ເສດຖະກິດຂອງຢູໂຣໂຊນ ຫລືເຂດໃຊ້ເງິນຢູໂຣ ໄດ້ຫົດຕົວ
ເຂົ້າເກີນຄາດໝາຍໃນໄລຍະສາມເດືອນຕົ້ນປີ 2013 ນີ້ ຄື
ຕົກຕໍ່າລົງສອງສ່ວນສິບຂອງ ນຶ່ງເປີເຊັນໃນລະຫວ່າງເດືອນ
ມັງກອນຫາເດືອນມີນາ. ຂໍ້ມູນໃໝ່ນີ້ໝາຍເຖິງວ່າ ບັດນີ້ ເຂດ
17 ປະເທດທີ່ໃຊ້ເງິນຢູໂຣ ໄດ້ຕົກຢູ່ໃນສະພາວະເສດຖະກິດ
ຖົດຖອຍ ເປັນຫົກໄຕມາດລຽນຕິດແລ້ວ ຄືດົນກວ່າສະພາວະ
ຖົດຖອຍຢ່າງໃຫຍ່ ທີ່ຕິດຕາມມາຫລັງຈາກວິກິດການການ
ເງິນຂອງໂລກໃນປີ 2008 ນັ້ນ. Mil Arcega ຜູ້ສື່ຂ່າວວີໂອ
ເອມີລາຍງານເລຶ່ອງນີ້ ຊຶ່ງທອງປານຈະນໍາມາສະເໜີທ່ານ
ໃນອັນດັບຕໍ່ໄປ.
ເມກເຝື້ອຂອງພາຍຸລູກໃໝ່ກໍາລັງຄຸກຄາມເສດຖະກິດຂອງພາກພື້ນຢູໂຣບ. ຄື ໃນຈໍາ
ນວນ 17 ປະເທດທີ່ໃຊ້ເງິນຕາຢູໂຣດຽວກັນນັ້ນ ມີເກົ້າປະເທດດ້ວຍກັນ ທີ່ບັດນີ້ ຕົກຢູ່
ໃນສະພາວະເສດຖະກິດຖົດຖອຍ ແລະເຖິງແມ່ນວ່າບໍ່ຮ້າຍແຮງ ເທົ່າກັບທີ່ເກີດຂຶ້ນ
ຫຼັງຈາກວິກິດການການເງິນໂລກປີ 2008 ນັ້ນກໍຕາມ ແຕ່ ທ່ານ Jorg Kramer ຫົວໜ້າ
ຄະນະນັກເສດຖະສາດປະຈໍາທະນາຄານ Commerzbank ກໍເວົ້າວ່າ ຄັ້ງນີ້ປາກົດວ່າ
ດົນນານທີ່ສຸດ.
ທ່ານ ເຄຣມເມີ ເວົ້າວ່າ: “ປົກກະຕິແລ້ວ ສະຖາວະດັ່ງກ່າວຈະດົນນານ ພຽງ ສອງ
ສາມ ຫຼືສູງສຸດ ກໍສີ່ໄຕມາດເທົ່ານັ້ນ. ແຕ່ຫົກໄຕມາດແມ່ນດົນຫຼາຍ. ແລະ ທີ່ເຮັດ
ໃຫ້ຊໍ້າຮ້າຍລົງໄປກວ່ານີ້ອີກ ກໍຄືຕົວຊີ້ບອກການກ້າວໄປຂ້າງໜ້າ ເຊ່ນ PMI ຊຶ່ງ
ເປັນຕົວວັດແທກກິດຈະກໍາການຜະລິດຂອງ ພວກປະເທດໃຊ້ເງິນ ຢູໂຣນັ້ນ ໄດ້
ຕົກຕໍ່າລົງສອງເດືອນລຽນຕິດ. ສະນັ້ນແລ້ວ ກໍແມ່ນວ່າພວກເຮົາກໍາລັງມີບັນຫາ
ຢ່າງແທ້ຈິງໃນເຂດຢູໂຣໂຊນ.”
