ປະທານາທິບໍດີ ເທີກີ ທ່ານ ຣີເຊັບ ໄຕຢິບ ເອີດູອານ ໄດ້ກ່າວໃນວັນເສົາວານນີ້ວ່າ ການ
ຊື້ລະບົບອາວຸດ S-400 ຈາກ ຣັດເຊຍ ແມ່ນຂໍ້ຕົກລົງທີ່ໄດ້ເຮັດນຳກັນ, ແລະ ໄດ້ກ່າວ
ຕື່ມວ່າ ລັດຖະບານ ອັງກາຣາ ຈະຮ່ວມຜະລິດລະບົບອາວຸດ S-500 ກັບລັດຖະບານ
ມົສກູ.
ບັນດາເຈົ້າໜ້າທີ່ ສະຫະລັດ ໄດ້ເອີ້ນແຜນການຊື້ລະບົບລູກສອນໄຟຂີປະນາວຸດ S-
400 ຂອງ ເທີກີ ວ່າ “ເປັນບັນຫາໃຫຍ່,” ໂດຍກ່າວວ່າ ມັນຈະມີຄວາມສ່ຽງກັບການເປັນ
ຄູ່ຮ່ວມຂອງ ອັງກາຣາ ໃນການເຮັດໂຄງການ ເຮືອບິນຮົບ F-35 ຮ່ວມກັນ ເພາະວ່າ
ມັນຈະເປັນໄພຕໍ່ເຮືອບິນຮົບ, ທີ່ເຮັດໂດຍບໍລິສັດ ລັອກຮີດ ມາຕິນ.
ແນວໃດກໍຕາມ, ທ່ານ ເອີດູອານ ກໍໄດ້ກ່າວໃນການປະຊຸມຖາມ ແລະ ຕອບຄຳຖາມ
ອອກໂທລະພາບ ກັບພວກນັກສຶກສາມະຫາວິທະຍາໄລ ໃນນະຄອນ ອິສຕານບູລ ວ່າ
ເທີກີ ໄດ້ດຳເນີນວຽກງານດ້ານເຕັກນິກ ແລະ ໄດ້ພົບວ່າ ບັນຫາດັ່ງກ່າວແມ່ນບໍ່ມີ.
ທ່ານໄດ້ກ່າວວ່າ “ເຂົາເຈົ້າ (ສະຫະລັດ) ຕອນນີ້ແມ່ນກຳລັງສົ່ງໝາກບານໄປມາຢູ່ກາງ
ສະໜາມ, ສະແດງຄວາມບໍ່ເຕັມໃຈບາງຢ່າງ. ແຕ່ໃນບໍ່ໄວ ຫຼື ບໍ່ຊ້ານີ້, ພວກເຮົາກໍຈະ
ໄດ້ຮັບເຮືອບິນຮົບ F-35. ການທີ່ ສະຫະລັດ ຈະບໍ່ສົ່ງໃຫ້ນັ້ນແມ່ນບໍ່ໄດ້ຢູ່ໃນຕົວເລືອກ.”