ນາຍົກລັດຖະມົນຕີ ຢູເຄຣນ ໄດ້ກ່າວຫາ ຣັດເຊຍວ່າ ບໍ່ປະຕິ
ບັດຕາມຂໍ້ຕົກລົງຢຸດຍິງ ທີ່ໄດ້ເຊັນກັນໃນວັນທີ 5 ເດືອນກັນ
ຍາ ຫລັງຈາກໄດ້ມີການໂຈມຕີຢ່າງຕໍ່ເນຶ່ອງໂດຍພວກຫົວຮຸນ
ແຮງນິຍົມຮັດເຊຍ.
ທະຫານຢູເຄຣນ ຢ່າງໜ້ອຍເກົ້າຄົນ ໄດ້ເສຍຊີວິດໃນໄລຍະ
ສອງມື້ທີ່ຜ່ານມາ ແຕ່ປາກົດວ່າ ຂໍ້ຕົກລົງສັນຕິພາບດັ່ງກ່າວ
ຍັງໄດ້ຮັບການເຄົາລົບຢູ່ຕໍ່ມາເຖິງແມ່ນວ່າໄດ້ເກີດຄວາມຮຸນ
ແຮງຂຶ້ນກໍຕາມ.
ທະຫານຢູເຄຣນຈາກໜ່ວຍປ້ອງກັນແຫ່ງຊາດຂອງຢູເຄຣນ
ໄດ້ເປີດສາກຍິງທົດລອງໃສ່ລົດຫຸ້ມເກາະໃໝ່ ໃນວັນອັງຄານວານນີ້ ຢູ່ຄ້າຍທະຫານນອກນະຄອນ Kyiv. ບັນດາຜູ້ ບັນຊາການຫວັງວ່າ ມັນຈະໃຫ້ຄວາມຄຸ້ມກັນແກ່ເຂົາເຈົ້າໄດ້ດີ
ຂື້ນ ໃນເວລາລາດຕະເວນຕ້ານ ໃນລະຫວ່າງການປະຕິບັດງານ ຕໍ່ຕ້ານພວກແບ່ງແຍກດິນແດນນິຍົມຣັດເຊຍຢູ່ພາກຕາເວັນອອກຂອງຢູເຄຣນນັ້ນ.
ພວກທີ່ເຂົ້າຊົມໃນການສະແດງຄັ້ງນີ້ ແມ່ນຮວມທັງນາຍົກລັດຖະມົນຕີຢູເຄຣນ ທ່ານ
Arseniy Yatsenyuk. ທ່ານໄດ້ກ່າວຫາຣັດເຊຍວ່າ ບໍ່ປະຕິບັດຕາມຂໍ້ ຕົກລົງຢຸດຍິງ ທີ່
ໄດ້ເຊັນກັນຢູ່ນະຄອນ Minks ໃນເດືອນກັນຍາຜ່ານມາ.
ພວກກະບົດນິຍົມຣັດເຊຍ ໄດ້ເລີ້ມທຳການໂຈມຕີ ກຳລັງລັດຖະບານ ທີ່ເດີ່ນເຮືອບິນເມືອງ
Donetsk ໃນວັນຈັນທີ່ຜ່ານມາ ຊຶ່ງເປັນບ່ອນສູ້ລົບທີ່ສຳຄັນໃນຮອບຫລາຍອາທິດທີ່ຜ່ານ
ມາ. ວັງ Kremlin ປະຕິເສດວ່າ ຕົນບໍ່ໄດ້ໃຫ້ການສະໜັບສະໜູນທາງທະຫານແກ່ພວກ
ກະບົດ.
ພາບຫຼ້າສຸດ ຈາກ ຢູເຄຣນ
