ລິ້ງ ສຳຫລັບເຂົ້າຫາ

ສາລະຄະດີການພັດທະນາ: ວິທີຢ້າງປາ (ເບິ່ງວີດີໂອ ລາຍງານພາສາອັງກິດ ສໍາລັບນັກສຶກສາ)

  • ສາລີ ຈິດວໍຣະວົງ

ສາລະຄະດີການພັດທະນາ: ວິທີຢ້າງປາ (ເບິ່ງວີດີໂອ ລາຍງານພາສາອັງກິດ ສໍາລັບນັກສຶກສາ)

ສັບປະດາແລ້ວນີ້ ເຮົາໄດ້ເວົ້າເຖິງບາດກ້າວຕ່າງໆ ໃນການຄົວແລະ ວິທີເອົາປາໄດ້ມາໃໝ່ໆ ມາເອືອບ. ມື້​ນີ້​ເຮົາ​ຈະ​ສືບ​ຕໍ່​ອະທິບາຍ​ກ່ຽວ​ກັບ​ວິທີ​ຕາກ​ປາ​ແລະ​​ເຮັດ​ປາຢ້າງ ແລະວິທີການນີ້ ກໍຈະຫາອ່ານໄດ້ຈາກເວບໄຊຂອງເຮົາທີ່ voaspecialenglish.com

ໃນການ ​ຕາກ​ປາ(dry) ທ່ານ​ຈຳ​ເປັນ​ຈະ​ຕ້ອງ​ໄດ້ມີ​ໂຕ໊ະ​ຕາກ ຫຼື​ບໍ່​ກໍ​ຕ້ອງ​ມີ​ບ່ອນ​ແຂວນ
​ມັນ​ໄວ້. ຖ້າ​ເຮົາ​ໃຊ້​ໂຕ໊ະ ທາງ​ໜ້າໂຕ໊ະດັ່ງກ່າວກໍ​ຕ້ອງ​ໃຫ້​ເຮັດ​ດ້ວຍ​ ຕາໜ່າງ​ລວດ
(wire screen)
ຫຼື​ບໍ່ກໍແມ່ນ​ເຮັດດ້ວຍ​ໄມ້​ເປັນດີ້ວ ​ແລະ​ໃຫ້​ມີ​ຊ່ອງ​ຫວ່າງ​ລະຫວ່າງແຕ່
ລະດິ້ວ.

ໃຫ້​ເອົາ​ປາ​ທີ່​ລ້າງສະອາດ​ແລະ​ເອືອບເກືອ​ແລ້ວ ແລະ​ຍັງ​ປຽກ​ຢູ່​ນັ້ນ ວາງ(lay) ​ລົງ​ໃສ່
​ແຕ່​ຢ່າ​ໃຫ້​ໂຕ​ປາ​ແຕະຕ້ອງ​ກັນ. ​ໃຫ້​ແນ່​ໃຈ​ວ່າ ອາກາດ ພັດ(flow) ​ຕ້ອງ​ຖືກ​ໂຕ​ປາທຸກໆ
​ດ້ານ ລວມທັງທາງ​ເທິງ ​ແລະ​ທາງ​ລຸ່ມນຳ.

ບັດ​ນີ້​ ເພື່ອ​ບໍ່​ໃຫ້​ແມງວັນ​ມາໃກ້ ໃນ​ມື້​ທຳ​ອິດ​ນັ້ນ ໃຫ້ ​ດັງໄຟ​ທີ່​ມີ​ຄວັນ​ແດ່​ໜ້ອຍ​ນຶ່ງ
(smoky fire)
​ໃສ່​ທາງ​ກ້ອງ. ຫຼັງ​ຈາກ​ນັ້ນ​ ເພື່ອບໍ່​ໃຫ້​ແມງວັນ​ມາ​ຕອມ ​ໃຫ້​ທ່ານ​ເອົາ
​ຜ້າ​ບາງໆ​ມາ​ປົກ ຢ່າ​ປ່ອຍໃຫ້ (do not let)​ ຜ້າຖືກຕ້ອງ​ໂຕ​ປາ.

ປາ​ແຫ້ງ​ຈະ​ມີຣົດຊາດ​ແຊບ​ກວ່າ ຖ້າ​ມັນ​ບໍ່​ຖືກ​ແສງ​ແດ​ດກ້າ ​ເວລາ​ເຮົາ​ຕາກ​ມັນ​ແລະ
​ເພື່ອ​ໃຫ້​ໄດ້ຣົດຊາດ​ແຊບທີ່ສຸດ ​ໃຫ້​ເອົາໂຕ໊ະຕາກ​ປາ​ນັ້ນ​ໄວ້​ກ້ອງ​ຕົ້ນ​ໄມ້. ​ໃຫ້​ປີ້ນ​ປາ​
ໄປມາ​ ສອງມື້​ເທື່ອນຶ່ງ (every other day). ຖ້າ​ເປັນ​ປາ​ນ້ອຍ ມັນ​ກໍ​ຈະ​ແຫ້ງ​ພາຍ​
ໃນ​ສາມ​ມື້ ຖ້າອາກາດ​ຫາກ​ແຫ້ງ. ສ່ວນ​ປາ​ໃຫຍ່​ແມ່ນ​ຈະ​ແຫ້ງ​ປະມານ​ອາທິດນຶ່ງ
ຫຼື 10 ມື້.