ໃນປະເທດຝຣັ່ງ ຊຶ່ງເປັນເສດຖະກິດໃຫຍ່ອັນດັບສອງຂອງຢູໂຣບນັ້ນ ບໍ່ແມ່ນແຕ່ຜ້າພົມ
ປູພື້ນຍ່າງ ຄືຢູ່ໃນງານມະຫະກໍາຮູບເງົາທີ່ມີຊື່ສຽງທີ່ເມືອງ Cannes ເທົ່ານັ້ນ ທີ່ເປັນສີ
ແດງ ຊຶ່ງໝາຍເຖິງສະຖານນະການດ້ານການເງິນທີ່ຂາດທຶນນັ້ນ ທ່ານ Carsten
Brzeski ນັກເສດຖະກິດອາວຸໂສ ປະຈໍາສະຖາບັນການ ເງິນ ING ເວົ້າວ່າ ການຫົດຕົວ
ເຂົ້າສອງເທົ່າຕົວ ຂອງເສດຖະກິດຂອງຝຣັ່ງ ໝາຍເຖິງບັນຫາທີ່ຈະມີ ເພີ່ມຂຶ້ນ.
ທ່ານ Brzeski ເວົ້າວ່າ: “ພວກເຮົາຫລຽວເຫັນແສງໄຟພໍລາງໆ ຢູ່ສົ້ນອຸໂມງຢູ່ໃນ
ປະເທດສະເປນ ໃນກຣີສ ຍ້ອນວ່າຢູ່ທີ່ນັ້ນພວກເຮົາເຫັນວ່າ ການປະຕິຮູບດ້ານ
ໂຄງສ້າງກໍາລັງໄດ້ຜົນ. ແຕ່ທີ່ຝຣັ່ງນັ້ນ ແມ່ນຍັງບໍ່ເຫັນຫຍັງເກີດຂຶ້ນຈົນຮອດດຽວນີ້.”
ແມ່ນແຕ່ເຢຍຣະມັນ ຊຶ່ງເປັນເສດຖະກິດທີ່ໃຫຍ່ທີ່ສຸດຂອງພາກພື້ນຢູໂຣບ ກໍເກືອບບໍ່ພົ້ນ
ຈາກສະພາວະຖົດຖອຍ ຄືມີການເຕີບໂຕ ພຽງນຶ່ງສ່ວນສິບຂອງນຶ່ງເປີເຊັນເທົ່ານັ້ນ ໃນ ລະຫວ່າງເດືອນມັງກອນ ຫາທ້າຍເດືອນມີນາ ປີນີ້.
ເນື່ອງຈາກມີປະຊາກອນລວມທັງໝົດຫຼາຍກວ່າຫ້າຮ້ອຍລ້ານຄົນນັ້ນ ປັດຈຸບັນນີ້ ສະຫະ
ພາບຢູໂຣບ ຫຼືອີຢູ ແມ່ນເປັນຕະຫຼາດສໍາລັບສິນຄ້າສົ່ງອອກ ທີ່ໃຫຍ່ທີ່ສຸດຂອງໂລກ. ແລະນັ້ນໝາຍຄວາມວ່າ ການຊັກຊ້າລົງຂອງເສດຖະກິດຢູ່ທີ່ນັ້ນ ກໍອາດສາມາດສົ່ງຜົນ
ກະທົບຕໍ່ເສດຖະກິດຂອງສະຫະລັດນໍາດ້ວຍ. ທ່ານ Greg McBride ແຫ່ງທະນາຄານ
Bank Rate.com ກ່າວຕໍ່ວີໂອເອ ຜ່ານ Skype ວ່າ:
“ຂ້າພະເຈົ້າໝາຍເຖິງວ່າ ຢູໂຣບກໍາລັງຕົກຢູ່ໃນສະພາວະຖົດຖອຍ ເສດຖະກິດຈີນ
ກໍກໍາລັງຊັກຊ້າລົງ ແຕ່ປັດຈຸບັນນີ້ ແມ່ນແຕ່ຕົວເລກພື້ນຖານຂອງພວກເຮົາເອງ ແທ້ໆແລ້ວກໍຍັງບໍ່ຄ່ອຍດີປານໃດ. ສະນັ້ນແລ້ວ ພວກເຮົາກໍແມ່ນຕົກຢູ່ໃນສະຖານ
ນະການ ທີ່ພວກເຮົາໄດ້ເຫັນໃນທຸກໆປີ ຂອງໄລຍະສາມປີທີ່ຜ່ານມາ ຊຶ່ງເສດຖະ
ກິດແມ່ນເລີ່ມຕົ້ນຂຶ້ນດີຫຼາຍໃນສາມ ຫຼືສີ່ເດືອນທໍາອິດຂອງປີ ແຕ່ບາດແລ້ວ ພວກ
ເຮົາກໍແມ່ນມັກຈະກ້າວເຂົ້າສູ່ ການຊັກຊ້າລົງ ໃນປະມານໄຕມາດທີ່ສອງ.”
