ນັບຕັ້ງແຕ່ເວລາທີ່ໄຂ້ເລືອດອອກໄດ້ຖືກຄົ້ນພົບເປັນເທື່ອທຳອິດເມື່ອ ເຄິ່ງສັດຕະວັດກ່ອນ
ໜ້ານີ້ ການຄຸກຄາມຂອງພະຍາດດັ່ງກ່າວ ໄດ້ເພີ້ມທະວີຂຶ້ນຢ່າງວ່ອງໄວ. ອົງການອະນາ
ໄມໂລກຫລື WHO ເວົ້າ ວ່າ ປັດຈຸບັນນີ້ ໄຂ້ເລືອດອອກໄດ້ແຜ່ລະບາດຢູ່ໃນຫລາຍກວ່າ
ຮ້ອຍປະເທດ ແລະມີຫລາຍ 50 ລ້ານຄົນໄດ້ຕິດເຊື້ອພະຍາດນີ້ໃນແຕ່ລະ ປີຢູ່ໃນທົ່ວໂລກ.
ທ່ານ Scott Halstead, ທີ່ປຶກສາອາວຸໂສ ຂອງໂຄງການລິເລີ້ມຜະ ລິດຢາວັກຊິນກັນ
ໄຂ້ເລືອດອອກ ຊຶ່ງເປັນກຸ່ມຄົ້ນຄວ້າທາງການແພດ ລວມຂອງນາໆຊາດເວົ້າວ່າ ຢາປິ່ນປົວ
ໄຂ້ເລືອກອອກທີ່ເປັນນໍ້າໄດ້ເຮັດໃຫ້ອັດຕາການຕາຍຍ້ອນການເຈັບປ່ວຍ ທີ່ເກີດຈາກພະ
ຍາດປະເພດຮ້າຍແຮງສຸດນັ້ນ ຫລຸດລົງ. ແຕ່ຢ່າງໃດກໍຕາມ ທ່ານ Halstead ໄດ້ກ່າວເພີ້ມ
ວ່າ ໃນຊ່ວງລະດູຝົນຢູ່ໃນຫລາຍຂົງເຂດທີ່ມີອາກາດຮ້ອນ ແລະອຸ່ນ ຊຶ່ງເປັນໄລຍະທີ່ຍຸງ
ທີ່ນໍາເອົາເຊື້ອພະຍາດໄຂ້ເລືອດອອກໄປແຜ່ຜາຍນັ້ນ ພວມຢູ່ໃນລະຫວ່າງການເພາະພັນ
ແລະຊອກຫາກິນເລືອດ ນັ້ນ ຍັງສືບຕໍ່ເປັນຊ່ວງໄລຍະທີ່ມີຄວາມກັງວົນໃຈກັນເປັນພິເສດ
ເພາະວ່າ ບໍ່ມີຢາສະເພາະໃດໆ ຫລືການປິ່ນປົວທີ່ສາມາດເຮັດໃຫ້ໄຂ້ເລືອດອອກຫາຍດີໄດ້.
ທ່ານ Scott Halstead ກ່າວວ່າ “ໃນຂະນະທີ່ອັດຕາການເສຍຊີວິດ ໃນທີ່ຈິງແລ້ວ ຂ້ອນຂ້າງຕໍ່າ ຍ້ອນວ່າມີການປິ່ນປົວດີຢູ່ໃນໂຮງໝໍ ຊຶ່ງເປັນສິ່ງທີ່ແຕກຕ່າງຈາກພະຍາດຕິດຕໍ່ສຳຄັນອື່ນໆເກືອບໝົດທຸກຢ່າງ”
ໄຂ້ເລືອດອອກ ທີ່ເປັນປະເພດຮ້າຍແຮງທີ່ສຸດນັ້ນ ຍັງເອີ້ນອີກຊື່ນຶ່ງວ່າ “ໄຂ້ກະດູກແຕກ” ສາມາດທີ່ຈະເຮັດໃຫ້ມີອາການເລືອດຕົກທາງໃນ, ການໝູນວຽນຂອງເລືອດທີ່ຫລົ້ມເຫລວ, ສະລົບ, ໝົດສະຕິ ຫລື ໂຄມາ ແລະເສຍເຊີວິດໄດ້.
