ລິ້ງ ສຳຫລັບເຂົ້າຫາ

ວັນສຸກ, ໒໔ ພຶດສະພາ ໒໐໒໔

ຄົນເຊື້ອສາຍ ອິນເດຍ ຜູ້ທໍາອິດ ຄອງ​ຕຳ​ແໜ່ງ ນາງງາມ ອາເມຣິກາ ປີ 2014


ນາງ Nina Davuluri ອາຍຸ 24 ປີ ຈາກລັດນີວຢ໊ອກ ຊາວອາເມຣິກັນ ເຊື້ອສາຍອິນເດຍ ຄົນທໍາອິດ ທີ່ໄດ້ຄອງນາງ ງາມອາເມຣິກາ ປີ 2014.
ນາງ Nina Davuluri ອາຍຸ 24 ປີ ຈາກລັດນີວຢ໊ອກ ຊາວອາເມຣິກັນ ເຊື້ອສາຍອິນເດຍ ຄົນທໍາອິດ ທີ່ໄດ້ຄອງນາງ ງາມອາເມຣິກາ ປີ 2014.
Nina Davaluri ຈາ​ກລັດ​ນີວຢ໊ອກ ​ໄດ້ຊະນະ​ນາງ​ງາມ​ອາ​ເມ​ຣິກາ​ປະ​ຈໍາປີ 2014 ທີ່​ງານ​ປ​ະກວດ​ນາງງາມ ທີ່ ​ເມືອງ Atlantic City ລັດ New Jersey ຊຶ່ງ​ເປັນນາງງາມ ຊາວອາເມຣິກັນເຊື້ອສາຍ​ອິນເດຍ​ ຄົນທໍາອິດທີ່​ໄດ້​ຊະນະ​ການ​ປະ​ກວດອັນ​ມີ​ຊື່​ສຽງ​ນີ້.

ນາງ Davaluri ອາຍຸ 24 ປີ ຈາກ​ເມືອງ Syracuse ຈະ​ໃຊ້​ເງິນ​ທຶນ​ການ​ສຶກສາ ​ຈໍາ ນວນ 50,000​ ​ໂດ​ລ່າ ທີ່​ນາງໄດ້​ຮັບນີ້ ສໍາລັບ​ເປັນ​ຄ່າ​ຮຽນ ຢູ່​ໂຮງຮຽນ​ການ​ແພດ​.

ນາງ Davaluri ​ໄດ້​ສະ​ແດງການ​ເຕັ້ນ​ລະບໍາແບບ​ຜະສົມ​ຜະສານ​ Bollywood ສໍາ​ລັບ​ການ ສະ​ແດງ​ຄວາມ​ສາມາດ​ພິ​ເສດ. ນາງ Davaluri ​ແລະ​ຜູ້​ເຂົ້າ ຮ່ວມ​ປະ​ກວດ​ອີກ 52 ຄົນ ຄື​ຜູ້​ນຶ່ງ​ຈາກ​ແຕ່ລະລັດ ​ໂຮມ​ທັງ​ຈາກ​ນະຄອນ ຫຼວງວໍ​ຊິງ​ຕັນ​ດີ​ຊີ Puerto Rico ​ແລະ ຈາກ​ເກາະ Virgin Island ຂອງ​ສະຫະລັດ ຊຶ່ງກໍ​ໄດ້​ຖືກ​ຕັດສິນ​ໂດຍ​ການ​ສໍາພາດ​ເລຶ່ອງສ່ວນ​ຕົວ ຄໍາ​ຕອບ​ຂອງ​ພວກ​ເຂົາ​ເຈົ້າຕໍ່ຄໍາ​ຖາມ ທີ່​ຖາມ​ຢູ່​ເທິງເວທີ ​ແລະ​ພ້ອມ​ກັບການ ​ໂຊ ຊຸດ​ຣາຕຣີ ​ແລະ​ຊຸດ​ອາບ​ນໍ້າ ​ໃນ​ລະຫວ່າງ​ການ​ທ່າ​ຍທອດ​ສົດອອກ​ອາ ກາດທາງ​ທີ​ວີ ທົ່ວ​ປະ​ເທດ​ນັ້ນ.

​ໃນ​ລະຫວ່າງ​ປີ​ທີ່ຢູ່​ໃນ​ຕໍາ​ແໜ່​ງນາງ​ງາມ​ອາ​ເມ​ຣິກາ​ນັ້ນ Davaluri ຈະ​ຮັບ ​ໃຊ້​ເປັນ​ໂຄ ສົກ ສໍາລັບດ້ານ ​ STEM-ວິທະຍາສາດ, ​ເທັກ​ໂນ​ໂລ​ຈີ່ ວິ​ສະ​ວະກໍາ ​ແລະ​ຄະນິດ ສາດ ​ເວລາ​ນາງ​ເດີນທາງ​ມາຍັງ​ນະຄອນຫຼວງວໍ​ຊິງ ຕັນ ​ເພື່ອ​ປະຕິບັດ​ໜ້າ​ທີ່​ຢູ່​ກະຊວງ​ສຶກສາ​ທິການຂອງ​ສະຫະລັດ.
XS
SM
MD
LG