ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ອີຢູ ເຜີຍຊື່ ຊາວຣັດເຊຍ ທີ່ຖືກລົງໂທດ ຍ້ອນ ວິກິດການ ໃນຢູເຄຣນ (ສະໄລດ໌/ວີດີໂອ)


Ukraine SOTVO
please wait
Embed

No media source currently available

0:00 0:01:11 0:00
ຣັດເຊຍໄດ້ກ່າວຫາສະຫະພາບຢູໂຣບວ່າ ບໍ່ເຂົ້າໃຈຢ່າງສິ້ນ
ເຊີງກ່ຽວກັບສະພາບການ ດ້ານການເມືອງພາຍໃນ ຂອງຢູ
ເຄຣນ ໃນຂະນະທີ່ສະຫະພາບຢູໂຣບ ໄດ້ ລະບຸຊື່ເປົ້າໝາຍ
ໃໝ່ໃນການລົງໂທດ 15 ຊື່ຍ້ອນບົດບາດຂອງພວກເຂົາເຈົ້າ
ໃນວິກິດການຢູເຄຣນ.

ກະຊວງການຕ່າງປະເທດຣັດເຊຍກ່າວໃນວັນອັງຄານມື້ນີ້ວ່າ
ການລົງໂທດຂອງ ສະຫະພາບຢູໂຣບ ແມ່ນເປັນການເຊື້ອເຊີນ
ໂດຍກົງ ຕໍ່ພວກນາຊີໃໝ່ ຢູ່ໃນເຂດ ທ້ອງຖິ່ນ ເພື່ອໃຫ້ສືບຕໍ່
ການກະທຳແບບບ້ານເມືອງບໍ່ມີຂື່ມີແປ ຢູ່ໃນເຂດພາກຕາເວັນ
ອອກສຽງໃຕ້ຂອງຢູເຄຣນ.

ສະຫະລັດ​ແລະສະຫະພາບຢູ​ໂຣບ ​ໄດ້​ອອກ​ກົດໝາຍ​ເກືອດ​ຫ້າມການ​ເດີນທາງ ແລະ
ຫ້າມບໍ່ໃຫ້ຍົກຍ້າຍຊັບສິນໃນມື້ວັນຈັນວານນີ້. ບັນຊີລາຍຊື່ທີ່ນຳອອກເຜີຍແຜ່ໂດຍສະຫະ
ພາບຢູໂຣບໃນວັນອັງຄານມື້ນີ້ ແມ່ນຮວມທັງຮອງນາຍົກລັດຖະມົນຕີຣັດເຊຍ ທ່ານ Dmitry Kozak ແລະນາຍພົນ Valery Gerasimor ເສນາທິການຂອງກອງທັບຣັດ
ເຊຍ. ເຈົ້າໜ້າທີ່ 7 ຄົນ ແລະ 17 ບໍລິສັດທີ່ຕົກ ເປັນເປົ້າໝາຍໃນການລົງໂທດຂອງສະຫະ
ລັດນັ້ນ ແມ່ນຮວມທັງ​ທູດ​ພິ​ເສດ​ຂອງປະທານາທິບໍດີ Vladimir Putin ປະຈຳ​ໄຄຣເມຍ, ຫົວໜ້າ​ຝ່າຍຮັກສາ​ປະທານາທິບໍດີຣັດເຊຍແລະຫົວໜ້າບໍລິສັດລັດວິສາຫະກິດ
ຜະລິດ​ນ້ຳມັນທີ່ໃຫຍ່ ທີ່ສຸດ​ຂອງຣັດ​ເຊຍ.
US, EU Impose More Sanctions On Russia For Actions in Ukraine
please wait

No media source currently available

0:00 0:03:21 0:00

ວັງ Kremlin ​ໃຫ້​ຄຳ​ໝັ້ນ​ສັນຍາ​ວ່າ ຈະ​ຕອບ​ຮັບ​ແບບ​ເຈັບ​ປວດ.

​ໃນ​ວັນ​ອັງຄານ​ມື້​ນີ້ ຍີ່ປຸ່ນ ​ກໍໄດ້​ກ່າວ​ວ່າ ຕົນ​ຈະ​ປະຕິ​ເສດບໍ່ຍອມອອກວີ​ຊ່າ ໃຫ້ແກ່​ຊາວຣັດ​ເຊຍ 23 ຄົນ ​ເພື່ອເປັນສ່ວນນຶ່ງໃນການລົງ​ໂທດ​ຕໍ່ມົສກູ ​ທີ່ໄດ້ລ່ວງ ລະເມີດຕໍ່ອະທິປະ​ໄຕ​
ຂອງ​ຢູ​ເຄຣນນັ້ນ. ຍີ່ປຸ່ນ ບໍ່ໄດ້ລະບຸຊື່ ຂອງພວກທີ່ຖືກລົງໂທດແຕ່ຢ່າງໃດ.
XS
SM
MD
LG