ເຊື້ອໄວຣັສໄຂ້ເລືອດອອກມີຢູ່ 4 ຊະນິດທີ່ແຕກຕ່າງກັນ ຊຶ່ງໄດ້ມີການ ແຜ່ເຊື້ອໂດຍຍຸງລາຍຫຼື ຍຸງເອອີດີສ໌ ເອຈິບທາຍ (Aedes aegypti). ອີງຕາມ
ທ່ານ Halstead ຄວາມຫຍຸ້ງ
ຍາກໃນການພັດທະນາຢາວັກ
ຊິນ ກໍຄືວ່າ ຄົນຜູ້ນຶ່ງ ອາດຈະ
ພັດທະນາລະບົບພູມຕ້ານທານ
ຂອງຮ່າງກາຍໃຫ້ແຂງແຮງສຳ
ລັບຕໍ່ຕ້ານເຊື້ອໄວຣັສຊະນິດນຶ່ງ
ແຕ່ວ່າ ອາດຈະບໍ່ມີຄວາມຕ້ານ
ທານ ຕໍ່ໄວຣັສຊະນິດອື່ນ.
ທ່ານ Halstead ເວົ້າວ່າ ສະພາບການອັນນີ້ ໄດ້ສ້າງຂັ້ນຕອນອັນນຶ່ງ ໃຫ້ມີການຕິດເຊື້ອທີ່ຮ້າຍແຮງຂຶ້ນກວ່າເກົ່າໃນຂັ້ນຕໍ່ໄປ.
ທ່ານ Halstead ກ່າວເພີ້ມວ່າ “ການຕ້ານທານຮ່າງກາຍ ທີ່ເກີດຂຶ້ນຈາກການຕິດເຊື້ອເທື່ອທໍາອິດ ໄປກະທົບກັບເຊື້ອໄວຣັສຊະນິດ ທີສອງ ແລະສິ່ງທີ່ພວກເຮົາເວົ້າກັນວ່າ “ມັນຈະເສີມສ້າງ” ການຕິດເຊື້ອໃຫ້ຮ້າຍແຮງຂຶ້ນ; ມັນໄດ້ເຮັດໃຫ້ອາການໄຂ້ຮ້າຍແຮງຂຶ້ນກວ່າເກົ່າ ໃນຄັ້ງຕໍ່ມາ ຖ້າວ່າເຮົາຖືກຕິດເຊື້ອໄວຣັສອັນອື່ນອີກຂອງພະຍາດນີ້.”
ພວກນັກຊ່ຽວຊານໃຫ້ຄໍາເຫັນວ່າ ປົກກະຕິແລ້ວ ການຕິດເຊື້ອຄັ້ງທີສອງ ທີ່ເປັນເຊື້ອໄວຣັສໄຂ້ເລືອດອອກຊະນິດອື່ນນັ້ນ ພາໃຫ້ເກີດພະຍາດທີ່ຮ້າຍແຮງທີ່ສຸດ ແລະບາງຄັ້ງກໍເປັນປະເພດພະຍາດທີ່ພາໃຫ້ ເສຍຊີວິດໄດ້ ແມ່ນໄຂ້ເລືອດອອກທີ່ມີເລືອດໄຫລອອກມານັ້ນ.
ຢາວັກຊິນສອງຢ່າງ ທີ່ກໍາລັງໄດ້ຮັບການພິຈາລະນາ ທີ່ມີຄວາມຫວັງ ວ່າຈະໃຊ້ໄດ້ຜົນນັ້ນ ດຽວນີ້ ກໍາລັງຢູ່ໃນຂັ້ນຕອນທົດລອງຜະລິດ ເຮັດໃຫ້ປ້ອງກັນບໍ່ໃຫ້ຕິດເຊື້ອໄວຣັສໄຂ້ເລືອດອອກທຸກຊະນິດ. ຢາວັກຊິນທັງສອງປະເພດນີ້ ບັນຈຸເຊື້ອໄວຣັສໄຂ້ເລືອດອອກທີ່ຍັງເຄື່ອນໄຫວຢູ່ ແຕ່ວ່າໃນລະດັບອ່ອນແອ ໄດ້ຖືກອອກແບບມາເພື່ອ ໃຫ້ກະຕຸ້ນການ ຜະລິດ ການຕ້ານທານຂອງຮ່າງກາຍ ທີ່ທໍາໃຫ້ຕໍ່ຕ້ານໄຂ້ເລືອດອອກ ທຸກຊະນິດ.