ບັນດານັກວິເຄາະເວົ້າວ່າ ມາດຕະການປະຫຍັດມັດທະຍັດຂອງລັດຖະບານ ທີ່ມີໜີ້ສິນ
ຫຼວງຫຼາຍ ເຊັ່ນ ກຣີສ ສະເປນ ແລະອິຕາລີນັ້ນ ໄດ້ມີສ່ວນພາໃຫ້ ເກີດອັດຕາການວ່າງ
ງານສູງເປັນປະວັດການ ຢູ່ພາຍໃນເຂດປະເທດທີ່ໃຊ້ເງິນຢູໂຣ ແລະມີສ່ວນເຮັດໃຫ້
ເສດຖະກິດຊັກຊ້າລົງ ຊຶ່ງບັນດານັກຄາດການລ່ວງໜ້າເວົ້າວ່າ ຄົງຈະດໍາເນີນໄປຈົນກວ່າ
ຕົ້ນປີ 2014 ພຸ້ນລະ.
ເຂົ້າເກີນຄາດໝາຍໃນໄລຍະສາມເດືອນຕົ້ນປີ 2013 ນີ້ ຄື
ຕົກຕໍ່າລົງສອງສ່ວນສິບຂອງ ນຶ່ງເປີເຊັນໃນລະຫວ່າງເດືອນ
ມັງກອນຫາເດືອນມີນາ. ຂໍ້ມູນໃໝ່ນີ້ໝາຍເຖິງວ່າ ບັດນີ້ ເຂດ
17 ປະເທດທີ່ໃຊ້ເງິນຢູໂຣ ໄດ້ຕົກຢູ່ໃນສະພາວະເສດຖະກິດ
ຖົດຖອຍ ເປັນຫົກໄຕມາດລຽນຕິດແລ້ວ ຄືດົນກວ່າສະພາວະ
ຖົດຖອຍຢ່າງໃຫຍ່ ທີ່ຕິດຕາມມາຫລັງຈາກວິກິດການການ
ເງິນຂອງໂລກໃນປີ 2008 ນັ້ນ. Mil Arcega ຜູ້ສື່ຂ່າວວີໂອ
ເອມີລາຍງານເລຶ່ອງນີ້ ຊຶ່ງທອງປານຈະນໍາມາສະເໜີທ່ານ
ໃນອັນດັບຕໍ່ໄປ.
