ລັດຖະບານກໍາປູເຈຍ ກໍາລັງເລັ່ງເດີນຫນ້າກັບຜູ້ຊ່ຽວຊານດ້ານກົດຫມາຍວ່າດ້ວຍອາຊະຍາກໍາທາງໄຊເບີ້ ກ່າວວ່າ ອາດຈະດໍາເນີນການຈໍາກັດສິດເສລີພາບຂອງການປາກເວົ້າເພີ້ມຕື່ມ ທ່າມກາງການປາບປາມການຄັດຄ້ານທີ່ຍັງເກີດຂຶ້ນຢ່າງຕໍ່ເນື່ອງ.
ຮ່າງກົດໝາຍວ່າດ້ວຍອາດຊະຍາກຳທາງໄຊເບີ້ ແມ່ນຮ່າງກົດໝາຍສະບັບທີ 3 ວ່າດ້ວຍອຳນາດທາງດ້ານໄຊເບີ້ ທີ່ມີການໂຕ້ຖຽງກັນ ທີ່ໄດ້ຖືກດຳເນີນການມາໄດ້ນຶ່ງປີຜ່ານມາ ໃນຖານະລັດຖະບານ, ເຊິ່ງນໍາໂດຍນາຍົກລັດຖະມົນຕີຄົນໃໝ່ ທ່ານຮຸນ ມາເນດ, ທີ່ພະຍາຍາມຊອກຫາການຕິດຕາມກວດກາໃນການເຄື່ອນໄຫວທາງອິນເຕີເນັດໃຫ້ສູງຂຶ້ນກວ່າເກົ່າ.
ໃນການໄດ້ຮັບມາໂດຍ VOA ທັງສະບັບພາສາອັງກິດ ແລະພາສາກໍາປູເຈຍ, ຮ່າງກົດໝາຍວ່າດ້ວຍອາຊະຍາກຳທາງໄຊເບີ້ສະບັບຫລ້າສຸດ ໄດ້ຖືກກໍານົດວ່າ “ເປັນຄວາມລັບ” ແລະ ປະກອບດ້ວຍ 55 ມາດຕາ. ຮ່າງກົດໝາຍດັ່ງກ່າວ ໄດ້ວາງອອກເພື່ອລົງໂທດຕໍ່ການກະທໍາຜິດຫຼາຍຮູບແບບ ດ້ວຍການຖືກປັບໃໝ ແລະ ຕິດຄຸກ, ລວມທັງການໝິ່ນປະໝາດ, ການໃຊ້ຄໍາເວົ້າໃນທາງທີ່ “ດູຖູກ, ເຊື່ອມເສຍ ຫຼື ເສຍມາລະຍາດທີ່ສຸດ,” ແລະການຂະຫຍາຍ “ຂໍ້ມູນບິດເບືອນ” ທີ່ສາມາດສົ່ງຜົນເສຍຕໍ່ຄວາມເປັນລະບຽບຮຽບຮ້ອຍທາງສັງຄົມ ແລະ “ວັດທະນະທຳດັ້ງເດີມ” ຂອງກໍາປູເຈຍໄດ້.
ກົດໝາຍ ຍັງຈະອະນຸຍາດໃຫ້ເຈົ້າໜ້າທີ່ສາມາດເກັບກຳ ແລະບັນທຶກຂໍ້ມູນການເຄື່ອນໄຫວທາງອິນເຕີເນັດ ໃນເວລາທີ່ແທ້ຈິງຂອງປະຊາຊົນ ທີ່ຢູ່ພາຍໃຕ້ການສືບສວນກ່ຽວກັບອາຊະຍາກຳ, ແລະ ອາດຈະເຮັດໃຫ້ເນື້ອຫາທາງອອນໄລນ໌ ຜິດກົດໝາຍໄດ້ ທີ່ວ່າ “ອະທິບາຍເຖິງການກະທຳ ຫຼື ການເຄື່ອນໄຫວໃດນຶ່ງ.... ມີເຈດຕະນາທີ່ຈະກະຕຸ້ນໃນຄວາມຕ້ອງການທາງເພດ”, ໃນລັກສະນະຂອງຮູບລາມົກ
ສິດທິທາງດ້ານດິຈິຕອລ ແລະ ບັນດາຜູ້ຊ່ຽວຊານທາງດ້ານກົດໝາຍ ຜູ້ທີ່ດໍາເນີນການທົບທວນກ່ຽວກັບກົດໝາຍດັ່ງກ່າວ ກ່າວຕໍ່ VOA ວ່າ ເປັນພາສາທີ່ບໍ່ຈະແຈ້ງ, ເປັນປະເພດຄໍາປາໄສຂອງການດໍາເນີນຄະດີ ທີ່ກວມລວມ ແລະ ການປົກປ້ອງພົນລະເມືອງທີ່ຂາດມາດຕະຖານສາກົນ, ເຊິ່ງສະໜອງເຄື່ອງມືໃຫ້ແກ່ລັດຖະບານ ເພື່ອຄຸມຂັງບັນດາຜູ້ຄັດຄ້ານ, ບັນດາສະມາຊິກຝ່າຍຄ້ານ, ພວກແມ່ຍິງ, ກຸ່ມຄົນ LGBTQ ແລະອື່ນໆ.
ເຖິງແມ່ນຈະປະຕິບັດງານມາແຕ່ປີ 2016, ຮ່າງກົດໝາຍກ່ອນໜ້ານີ້ ໄດ້ເກີດການວິພາກວິຈານທີ່ຄ້າຍຄືກັນ ບໍ່ເຄີຍຖືກເປີດເຜີຍອອກມາ ນັບແຕ່ ປີ 2020 ແລະ ປີ 2021, ເຊິ່ງບັນດາເຈົ້າໜ້າທີ່ຫວັງວ່າ ຈະມີການປະກາດໃຊ້ກົດໝາຍໃນທ້າຍປີນີ້.
ຟໍຣັມສະແດງຄວາມຄິດເຫັນ