ເຈົ້າໜ້າທີ່ທໍານຽບຂາວກ່າວວ່າ ປະທານາທິບໍດີ ບາຣັກ ໂອບາມາ ໄດ້ກ່າວ ຕໍ່ຜູ້ນໍາໂລກຫລາຍໆຄົນວ່າ ປະທານາ ທິບໍດີອີຈິບ ທ່ານ Hosni Mubarak ຈະຕ້ອງໄດ້ທໍາການ
ໂອນອໍານາດຢ່າງສັນຕິແລະຢ່າງເປັນລະບຽບ ເລີ່ມຕົ້ນແຕ່ ບັດນີ້ເປັນຕົ້ນໄປ.
ຖະແຫລງການຂອງທໍານຽບຂາວສະບັບນຶ່ງເວົ້າວ່າ ປະທາ
ນາທິບໍດີໂອບາມາໄດ້ໃຫ້ຂໍ້ຄິດເຫັນດັ່ງກ່າວໃນວັນເສົາວານ
ນີ້ ໃນການໂອ້ລົມທາງໂທລະສັບ ກັບນາຍົກລັດຖະມົນຕີ
ອັງກິດ ທ່ານ David Cameron, ນາຍົດລັດຖະມົນຕີ
ເຢຍລະມັນ ທ່ານນາງ Angela Merkel ແລະອົງມົງກຸດ Mohammed bin Zayed
ຂອງສະຫະລັດອາຫຣັບ Emirates.
ໂຄສົກລັດຖະບານອັງກິດກ່າວວ່າ ທ່ານ Cameron ແລະ ທ່ານໂອບາມາ ເຫັນພ້ອມນໍາ
ກັນວ່າ ອີຈິບແມ່ນຕ້ອງການແຜນທີ່ຫົນທາງທີ່ແຈ້ງຂາວ ແລະ ເຊື່ອຖືໄດ້ ໄປສູ່ການປ່ຽນ
ແປງທາງການເມືອງ ໃຫ້ໄວເທົ່າທີ່ຈະໄວໄດ້.
ພວກເຈົ້າໜ້າທີ່ທໍານຽບຂາວກ່າວໃຫ້ຮູ້ອີກວ່າ ຮອງປະທານາທິບໍດີສະຫະລັດ ທ່ານໂຈ
ບາຍເດັນ ກໍໄດ້ເນັ້ນຍໍ້າຄວາມເຫັນຂອງທ່ານໂອບາມາ ກັບ ທ່ານ Omar Suleiman
ຮອງປະທານາທິບໍດີອີຈິບ ໂດຍທາງໂທລະສັບໃນວັນເສົາວານນີ້. ນອກນັ້ນ ທ່ານບາຍ
ເດັນ ຍັງໄດ້ຖາມທ່ານ Suleiman ກ່ຽວກັບຄວາມກ້າວໜ້າຂອງອີຈິບ ໃນການເລີ່ມຕົ້ນ
ການເຈລະຈາທີ່ຮວມເອົາໝົດທຸກຝ່າຍ ເພື່ອແກ້ໄຂບັນຫາຄວາມປາດຖະໜາຕ່າງໆຂອງ ປະຊາຊົນອີຈິບນັ້ນ.
ທໍານຽບຂາວກ່າວວ່າ ຮອງປະທານາທິບໍດີ ບາຍເດັນ ໄດ້ຮຽກຮ້ອງໃຫ້ລັດຖະບານອີຈິບ ຈົ່ງນໍາສະເໜີລາຍການປະຕິຮູບທີ່ເປັນຮູບປະທໍາ ມີກໍານົດເວລາທີ່ແຈ້ງຂາວ ແລະໃຫ້ເອົາ
ບາດກ້າວໃນທັນທີ ເພື່ອສະແດງໃຫ້ເຫັນເຖິງຄວາມໝັ້ນໝາຍຂອງຕົນ ທີ່ຈະທໍາການປະຕິ ຮູບນັ້ນ.
