ຊາອຸດີ ອາເຣເບຍ ຕັດສິນໂທດ ປະຫານຊີວິດ ນັກບວດນິກາຍ ຊີໄອ້ທ໌

ຜູ້​ພິພາກສາ​ໃນ​ຊາ​ອຸ​ດີ​ອາ​ເຣເບຍ ​ໄດ້​ຕັດສິນ​ລົງ​ໂທດ ​ປະຫານ​
ຊີວິດນັກບວດ​ນິກາຍ Shi’ites ທີ່​ມີ​ຊື່​ສຽງອົງ​ນຶ່ງ ຊຶ່ງ​ໄດ້ກະ​ຕຸ້ນ
​ໃຫ້​ມີ​ການ​ປະ​ທ້ວງ ຈາກ​ພວກ​ປະຊາຊົນ​ນິກາຍ Shi’ite ຊົນ​
ກຸ່ມ​ນ້ອຍ​ໃນ​ປະ​ເທດ. ສານ​ໄດ້ຕັດສິນ​ລົງໂທດ​ດັ່ງກ່າວຕໍ່
Sheikh Nimr al-Nimr ​ໃນ​ຖານ ມີ​ຄວາມ​ຜິດ​ໃນ​ອັນ​ທີ່​
ສານ​ເວົ້າ​ວ່າ “ບໍ່​ເຊື່ອ​ຟັງ​ຜູ້​ປົກຄອງ” ແລະ​ຍຸຍົງ​ໃຫ້​ເກີດ​ການ
​ຕໍ່ສູ້​ກັນ​ລະຫວ່າງ​ນິກາຍ​. ບັນດາ​ນັກວິ​ເຄາະ​ ​ຢ້ານ​ວ່າ ການ​
ຕັດສິນ​ລົງ​ໂທດ​ທີ່​ວ່າ​ນີ້ ອາດສາມາດເຮັດ​ໃຫ້ຄວາມ​ເຄັ່ງ​ຕຶງ
ທາງ​ດ້ານ ​ສາສະໜາ​ທີ່​ຮ້າຍ​ແຮງ​ຢູ່ແລ້ວນັ້ນ ຍິ່ງ​ຮ້າຍ​ແຮງ
​ເພີ້​ມຂຶ້ນ​ອີກ​ໃນ​ປະ​ເທດ​.

ພວກ​ຖື​ນິກາຍ Shi’ite ​ໃນ​ແຂວງຕາ​ເວັນ​ອອກ​ຂອງ Saudi Arabia ​ໄດ້​ທຳ​ການ​ປະ​ທ້ວງ​ມາ​ເປັນ​ເວລາ​ດົນ​ນານ ​ວ່າພວກເຂົາ​ເຈົ້າໄດ້​ຖືກ​ຈຳ​ແນ​ກກີດ​ກັນ ​ແລະ​ບໍ່​ມີ​ອຳນາດ​ພາຍ​ໃຕ້​ການ​ປົກຄອງ​ຂອງ​ລະບອບ​ກະສັດ​ທີ່​ຖື​ນິກາຍ​ຊຸນ​ນີນັ້ນ.

ພາຍຫຼັງ​ຈາກ​ການ​ເສຍ​ຊີວິດ​ຂອງ​ຜູ້​ປະ​ທ້ວງ​ນິກາຍ Shi’ite ຄົນ​ນຶ່ງ ​ໃນ​ການ​ປະ​ທະ​ກັນ​ກັບ​ຕຳຫຼວດ​ເມື່ອ​ສອງ​ປີຜ່ານມາ​ນັ້ນ Shiekh Nimr ​ໄດ້​ອອກ​ວີ​ດີ​ໂອ​ໃນ​ອິນ​ເທີ​ແນັດ ກ່າວ​ຫາ​ບັນດາ​ເຈົ້າ​ໜ້າ​ທີ່​ຊາ​ອຸ​ດີ ວ່າ ​ແນການ​ໂຈມ​ຕີ​ໃສ່​ທ່ານ ຍ້ອນທ່ານ​ເປັນ​ຊາວ Shi’ite ແລະ​ມີ​ສາຍ​ພົວພັນ​ກັບ​ອີຣ່ານ.

ພວກ​ນິກາຍ Shi’ite ​ເປັນ​ຊົນ​ກຸ່ມ​ໃຫຍ່​ໃນ​ແຂວງ​ຕາ​ເວັນ​ອອກ​ຂອງ Saudi Arabia. ​ເວລາ​ເກີດ​ການ​ລຸກ​ຮືຂຶ້ນ​ໃນ​ໂລກ​ອາຫຣັບ​ໃນ​ລະດູ ບານ​ໃໝ່​ ​ປີ 2011 ນັ້ນ ກໍ​ໄດ້​ມີ​ການ
​ເດີນ​ຂະ​ບວນປະ​ທ້ວງ​ໃນ​ຫົວ​ເມືອງ​ແລະ​ໝູ່​ບ້ານ​ຕ່າງໆ​ທີ່​ປະ​ຊາ​ຊົນ​ຖື​ນິກາຍ Shi’ite. ບັນດາ​ເຈົ້າ​ໜ້າທີ່ Saudi Arabia ​ໄດ້​ທຳ​ການ​ປາ​ບາ​ມການ​ປະ​ທ້ວງ​ຢ່າງ​ໜັກ ​ໂດຍ​ທຳ​ການ​ຈັບ​ກຸມ​ພວກ​ປະ​ທ້ວງ​ຫຼາຍ​ຮ້ອຍ​ຄົນ.