ຜູ້ຜະລິດຢາຝຣັ່ງຊຶ່ງແມ່ນ ບໍລິສັດ Sanofi-Pasteur ໄດ້ລົງທຶນຫລາຍຄັ້ງ ເກືອບຮອດ 1 ພັນລ້ານໂດລາ ເຂົ້າໃນການພັດທະນາຢາວັກຊິນຊະນິດນຶ່ງ ທີ່ໄດ້ ສະແດງໃຫ້ເຫັນວ່າ ມີປະສິດທິຜົນຢ່າງສູງ ໃນການທໍາການທົດລອງ ຂັ້ນສາມຕໍ່ຄົນຢູ່ໃນຄລີນິກ ຢູ່ປະເທດໄທ
ຊຶ່ງເປັນຂັ້ນຕອນສຸດທ້າຍ ກ່ອນໜ້າທີ່ຈະມີການອະນຸມັດນຳອອກມາ ໃຊ້. ສ່ວນຢາວັກຊິນຊະນິດທີສອງ ຊຶ່ງໄດ້ຖືກພັດທະນາໂດຍຜູ້ຜະລິດຢາສະຫະລັດ, ບໍລິສັດ Inviragen ກໍໄດ້ສະແດງໃຫ້ເຫັນວ່າມີຄວາມປອດໄພ ແລະມີປະສິດທິຜົນສູງເຊັ່ນກັນ ຢູ່ໃນຂັ້ນທີນຶ່ງໃນການທົດລອງໃຊ້ກັບຄົນ.
ທ່ານ Dan Stinchcomb, ຫົວໜ້າບໍລິຫານຂອງບໍລິສັດ Inviragen ເວົ້າວ່າ ເຖິງແມ່ນເວລານີ້ ບໍລິສັດໄດ້ໃຊ້ເງິນໄປເປັນຫລາຍໆລ້ານໂດລາແລ້ວ ເຂົ້າໃນການພັດທະນາຢາວັກຊິນຕ້ານໄຂ້ເລືອດອອກກໍຕາມ ຫາກແຕ່ວ່າ ບໍລິສັດ ຫວັງວ່າ ຈະສາມາດຮັກສາ ຄ່າຜະລິດໃຫ້ຢູ່ໃນລະດັບທີ່ຖືກເພື່ອໃຫ້ຊື້ກັນໄດ້ໂດຍຄົນທົ່ວໄປ.
ທ່ານ Stinchcomb ກ່າວວ່າ “ຄວາມຕັ້ງໃຈຂອງພວກເຮົາກໍຄືວ່າ ຈະຜະລິດຢາວັກຊິນໃນລາຄາຖືກ ເພື່ອວ່າພວກເຮົາຈະສາມາດເອົາຢານີ້ ໂດຍທີ່ມີທຶນຊ່ວຍເຫລືອນັ້ນ ໄປໃຫ້ແກ່ຄົນທຸກຈົນທີ່ສຸດ ທີ່ຕ້ອງຢາວັກຊິນນີ້.”
ຄວາມກ້າວໜ້າ ໃນການພັດທະນາຢາວັກຊິນຕ້ານໄຂ້ເລືອດອອກ ທັງສອງຊະນິດດັ່ງກ່າວ ໄດ້ນໍາສະເໜີຕໍ່ກອງປະຊຸມເມື່ອໄວໆມານີ້ ຂອງສະມາຄົມການແພດສໍາລັບພະຍາດເຂດຮ້ອນ ແລະສຸຂະອະນາໄມອາເມຣິກັນ ຢູ່ເມືອງຟີລາແດນເຟຍ, ລັດເພັນຊີວາເນຍ.