ຫຼັງ​ຈາກ​ປາ​ແຫ້ງ​ແລ້ວ ​ໃຫ້​ເອົາ​ມັນ​ໃສ່ ​ກະຕ່າ(basket) ​ໄວ້ ​ໂດຍ​ເອົາ​ເຈ້ຍສະອາດ
​ຫຼື​ໃບ​ໄມ້​ໃຫຍ່ປົກ​ໄວ້ແລະ ​ເອົາໄວ້ຢູ່​ບ່ອ​ນເຢັນ ​ແລະ​ແຫ້ງດີໂດຍ​ບໍ່​ໃຫ້​ຕິດ​ກັບ​ພື້ນ.

ກ່ອນ​ທ່ານ​ຈະ​ຢ້າງ​ປາ​ທີ່​ວ່າ​ນັ້ນ ​ເຮັດໃຫ້ແນ່ໃຈວ່າ(make sure) ນໍ້າ​ເກືອ​ໄດ້ໄຫລ
​ອອກ​ຈາກ​ໂຕ​ປາ ​ໃຫ້​ຫຼາຍ​ທີ່ສຸດ​ເທົ່າ​ທີ່​ຈະ​ເປັນ​ໄປ​ໄດ້.

ການ​ຢ້າງປາ ຈະ​ກະທຳໄດ້ ​ໂດຍ​ການ​ໃຊ້ ຟຸ້ຍຫລື ​ພາຊະນະ(container)​ເຫລັກ
ທີ່​ໃຫຍ່ແລະ​ມົນ. ​ໃຫ້​ເອົາ​ທາງ​ເທິງ​ຂອງ​ພາຊະນະ​ ຫຼືຟຸ້ຍອອກ ​ແລະ​ເຈາະ​ເປັນ​ຮູ
ນ້ອຍໆ​ຢູ່​ຂ້າງລຸ່ມ​.

ສ່ວນ​ທາງ​ເທິງ​ຟຸ້ຍດັ່ງກ່າວ ​ແມ່ນ​ໃຫ້​ຫຸ້ມ​ດ້ວຍ​ລວດ​ແຂງ ສຳລັບ​ເປັນ​ບ່ອນ​ວາງ​ປາ.
ດັງ​ໄຟ​ໃສ່ ​ຟຸ້ຍ(drum) ​ໂດຍ​ໃຊ້​ຮູ​ທີ່​ເຈາະ​ໄວ້​ຢູ່​ຂ້າງ​ລຸ່ມ​ນັ້ນ.

ຟືນ​ຈາກ ​ຕົ້ນ​ໄມ້​ກິນ​ໝາກ​(fruit trees) ຈະ​ເປັນ​ຟືນ​ທີ່​ດັງດີ. ຟືນ​ດັ່ງກ່າວຈະ​ເຮັດ
​ໃຫ້​ປາ​ຢ້າງມີ​ສີ​ງາມ ທັງຣົດຊາດ​ກໍ​ຈະ​ດີ​ດ້ວຍ. ​ໄມ້​ຊະນິດ​ແຂງໆ ​ເຊັ່ນ​ຕົ້ນ​ຮິ​ກກໍຣີ
ຕົ້ນ​ໂອກ ແລະ​ຕົ້ນແອຊ ກໍ​ແມ່ນ​ຈະ​ ໄໝ້(burn) ດີ.

ການ​ດັງ​ໄຟ​ຄ່ອຍໆ ​ແມ່ນ​ສຳຄັນ ​ເພື່ອວ່າ(so) ​ປາ​ຈະ​ບໍ່​ໄໝ້. ການ​ຢ້າງ​ປາ​ນີ້
​ແມ່ນ​ທ່ານ​ຕ້ອງການ​ຄວັນ​ຫຼາຍ ​ແຕ່​ໃຫ້​ໄຟ​ລຸກໜ້ອຍ ຊຶ່ງ​ວິທີ​ນຶ່ງ​ກໍ​ຄື ​ໃຫ້​ໃຊ້
ໄມ້​ທີ່​ຍັງ​ດິບ(green wood) ​
ຢູ່ ​ແທນ​ທີ່​ຈະ​ໃຊ້​ໄມ້​ແຫ້ງ.

ຖ້າ​ທ່ານ​ຢາກ​ເກັບ​ຮັກສາ​ປາ​ໄວ້​ກິນ​ດົນໆ ທ່ານ​ຄວນ​ໃຊ້​ເວລາ​ຢ້າງ ​ໃນ​ລະຫວ່າງ
5 ມື້ ຫຼືດົນ​ກວ່າ​. ຫຼັງ​ຈາກ​ທ່ານ​ຢ້າງ​ປາ​ແລ້ວໆ ຈົ່ງ​ເອົາ​ມັນ​ອອກ​ມາ ​ແລ້ວ​ປະ​ມັນ
​ໄວ້​ບ່ອນ​ເຢັນໆ ​ແລ້ວ​ເອົາ​ເຈ້ຍສະອາດ ​ຫໍ່(wrap) ​ມັນ​ໄວ້. ​ເອົາ​ປາ​ໃສ່​ໄວ້​ໃນ​ກະຕ່າ
​ແລະ​ເອົາ​ມ້ຽນ​ໄວ້​ໃນ​ບ່ອນ​ເຢັນ ແຫ້ງ​ ແລະ​ບໍ່​ໃຫ້​ຖືກ​ພື້ນດິນ (off the ground).
ປາ​ແຫ້ງ​ຫຼື​ປາ​ຢ້າງ​ທີ່​ວ່າ​ນີ້​ ຈະ​ຕ້ອງ​ຮັກສາ​ໃຫ້​ມັນ​ແຫ້ງ​ໄປ​ເລື້ອຍໆ ຈົນ​ກວ່າ​ຈະ​ເອົາ
​ມັນ​ມາ​ກິນ.

XS
SM
MD
LG