາດ ທ່ານ Ban Ki-
moon ຖະແຫຼງໃນມື້ວັນສຸກວານນີ້ວ່າ ທ່ານ Bloomberg ຈະ
ຊ່ອຍທ່ານໃນການປຶກສາຫາລືກັບນະຄອນຕ່າງໆໃນທົ່ວໂລກ
ເພື່ອຍົກສູງ ການຕັດສິນໃຈທາງດ້ານການເມືອງ ໃນການຕໍ່ສູ້
ຮັບມືກັບການປ່ຽນແປງຂອງດິນຟ້າອາກາດ.

ທ່ານ Bloomberg ໄດ້ນຳສະເໜີ ຂໍ້ລິເລີ່ມຈຳນວນນຶ່ງ ເພື່ອຮັບມືກັບການປ່ຽນແປງຂອງ
ດິນຟ້າອາກາດໃນລະຫວ່າງທີ່ທ່ານເປັນເຈົ້າຄອງນະຄອນນິວຢອກເປັນເວລາ 12 ປີຮວມ ທັງການບັງຄັບໃຫ້ນຳໃຊ້ລົດແທັກຊີ ທີ່ໃຊ້ຈັກ hybrid ແລະສ້າງທາງແລ່ນໃຫ້ແກ່ລົດຖີບ.

ນັກທຸລະກິດພັນລ້ານແລະຜູ້ໃຈບຸນທ່ານນີ້ໄດ້ປະກາດໃນເດືອນທັນວາຜ່ານມາກ່ອນອອກ ຈາກຕຳແໜ່ງວ່າ ການປ່ອຍແກັສເຮືອນແກ້ວ ຂອງນະຄອນນິວຢອກ ໄດ້ຫລຸດລົງ 19 ເປີ ເຊັນ ນັບແຕ່ປີ 2005 ເປັນຕົ້ນມາ.

ນອກນັ້ນແລ້ວ ທ່ານ Bloomberg ຍັງເປັນຕົວຕັ້ງຕົວຕີ ໃນກຸ່ມການນຳພາ ດ້ານອາກາດ ຂອງ 40 ຫົວເມືອງຊຶ່ງເປັນກຸ່ມຈັດຕັ້ງເຈົ້າຄອງກຳແພງນາໆຊາດທີ່ໄດ້ອຸທິດຕົນເພື່ອການ ຫຼຸດຜ່ອນກ່ຽວກັບການປ່ອຍແກັສເຮືອນແກ້ວ. ທ່ານໄດ້ກໍານົດທີ່ຈະເປັນເຈົ້າພາບຮ່ວມຈັດ ກອງປະຊຸມສຸດຍອດຄັ້ງຕໍ່ໄປຂອງກຸ່ມດັ່ງກ່າວ ທີ່ນະຄອນ Johannesburg ອາຟຣິກາໃຕ້ ໃນກຸມພານີ້.
XS
SM
MD
LG