ເມກເຝື້ອຂອງພາຍຸລູກໃໝ່ກໍາລັງຄຸກຄາມເສດຖະກິດຂອງພາກພື້ນຢູໂຣບ. ຄື ໃນຈໍາ
ນວນ 17 ປະເທດທີ່ໃຊ້ເງິນຕາຢູໂຣດຽວກັນນັ້ນ ມີເກົ້າປະເທດດ້ວຍກັນ ທີ່ບັດນີ້ ຕົກຢູ່
ໃນສະພາວະເສດຖະກິດຖົດຖອຍ ແລະເຖິງແມ່ນວ່າບໍ່ຮ້າຍແຮງ ເທົ່າກັບທີ່ເກີດຂຶ້ນ
ຫຼັງຈາກວິກິດການການເງິນໂລກປີ 2008 ນັ້ນກໍຕາມ ແຕ່ ທ່ານ Jorg Kramer ຫົວໜ້າ
ຄະນະນັກເສດຖະສາດປະຈໍາທະນາຄານ Commerzbank ກໍເວົ້າວ່າ ຄັ້ງນີ້ປາກົດວ່າ
ດົນນານທີ່ສຸດ.
ທ່ານ ເຄຣມເມີ ເວົ້າວ່າ: “ປົກກະຕິແລ້ວ ສະຖາວະດັ່ງກ່າວຈະດົນນານ ພຽງ ສອງ
ສາມ ຫຼືສູງສຸດ ກໍສີ່ໄຕມາດເທົ່ານັ້ນ. ແຕ່ຫົກໄຕມາດແມ່ນດົນຫຼາຍ. ແລະ ທີ່ເຮັດ
ໃຫ້ຊໍ້າຮ້າຍລົງໄປກວ່ານີ້ອີກ ກໍຄືຕົວຊີ້ບອກການກ້າວໄປຂ້າງໜ້າ ເຊ່ນ PMI ຊຶ່ງ
ເປັນຕົວວັດແທກກິດຈະກໍາການຜະລິດຂອງ ພວກປະເທດໃຊ້ເງິນ ຢູໂຣນັ້ນ ໄດ້
ຕົກຕໍ່າລົງສອງເດືອນລຽນຕິດ. ສະນັ້ນແລ້ວ ກໍແມ່ນວ່າພວກເຮົາກໍາລັງມີບັນຫາ
ຢ່າງແທ້ຈິງໃນເຂດຢູໂຣໂຊນ.”
ໃນປະເທດຝຣັ່ງ ຊຶ່ງເປັນເສດຖະກິດໃຫຍ່ອັນດັບສອງຂອງຢູໂຣບນັ້ນ ບໍ່ແມ່ນແຕ່ຜ້າພົມ
ປູພື້ນຍ່າງ ຄືຢູ່ໃນງານມະຫະກໍາຮູບເງົາທີ່ມີຊື່ສຽງທີ່ເມືອງ Cannes ເທົ່ານັ້ນ ທີ່ເປັນສີ
ແດງ ຊຶ່ງໝາຍເຖິງສະຖານນະການດ້ານການເງິນທີ່ຂາດທຶນນັ້ນ ທ່ານ Carsten
Brzeski ນັກເສດຖະກິດອາວຸໂສ ປະຈໍາສະຖາບັນການ ເງິນ ING ເວົ້າວ່າ ການຫົດຕົວ
ເຂົ້າສອງເທົ່າຕົວ ຂອງເສດຖະກິດຂອງຝຣັ່ງ ໝາຍເຖິງບັນຫາທີ່ຈະມີ ເພີ່ມຂຶ້ນ.
ທ່ານ Brzeski ເວົ້າວ່າ: “ພວກເຮົາຫລຽວເຫັນແສງໄຟພໍລາງໆ ຢູ່ສົ້ນອຸໂມງຢູ່ໃນ
ປະເທດສະເປນ ໃນກຣີສ ຍ້ອນວ່າຢູ່ທີ່ນັ້ນພວກເຮົາເຫັນວ່າ ການປະຕິຮູບດ້ານ
ໂຄງສ້າງກໍາລັງໄດ້ຜົນ. ແຕ່ທີ່ຝຣັ່ງນັ້ນ ແມ່ນຍັງບໍ່ເຫັນຫຍັງເກີດຂຶ້ນຈົນຮອດດຽວນີ້.”
