ທີມກິລາ Golden State Warriors ໄດ້ຊະນະບານບ້ວງ ລະດັບຊາດ ຫຼື National
Basketball Association ເປັນຄັ້ງທີ 2 ໃນຮອບ 3 ປີ ໃນວັນຈັນວານນີ້ ດ້ວຍຄະແນນ
129 ຕໍ່ 120 ຊະນະ ທີມ Cleaveland Cavaliers.
ກຸ່ມກິລາ Warriors ໄດ້ສົ່ງຄະແນນ ທີ່ທ້າວ Kevin Durant ໄດ້ເຮັດ 39 ຄະແນນ
ໃນເກມທີ 5 ໃນເກມແບບຕໍ່ເນື່ອງ ໃນເສັ້ນທາງ ໄປສູ່ການທີ່ຈະເລືອກໃຫ້ເປັນນັກກິລາ
ດີເດັ່ນ ຫຼື MVP ຂອງ NBA Final.
ການລົງແຂ່ງຂັນຮອບສຸດທ້າຍນີ້ ແມ່ນເປັນການແຂ່ງຂັນຊະນະເລີດ ຄັ້ງທຳອິດຂອງ
ທ້າວDurant ນັກກິລາຮຸ່ນເກົ່າ ມາເປັນ 10 ປີ ມາແລ້ວ ຜູ້ຊຶ່ງໃຊ້ເວລາ 9 ປີ ຂອງອາຊີບ
ການຫຼິ້ນກິລາເປັນມືອາຊີບ ໃນເມືອງ Oklahoma City ກ່ອນທີ່ຈະເຊັນສັນຍາກັບທີມ
Warriors ກ່ອນລະດູການຫຼິ້ນກິລາປີນີ້.
ທ້າວ Stephen Curry ຂອງທີມ Golden State ເຮັດໄດ້ 34 ຄະແນນ ແລະອີກ
10ຄະແນນ ທີ່ໄດ້ສົ່ງໃຫ້ຄົນອື່ນຍິງເຂົ້າບ້ວງ ໃນວັນຈັນວານນີ້ ໃນຂະນະທີ່ ທ້າວ
Andre Igoudala ເຮັດເພິ່ມອີກ 20 ຄະແນນ.
ທ້າວ LeBron James ຈາກທີມ Cleaveland ຊຶ່ງໄດ້ຮັບຕຳແໜ່ງເປັນນັກກິລາ
ດີເດັ່ນຫຼື MVP ທີ່ໄດ້ເຮັດ 41 ຄະແນນ 13 ຄະແນນ ຈາກການໂດດເອົາບານ
ທີ່ຍິງບໍ່ເຂົ້າບ້ວງ ແລະ 8 ຄະແນນ ທີ່ສົ່ງໃຫ້ຄົນອື່ນຍິງເຂົ້າບ້ວງ ແລະເສຍໄຊ
ໃນທີ່ສຸດ.
