ລິ້ງ ສຳຫລັບເຂົ້າຫາ

ສານອີຈິບ ຕັດສີນຢືນຢັນ ໃຫ້ປະຫານຊີວິດ ຈຳເລີຍ 21 ຄົນ (ວີດິໂອ)


ຜູ້ຊາຍຊາວອີຈິບຄົນນຶ່ງ ສະແດງປະຕິກິລິຍາ ຂະນະທີ່ລາວເບິ່ງຂ່າວໂທລະພາບ ກ່ຽວກັບຄຳພິພາກສາ ຢືນຢັນການຕັດສິນໂທດປະຫານຊີວິດ ຂອງຈຳເລີຍ 21 ຄົນ (9 ມີນາ 2013)
ສານອີ​ຈິບແຫ່ງ​ນຶ່ງ​ ໄດ້​ຕັດສິນເຫັນ​ພ້ອມ ​ໃຫ້ລົງໂທດປະຫານ​
ຊີວິດຈຳ ​ເລີຍ 21 ຄົນ​ໃນ​ຖານກໍ່ຄວາມວຸ້ນວາຍລະຫວ່າງ​ການ​
ແຂ່ງຂັນເຕະບານ ທີ່ເຮັດ​ໃຫ້​ມີ​ຄົນ​ເສຍ​ຊີວິດ​ ໃນ​ຕົ້ນ​ປີ​ກາຍ​ນີ້ ​ທີ່​
ເມືອງ Port Said.

ນອກ​ນັ້ນ ສານຍັງໄດ້ຕັດສິນລົງໂທດ ໃນວັນເສົາມື້ນີ້ ​ໃຫ້​ຈຳ​ເລີຍ
ຫ້າ ຄົນຈຳ​ຄຸກ​ຕະຫຼອດຊີວິດ ໃນຂະນະທີ່ອີກ 19 ຄົນ ໄດ້ຮັບ
​ໂທດຕິດ ຄຸກ ທີ່​ເບົາ​ລົງ​ມາ ແລະອີກ 28 ຄົນ ພົ້ນໂທດ.

ການປະກາດໃນທ້າຍເດືອນມັງກອນກ່ຽວ​ກັບການລົງໂທດປະ
ຫານຊີວິດ 21 ຄົນ ໄດ້ກໍ່ໃຫ້ເກີດມີການປະທະກັນຢ່າງຮ້າຍແຮງ
ລະຫວ່າງບັນດາ ຍາດຕິພີ່ນ້ອງຂອງຜູ້ທີ່ຖືກໂທດປະຫານຊີວິດ ແລະເຈົ້າໜ້າທີ່ຕໍາຫລວດ ຍາມຄຸກ ບ່ອນພວກ​ນັກ​ໂທດ​ເຫຼົ່ານີ້
ຖືກຄຸມຂັງຢູ່ນັ້ນ. ຫລາຍຄົນໄດ້ຮັບ ບາດເຈັບໃນການປະທະກັນ
ທີ່ເຮັດໃຫ້ 30 ກວ່າຄົນເສຍຊີວິດ​ໄປ​ນັ້ນ.

ເຫດການວຸ້ນວາຍໃນຕອນທ້າຍຂອງການແຂ່ງຂັນເຕະບານ ໃນເດືອນ ກຸມພາປີກາຍນີ້ ໄດ້ເຮັດໃຫ້ 70 ກວ່າຄົນເສຍຊີວິດ.

XS
SM
MD
LG