ບັນດາສະມາຊິກສະພາ ໄດ້ພາກັນບຸກຜ່ານຄົນເປົ່າຂຸ່ຍ ຄົນເປົ່າແກ ແລະພວກ ປະທ້ວງ ກຸ່ມນຶ່ງ ກ່ອນທີ່ຈະເຂົ້າໄປເຖິງຕຶຶກອາຄານ ບ່ອນຜູ້ທີ່ຈະຖືກສະເໜີຊື່ໃຫ້ ເປັນຜູ້ສະໝັກ ປະທານາທິບໍດີພັກຣີພັບບລິກັນ ທ່ານ Donald Trump ໄດ້ທຳການພົບປະກັບ ປະທານສະພາຕໍ່າ ທ່ານ Paul Ryan ຕາມທີ່ໄດ້ມີການຄາດ ໝາຍກັນໄວ້ນັ້ນ.
ສະພາບການທີ່ອຶກກະທຶກນອງນັນໃນວັນພະຫັດວານນີ້ ຢູ່ນອກສຳນັກງານໃຫຍ່ ຄະນະ ກຳມະການແຫ່ງຊາດ ຂອງພັກຣີພັບບລິກັນ ໄດ້ສະແດງໃຫ້ເຫັນຄົນນຶ່ງທີ່ໃສ່ຫົວໃຫຍ່ ຄືກັບ ທ່ານ Trump ທີ່ໄດ້ສະທ້ອນໃຫ້ເຫັນການໂຄສະນາຫາສຽງປະທານາທິບໍດີ ທີ່ຄາດ ການບໍ່ໄດ້ ຊຶ່ງໄດ້ເຮັດໃຫ້ສື່ສຽງຂອງພັກແຕກຫັກລົງນັ້ນ.
ທ່ານ Dennis Rodriquez ໄດ້ນຳພາຄົນພວກຄົນເຂົ້າເມືອງທີ່ບໍ່ມີເອກກະສານກຸ່ມນຶ່ງ ທີ່ຮ້ອງວ່າ ເມື່ອສາມັກຄີກັນແລ້ວພວກເຮົາຈຶ່ງຝັນ ໄດ້ເຮັດພິທີສົ່ງສະການແກ່ພັກຣີພັບ ບລິກັນ. ທ່ານກ່າວວ່າ ການປະຊຸມລະຫວ່າງ ທ່ານ Ryan ແລະ ທ່ານ Trump ບໍ່ປ່ຽນ ແປງຫຍັງໝົດ ກ່ຽວກັບປະຕິກິລິຍາຂອງພັກຕໍ່ບັນຫາສຳຄັນຕ່າງໆ.
ທ່ານ Rodriquez ກ່າວເຖິງແນວຄິດຂອງທ່ານ Trump ວ່າ “ພັກຣີພັບບລິກັນ ໄດ້ເປັນ ດັ່ງນີ້ມາຕະຫລອດ. ບັດນີ້ເຂົາເຈົ້າໄດ້ສະແດງອອກມາໃຫ້ເຫັນສີສັນທີ່ແທ້ຈິງ.”
ທ່ານ Trump ໄດ້ຊະນະເກືອບ 11 ລ້ານຄະແນນສຽງຂອງພັກຣິພັບບລິກກັນ ຢູ່ໃນລັດ ຕ່າງໆທີ່ມີການແຂ່ງຂັນ ເຖິງແມ່ນວ່າທ່ານໄດ້ຮຽກຮ້ອງໃຫ້ມີການເນລະເທດ ຄົນເຂົ້າ ເມືອງທີ່ຜິດກົດໝາຍ 11 ລ້ານຄົນຢູ່ໃນສະຫະລັດ ຄຳໝັ້ນສັນຍາທີ່ຈະສ້າງກຳແພງຢູ່ຕາມຊາຍແດນຕິດກັບປະເທດ Mexico ເພື່ອປ້ອງກັນບໍ່ໃຫ້ຄົນລັກລອບເຂົ້າເມືອງ ແລະສະ ເໜີຢຸດຊົ່ວຄາວບໍ່ໃຫ້ຊາວມຸສລິມເຂົ່າມາໃນສະຫະລັດ.
ສຳລັບບັນດານັກຂ່າວແຫ່ງຊາດ ແລະສາກົນເປັນຈຳນວນຫລວງຫລາຍໄດ້ພາກັນລໍຖ້າ ຢູ່ຂ້າງນອກ ບ່ອນປະຊຸມໃນວັນພະຫັດວານນີ້ ຊຶ່ງການລໍຖ້າໄດ້ເປັນທີ່ຍືດຍາວ ແລະມີ ເນື້ອຫາທີ່ຈຳກັດ. ທ່ານ Trump ໄດ້ຢຸດເຊົາຈາກການມັກໃຊ້ຄຳເວົ້າທີ່ຫຍາບຄາຍຕໍ່ສື່ ມວນຊົນ ໂດຍຫລົບຫລີກຈາກກ້ອງຖ່າຍຮູບໃນເວລາ ທີ່ທ່ານເດີນທາງອອກໄປ.
ທ່ານໄດ້ອອກຖະແຫລງການຮ່ວມກັບ ທ່ານ Ryan ບໍ່ດົນຫລັງຈາກນັ້ນ ໂດຍໄດ້ຮ້ອງ ການພົບປະໃນຄັ້ງທຳອິດນີ້ວ່າ “ເປັນບາດກ້າວໃນທາງບວກໄປສູ່່ການທ້ອນໂຮມກັນ ຂອງພັກ.”
