ປະທານາທິບໍດີໄລບີເຣຍ ໄດ້ໃຫ້ຄວາມໝັ້ນໃຈອີກໃໝ່ ແກ່
ບັນດາພະນັກງານຮັກສາສຸຂະພາບຂອງປະເທດວ່າ ຊັບພະ
ຍາກອນເພີ້ມຕື່ມສຳລັບການຕໍ່ສູ້ກັບເຊື້ອໄວຣັສອີໂບລາ ກຳ
ລັງມາຮອດ.
ທ່ານນາງ Ellen Johnson Sirleaf ໄດ້ພົບປະກັບບັນດາພະ
ນັກງານຮັກສາສຸຂະພາບໃນວັນເສົາວານນີ້ ທີ່ນະຄອນຫຼວງ
Monrovia. ພວກພະນັກງານດັ່ງກ່າວໄດ້ຂໍຂຶ້ນເງິນເດືອນເພີ້ມ
ແລະສະພາບການໃນການເຮັດວຽກເຮັດການທີ່ດີຂຶ້ນກ່ວາເກົ່າ.
ປະທານາທິບໍດີ ໄດ້ໃຫ້ຄຳໝັ້ນສັນຍາຈະໃຫ້ຄຳຕອບຢ່າງໄວກ່ຽວກັບການຮ້ອງຂໍຂຶ້ນເງິນ
ເດືອນນັ້ນ ແຕ່ຂໍຮ້ອງໃຫ້ພວກເຂົາເຈົ້າມີຄວາມອົດທົນກ່ຽວກັບຄຳຮຽກຮ້ອງອື່ນໆ ຮວມທັງ
ຂໍລົດໂຮງໝໍຕື່ມຂຶ້ນອີກນັ້ນ.
ປະເທດໄລບີເຣຍ ກີນີ ແລະ Sierra Lione ລວມກັນແລ້ວ ແມ່ນໄດ້ເສຍປະຊາຊົນໄປ
ເກືອບ 1 ພັນຄົນແລ້ວ ຍ້ອນການລະບາດຂອງເຊື້ອໄວຣັສອີໂບລາ. ກີນີ ໄດ້ປະກາດ
ໃນວັນເສົາວານນີ້ວ່າ ຕົນໄດ້ອັດຊາຍແດນຕິດກັບ ໄລບີເຣຍ ແລະ Sierra Leone.
ຄົນນຶ່ງໃນຈຳນວນພວກທີ່ເສຍຊີວິດໄປ ຫວ່າງໄວໆຜ່ານມານີ້ ແມ່ນແມ່ຊີຊາວ Congo
ທີ່ຕິດເຊື້ອອີໂບລາ ໃນຂະນະທີ່ເຮັດວຽກກັບພວກເຜີຍແຜ່ສາສະໜາກາໂຕລິກຈາກສະ
ເປນ ໃນໄລບີເຣຍ.
ໄດ້ມີປະຊາຊົນຕື່ມອີກ ຢ່າງນ້ອຍ 2 ຄົນເສຍຊີວິດ ຍ້ອນເຊື້ອໄວຣັສອີໂບລາ ຢູ່ໄນຈີເຣຍ
ທີ່ໄດ້ຮ່ວມກັບອີກ 3 ປະເທດທີ່ຖືກກະທົບຄືກັນນັ້ນ ປະກາດສະພາວະສຸກເສີນ ເພື່ອອະນຸ
ມັດທຶນຕື່ມອີກ ສຳຫລັບແກ້ໄຂວິກິດການດັ່ງກ່າວ.
ການລະບາດຂອງເຊື້ອໄວຣັສອີໂບລາໃນປັດຈຸບັນ ໃນອາຟຣິກາຕາເວັນຕົກ ແມ່ນກຳລັງ ຈະແຜ່ລະບາດໄປໃສ່ຜູ້ຄົນ ຫຼາຍກວ່າຈຳນວນພວກທີ່ໄດ້ຮັບເຄາະຈາກການຕິດເຊື້ອໄວ
ຣັສນີ້ ໃນການລະບາດຄັ້ງກ່ອນໆທັງໝົດຮວມເຂົ້າກັນ. ພະຍາດດັ່ງກ່າວນີ້ປິ່ນປົວບໍ່ໄດ້
ແລະກໍຍັງບໍ່ມີຢາວັກຊິນປ້ອງກັນໃດໆ.
