ກະຊວງພາຍໃນຂອງອິຢິບໄດ້ກ່າວໃນຖະແລງການຕອນນຶ່ງວ່າ ພວກມືປືນທີ່ບໍ່ຮູ້ຊື່ຫຼາຍ ຄົນ ໄດ້ສັງຫານຕຳຫຼວດນອກເຄື່ອງແບບອິຢິບຕາຍ 8 ຄົນ ໃນການໂຈມຕີຢູ່ ແຮນວັນ ນອກ ນະ ຄອນຫຼວງ ໄຄໂຣ.
ອິງຕາມ ກະຊວງ ດັ່ງກ່າວແລ້ວ ແມ່ນວ່າ ພວກມືປືນທີ່ວ່ານັ້ນ ຂັບລົດພິກອັບນ້ອຍໆ ຄັນນຶ່ງ ເຂົ້າໄປໄກ້ລົດຕຳຫຼວດ ພາກັນອອກມາຈາກລົດ ແລ້ວກໍເປີດສາກຍິງໃສ່ລົດຕຳຫຼວດ ແລ້ວ ກໍຂັບລົດໜີໄປ.
ເຖິງແມ່ນຈະຍັງບໍ່ທັນມີໃຜອ້າງເອົາຄວາມຮັບຜິດຊອບໃນການໂຈມນີ້ກໍຕາມ ແຕ່ພວກກຸ່ມ ຈິຮາດ ກໍແມ່ນໄດ້ສັງຫານພວກຕຳຫຼວດແລະພວກທະຫານເປັນປະຈຳ ໃນການໂຈມຕີ ທີ່ຄ້າຍຄືກັນນີ້ ຢູ່ແຫຼມຊີນາຍ ແລະໄກ້ໆກັບນະຄອນໄຄໂຣ ເຊັ່ນກັນ.