ທະນາຄານກາງສະຫະລັດ ໃຫ້ສັນຍານວ່າ ຕະຫລາດວຽກງານ
ທີ່ມີອັດຕາຕ່ຳເປັນປະຫວັດການນັ້ນ ແມ່ນຈະຕ້ອງດີຂຶ້ນອີກຕື່ມ
ແລະ ອັດຕາເງິນເຟີ້ ເພີ້ມສູງຂຶ້ນອີກໜ້ອຍນຶ່ງ ກ່ອນທີ່ຕົນຈະປັບ
ອັດຕາດອກເບ້ຍຂຶ້ນ ຈາກທີ່ມີລະດັບທີ່ຕ່ຳຢູ່ແລ້ວເປັນປະຫວັດການ.
ປະທານທະຫາຄານກາງສະຫະລັດ ທ່ານນາງ Janet Yellen
ກ່າວຕໍ່ບັນດານັກຂ່າວວ່າ ການປັບອັດຕາດອກເບ້ຍຂຶ້ນນັ້ນ
ອາດມີຂຶ້ນໃນທ້າຍປີນີ້ ພຽງແຕ່ວ່າ ຖ້າຂໍ້ມູນເສດຖະກິດ ຊີ້ແນະ
ວ່າ ມັນເປັນເວລາທີ່ເໝາະສົມແລ້ວ.
ທ່ານນາງ Yellen ກ່າວວ່າ “ຄະນະກຳມະການຕະຫລາດ ທີ່ເປີດກວ້າງແຫ່ງຊາດ
ໄດ້ຢືນຢັນເອົາຕື່ມອີກໃນຕອນບາຍນີ້ ລະດັບເປົ້າໝາຍໃນເວລານີ້ ຄື ສູນ ຫາ
ນຶ່ງສ່ວນສີ່ ເປີເຊັນ ສຳຫລັບອັດຕາກອງທຶນແຫ່ງຊາດ. ພວກເຮົາຍັງໄດ້ທຳການ
ປັບປຸງ ການແນະນຳໃນທາງກ້າວໜ້າ ທີ່ຊີ້ແນະວ່າ ການເພີ້ມລະດັບເປົ້າໝາຍ
ສຳຫລັບອັດຕາກອງທຶນ ຂອງລັດຖະບານກາງ ກໍຍັງຄົງບໍ່ອາດເປັນໄປໄດ້ ຢູ່ໃນ
ກອງປະຊຸມຂອງພວກເຮົາຄັ້ງຕໍ່ໄປ ທີ່ຈະມີຂຶ້ນໃນເດືອນເມສາ.”
ທະນາຄານກາງ ໄດ້ຮັກສາ ອັດຕາດອກເບ້ຍລະຍະສັ້ນ ທີ່ສຳຄັນຂອງຕົນໃຫ້ຢູ່ໃນລະດັບ
ຕ່ຳເປັນປະຫວັດການ ເກືອບຮອດສູນເປີເຊັນ ນັບຕັ້ງແຕ່ ທ້າຍປີ 2008 ເພື່ອຊ່ອຍໃຫ້
ເສດຖະກິດຟື້ນຕົວຄືນ ຈາກວິກິດການທາງດ້ານການເງິນ ແລະ ພາວະເສດຖະກິດຖອຍລົງ.
ການຂຶ້ນອັດຕາດອກເບ້ຍ ຈະຊຸກຍູ້ໃຫ້ມີການຂຶ້ນອັດຕາເງິນກູ້ຢືມຕ່າງໆ ຂອງຜູ້ບໍລິໂພກ
ແລະ ທຸລະກິດ. ໜ້າທີ່ຂອງທະນາຄານກາງ ແມ່ນເພື່ອສົ່ງເສີມໃຫ້ຜູ້ຄົນມີວຽກການເຮັດ
ໂດຍເຕັມ ແລະ ໃຫ້ລາຄາສິນຄ້າ ອຸບປະໂພກແລະບໍລິໂພກຕ່າງໆມີຄວາມທຸ່ນທ່ຽງ.
The U.S. central bank signaled Wednesday that the job market will have to improve further and inflation rise a bit before it raises interest rates from record lows
U.S. Federal Reserve chair Janet Yellen told journalists that a rate hike could come later this year, but only if economic data indicate the time is right.
The Federal Open Market Committee this afternoon reaffirmed the current zero to one-quarter percent target range for the federal funds rate. We alsoupdated our forward guidance indicating that an increase in the target
range for the federal funds rate remains unlikely at our next meeting in April.''
The Fed has kept its key short-term rate at record lows (near zero) since late 2008, to help the economy recover from financial crisis and recession.
A rate increase would push up consumer and business rates. The Fed's job is to encourage full employment and stable prices in the economy.
