ສຳລັບ ໄຕ້ຫວັນ ເງິນເພື່ອ 'ການປົກປ້ອງ' ຂອງທ່ານ ທຣຳ ອາດໝາຍເຖິງ ຂໍ້ຕົກລົງດ້ານອາວຸດ ຊຸດໃໝ່ ແລະໃຫຍ່ກ່ອນເກົ່າ

ໄຕ້ຫວັນ ອາດເປັນແບບຢ່າງທີ່ສະແດງໃຫ້ເຫັນເຖິງຄວາມຮຽກຮ້ອງຕ້ອງການ ເງິນເພື່ອ “ການປົກປ້ອງ” ຂອງທ່ານ ດໍໂນລ ທຣຳ ຢ່າງຈິງຈັງ ດ້ວຍຂໍ້ຕົກລົງ ດ້ານອາວຸດຊຸດໃໝ່ ແລະຂະໜາດໃຫຍ່ ທີ່ສະແດງໃຫ້ເຫັນວ່າ ໄຕ້ຫວັນ ບໍ່ແມ່ນຢາກໄດ້ລ້າ ແລະເປັນຄວາມມຸ້ງໝັ້ນທີ່ຈະສະແດງໃຫ້ ວໍຊິງຕັນ ເຫັນວ່າ ຕົນມີຄວາມຕັ້ງໃຈທີ່ຈະຈ່າຍເງິນເພື່ອປ້ອງກັນຕົນເອງ ອີງຕາມລາຍງານ ຂອງອົງການຂ່າວຣອຍເຕີສ.

ທ່ານທຣຳ ຜູ້ທີ່ໄດ້ຊະນະການເລືອກຕັ້ງ ຕຳແໜ່ງປະທານາທິບໍດີ ສະໄໝທີສອງ ໃນອາທິດນີ້ ເຮັດໃຫ້ໄຕ້ຫວັນທີ່ປົກຄອງດ້ວຍລະບອບປະຊາທິປະໄຕ ຮູ້ສຶກບໍ່ສະບາຍໃຈ, ເຊິ່ງເປັນເກາະທີ່ຖືກອ້າງກຳມະສິດໂດຍຈີນນັ້ນ, ໂດຍທີ່ທ່ານທຣຳ ກ່າວວ່າ ໄຕ້ຫວັນຄວນຈ່າຍ​ເງິນໃຫ້ສະຫະລັດ ສຳລັບການປ້ອງກັນຕົນ ແລະວ່າ ໄຕ້ຫວັນ ໄດ້ເອົາທຸລະກິດດ້ານເຊມີຄອນດັກເຕີ ໄປຈາກອາເມຣິກາ.

“ໃຫ້ເບິ່ງໄຕ້ຫວັນໄວ້ ກ່ຽວກັບດ້ານການປ້ອງກັນປະ​ເທດ ທີ່ຈະພະຍາຍາມ ແລະ ເລີ້ມການພົວພັນກັບພວກເຂົາເຈົ້າໃນເລື້ອງຊຸດອາວຸດໃຫຍ່ - ເພື່ອເຮັດບາງສິ່ງບາງຢ່າງທີ່ສຳຄັນ, ຂະໜາດໃຫຍ່ຫຼາຍ” ທ່ານຣູເປີດ ແຮມມອນ-ເຊມເບີສ໌ ປະທານສະພາທຸລະກິດ ລະຫວ່າງ ສະຫະລັດແລະ ໄຕ້ຫວັນ ເຊິ່ງຊ່ອຍໄກ່ເກ່ຍໃນການແລກປ່ຽນດ້ານການປ້ອງກັນປະ​ເທດລະຫວ່າງວໍຊິງຕັນ ແລະໄທເປ, ໄດ້ກ່າວຕໍ່ຣອຍເຕີສ ແລະທ່ານກ່າວຕື່ມວ່າ ມັນອາດມີຂຶ້ນໃນໄຕມາດທຳອິດຂອງປີໜ້ານີ້.

“ແຕ່ໃຫ້ຄຶດວ່າ ມັນເປັນຄືການວາງມັດຈຳ, ເປັນການດຶງເອົາຄວາມສົນໃຈ” ທ່ານກ່າວ. ແລະກ່າວຕໍ່ໄປວ່າ “ພວກເຂົາເຈົ້າຈະສະສົມຫຼາຍປະເພດໄວ້ ຢ່າງໃຫຍ່ ແລະຊື້ອາວຸດຫຼວງຫຼາຍ.”

ສະຫະລັດເປັນຜູ້ສະໜອງອາວຸດຕ່າງໆທີ່ສຳຄັນສຸດໃຫ້ແກ່ໄຕ້ຫວັນ ເຖິງແມ່ນວ່າ ໄຕ້ຫວັນ ໄດ້ຈົ່ມວ່າ ການສັ່ງຊື້ມູນຄ່າປະມານ 20 ຕື້ໂດລາແມ່ນຫລ້າຊ້າ. ການສັ່ງຊື້ໃໝ່ລະບົບລູກສອນໄຟ ເກືອບ 2 ຕື້ໂດລາ, ໄດ້ຖືກປະກາດ ເມື່ອເດືອນແລ້ວນີ້.

ໄຕ້ຫວັນ ເຊິ່ງລັດຖະບານຂອງຕົນ ໄດ້ປະຕິເສດຕໍ່ການກ່າວອ້າງ​ເອົາອຳ​ນ​າດ ອະທິປະໄຕຂອງ ປັກກິ່ງ ນັ້ນ ກໍໄດ້ປະເຊີນກັບການກົດດັນດ້ານການທະຫານ ຊ້ຳແລ້ວຊ້ຳອີກ ຈາກຈີນແຜ່ນດິນໃຫຍ່ ລວມທັງການຊ້ອມລົບຮອບໃໝ່ເມື່ອ ເດືອນແລ້ວນີ້.

Taiwan may demonstrate it takes Donald Trump's "protection" money demand seriously with large and early new arms deals, showing it is not looking for a free ride and is determined to show Washington its resolve to spend to defend itself.

Trump, who won a second term as president this week, unnerved democratically governed Taiwan, which is claimed by China, by saying that Taiwan should pay the U.S. for its defence and that it had taken semiconductor business away from America.

"Watch for Taiwan on the defence side to try and start engaging them on a big arms package - to do something significant, very large," Rupert Hammond-Chambers, president of the U.S.-Taiwan Business Council which helps broker defence exchanges between Washington and Taipei, told Reuters, adding it could come in the first quarter of next year.

"But think of it as a down payment, an attention getter," he said. "They'll stack up several big platforms and big buys of munitions."

The U.S. is already Taiwan's most important arms supplier, although Taiwan has complained of an order backlog worth some $20 billion. A new order, almost $2 billion of missile systems, was announced last month.

Taiwan, whose government rejects Beijing's sovereignty claims, has faced repeated military pressure from China, including a new round of war games last month.