ຜູ້ພິພາກສາສານລັດຖະບານກາງທ່ານນຶ່ງ ຢູ່ທີ່ລັດ Kenturkey
ໃນວັນພະຫັດວານນີ້ ໄດ້ສັ່ງໃຫ້ສະໝຽນຂອງເມືອງເຂົ້າຄຸກ ໃນ
ຖານໝິ່ນປະໝາດສານ ຫລັງຈາກນາງໄດ້ປະຕິເສດ ບໍ່ປະຕິບັດ
ຕາມຄຳສັ່ງ ໃຫ້ອອກໃບອະນຸຍາດແຕ່ງງານໃຫ້ແກ່ຄູ່ພວກຮັກ
ຮ່ວມເພດຄູ່ນຶ່ງ.
ສະໝຽນເມືອງ Rowan ນາງ Kim Davis ໄດ້ທ້າທາຍຕໍ່ຄຳສັ່ງ
ສານສູງສຸດ ສະຫະລັດໃຫ້ເຊັນໃບອະນຸຍາດແຕ່ງງານ ໂດຍກ່າວ
ວ່າ ມັນເປັນການລະເມີດຕໍ່ຄວາມເຊື່ອຖືທາງສາສະໜາຂອງນາງ.
ນາງ Davis ໄດ້ຮ້ອງໃຫ້ເປັນບາງຄັ້ງ ໃນຂະນະທີ່ກ່າວຕໍ່ສານວ່າ
“ກົດສິນທຳ ຂອງພະເຈົ້າແມ່ນຂັດແຍ້ງກັບໜ້າທີ່ວຽກການຂອງຂ້າພະເຈົ້າ. ທ່ານບໍ່ສາມາດທີ່ຈະແບ່ງແຍກອອກໄດ້ກ່ຽວກັບບາງສິ່ງບາງຢ່າງທີ່ຢູ່ໃນຫົວໃຈຂອງທ່ານແລະຢູ່ໃນຈິດວິນຍານຂອງທ່ານ.”
ແຕ່ຜູ້ພິພາກສາ David Bunning ກ່າວວ່າ ທ່ານບໍ່ມີທາງເລືອກ ແຕ່ຕ້ອງຈຳຄຸກນາງ ໂດຍ
ກ່າວອີກວ່າ ພຽງແຕ່ປັບໃໝເທົ່ານັ້ນຈະບໍ່ປ່ຽນແປງແນວຄິດຂອງນາງ.”
ຜູ້ພິພາກສາ Bunning ໄດ້ກ່າວວ່າ “ຄວາມເຊື່ອຖືທີ່ດີຂອງນາງ ບໍ່ເປັນການປ້ອງກັນ ທີ່
ນຳມາໃຊ້ໄດ້. ນາງ Davis ໄດ້ສາບານ. ຄຳສາບານໝາຍຄວາມແນວໃດແນວໜຶ່ງ.”
ຜູ້ພິພາກສາ ກ່າວວ່າ ນາງ Davis ອາດຖືກປ່ອຍໂ ຕອອກຈາກຄຸກ ຖ້າຫາກນາງເຫັນດີ
ອອກໃບອະນຸຍາດ. ໃນຂະນະດຽວກັນ ບັນດາຮອງສະໝຽນຫ້າຄົນ ຂອງຈຳນວນຫົກຄົນ
ກ່າວວ່າ ເຂົາເຈົ້າຈະພາກັນປະຕິບັດຕາມ ຄຳຕັດສິນຂອງຜູ້ພິພາກສາ ທີ່ວ່າເຂົາເຈົ້າຕ້ອງ
ອອກໃນອະນຸຍາດແຕ່ງງານໃນຂະນະທີ່ນາງ Davis ຢູ່ໃນຄຸກ ຫລື ບໍ່ດັ່ງນັ້ນເຂົາເຈົ້າເອງ
ກໍຈະປະເຊີນໜ້າກັບການຖືກຕິດຄຸກ. ພຽງແຕ່ຮອງສະໝຽນຄົນດຽວທີ່ເປັນລູກຊາຍຂອງ
ນາງ Davis ກ່າວວ່າ ລາວຈະປະຕິເສດບໍ່ປະຕິບັດຕາມ.
ພວກປະທ້ວງຫລາຍຮ້ອຍຄົນ ຈາກທັງສອງຝ່າຍຂອງບັນຫາດັ່ງກ່າວ ໄດ້ເຕົ້າໂຮມກັນຢູ່
ນອກສານໃນວັນພະຫັດວານນີ້ເພື່ອຟັງການຕັດສິນຂອງສານ. ຈຳນວນໜຶ່ງໄດ້ກ່າວນິນ
ທາໂດຍຊີ້ໃຫ້ເຫັນວ່ານາງໄດ້ແຕ່ງງານສີ່ເທື່ອ. ຄົນອຶ່ນໆເຫັນດີກັບຄວາມເຊື່ອຖືຂອງນາງ
ທີ່ວ່າ ສິດທິພົນລະເມືອງບໍ່ກວມເອົາຫລັກຂອງສິນທຳ.