ແມ່ນແຕ່ເຢຍຣະມັນ ຊຶ່ງເປັນເສດຖະກິດທີ່ໃຫຍ່ທີ່ສຸດຂອງພາກພື້ນຢູໂຣບ ກໍເກືອບບໍ່ພົ້ນ
ຈາກສະພາວະຖົດຖອຍ ຄືມີການເຕີບໂຕ ພຽງນຶ່ງສ່ວນສິບຂອງນຶ່ງເປີເຊັນເທົ່ານັ້ນ ໃນ ລະຫວ່າງເດືອນມັງກອນ ຫາທ້າຍເດືອນມີນາ ປີນີ້.
ເນື່ອງຈາກມີປະຊາກອນລວມທັງໝົດຫຼາຍກວ່າຫ້າຮ້ອຍລ້ານຄົນນັ້ນ ປັດຈຸບັນນີ້ ສະຫະ
ພາບຢູໂຣບ ຫຼືອີຢູ ແມ່ນເປັນຕະຫຼາດສໍາລັບສິນຄ້າສົ່ງອອກ ທີ່ໃຫຍ່ທີ່ສຸດຂອງໂລກ. ແລະນັ້ນໝາຍຄວາມວ່າ ການຊັກຊ້າລົງຂອງເສດຖະກິດຢູ່ທີ່ນັ້ນ ກໍອາດສາມາດສົ່ງຜົນ
ກະທົບຕໍ່ເສດຖະກິດຂອງສະຫະລັດນໍາດ້ວຍ. ທ່ານ Greg McBride ແຫ່ງທະນາຄານ
Bank Rate.com ກ່າວຕໍ່ວີໂອເອ ຜ່ານ Skype ວ່າ:
“ຂ້າພະເຈົ້າໝາຍເຖິງວ່າ ຢູໂຣບກໍາລັງຕົກຢູ່ໃນສະພາວະຖົດຖອຍ ເສດຖະກິດຈີນ
ກໍກໍາລັງຊັກຊ້າລົງ ແຕ່ປັດຈຸບັນນີ້ ແມ່ນແຕ່ຕົວເລກພື້ນຖານຂອງພວກເຮົາເອງ ແທ້ໆແລ້ວກໍຍັງບໍ່ຄ່ອຍດີປານໃດ. ສະນັ້ນແລ້ວ ພວກເຮົາກໍແມ່ນຕົກຢູ່ໃນສະຖານ
ນະການ ທີ່ພວກເຮົາໄດ້ເຫັນໃນທຸກໆປີ ຂອງໄລຍະສາມປີທີ່ຜ່ານມາ ຊຶ່ງເສດຖະ
ກິດແມ່ນເລີ່ມຕົ້ນຂຶ້ນດີຫຼາຍໃນສາມ ຫຼືສີ່ເດືອນທໍາອິດຂອງປີ ແຕ່ບາດແລ້ວ ພວກ
ເຮົາກໍແມ່ນມັກຈະກ້າວເຂົ້າສູ່ ການຊັກຊ້າລົງ ໃນປະມານໄຕມາດທີ່ສອງ.”
ບັນດານັກວິເຄາະເວົ້າວ່າ ມາດຕະການປະຫຍັດມັດທະຍັດຂອງລັດຖະບານ ທີ່ມີໜີ້ສິນ
ຫຼວງຫຼາຍ ເຊັ່ນ ກຣີສ ສະເປນ ແລະອິຕາລີນັ້ນ ໄດ້ມີສ່ວນພາໃຫ້ ເກີດອັດຕາການວ່າງ
ງານສູງເປັນປະວັດການ ຢູ່ພາຍໃນເຂດປະເທດທີ່ໃຊ້ເງິນຢູໂຣ ແລະມີສ່ວນເຮັດໃຫ້
ເສດຖະກິດຊັກຊ້າລົງ ຊຶ່ງບັນດານັກຄາດການລ່ວງໜ້າເວົ້າວ່າ ຄົງຈະດໍາເນີນໄປຈົນກວ່າ
ຕົ້ນປີ 2014 ພຸ້ນລະ.
