ມີຫລາຍສິບຄົນ ໄດ້ຫາຍສາບສູນ ແລະຢ້ານວ່າເສຍຊີວິດແລ້ວ
ຫລັງຈາກໄດ້ເກີດດິນເຈື່ອນຢູ່ໃນບໍລິເວນບໍ່ຢົກແຫ່ງນຶ່ງໃນພາກ
ເໜືອຂອງມຽນມາ ທີ່ເຮັດໃຫ້ຢ່າງໜ້ອຍ 100 ຄົນໄດ້ເສຍຊີວິດ
ຍ້ອນໄພພິບັດແບບດຽວກັນ ໃນເດືອນແລ້ວນີ້.
ພວກກູ້ໄພ ເລີ້ມຊອກຄົ້ນຫາ ຊາກສົບຜູ້ເສຍຊີວິດ ໃນເຫດດິນ
ເຈື່ອນ ໃນວັນສຸກວານນີ້ ທີ່ເມືອງ Hpakant ໃນລັດ Kachin
ຊຶ່ງເປັນສູນກາງອຸດສາຫະກຳຢົກຂອງມຽນມາ. ເຈົ້າໜ້າທີ່ກ່າວ
ວ່າ ຕົນຍັງບໍ່ທັນໄດ້ຮັບຂ່າວໃດໆເທື່ອ ກ່ຽວກັບວ່າມີຜູ້ຄົນຫຼາຍ
ປານໃດໄດ້ເສຍຊີວິດຫຼືບາດເຈັບ.
ໃນເດືອນແລ້ວນີ້ມີຢ່າງໜ້ອຍ 100 ຄົນເສຍຊີວິດໃນເຫດດິນເຈື່ອນໃກ້ໆບໍ່ຢົກ Hpakant.
ສອງມື້ຫລັງຈາກໄດ້ເກີດດິນເຈື່ອນແລ້ວ ພວກກູ້ໄພແມ່ນຍັງສືບຕໍ່ດຶງເອົາຊາກສົບຄົນຕາຍ
ອອກມາຈາກຊາກຫັກພັງ.
ເມືອງ Hpakant ໃນລັດ Kachin ແມ່ນປະມານ 950 ກິໂລແມັດ ຫ່າງຈາກນະຄອນຢ່າງ
ກຸ້ງ ຊຶ່ງເປັນຫົວເມືອງໃຫຍ່ສຸດຂອງມຽນມາ ໄປທາງພາກຕາເວັນອອກສຽງເໜືອແລະເປັນ
ທີ່ມາຂອງຢົກທີ່ມີຄຸນນະພາບສູງທີ່ສຸດໃນໂລກ.
ອົງການ Global Witness ຊຶ່ງເປັນອົງການຈັດຕັ້ງ ທີ່ທຳການສືບສວນ ກ່ຽວກັບການໃຊ້
ເງິນລາຍໄດ້ຈາກການຂາຍຢົກໄປໃນທາງທີ່ບໍ່ຖືກຕ້ອງກະປະມານມູນຄ່າໃນການຜະລິດ
ຢົກຂອງມຽນມາສູງເຖິງ 31 ພັນລ້ານໂດລາ ໃນປີ 2014. ແຕ່ອົງການດັ່ງກ່າວເວົ້າວ່າ ປະ ຊາຊົນໃນເຂດທ້ອງຖິ່ນໄດ້ຮັບຜົນປະໂຫຍດແຕ່ ພຽງເລັກນ້ອຍເທົ່ານັ້ນ.
