ນັກການທູດອະວຸໂສຈາກຫຼາຍໆປະເທດຂອງອັນທີ່ເອີ້ນວ່າ ກຸ່ມ
5 ປະເທດມະຫາອຳນາດບວກນຶ່ງ ທີ່ເຂົ້າຮ່ວມໃນການເຈລະຈາ
ກ່ຽວກັບໂຄງການນິວເຄລຍ ທີ່ເປັນບັນຫາໂຕ້ແຍ້ງ ຂອງ ອີຣ່ານ
ໄດ້ເດີນທາໄປເຖິງເມືອງ Lausanne ປະເທດ Switzerland
ໃນວັນເສົາມື້ນີ້ ບ່ອນທີ່ລັດຖະມົນຕີການຕ່າງປະເທດສະຫະລັດ
ທ່ານ John Kerry ແລະລັດຖະມົນຕີຕ່າງປະເທດອີຣ່ານ ທ່ານ
Javad Zarif ໄດ້ປະຊຸມໂອ້ລົມກັນ ທີ່ແນໃສ່ເພື່ອໃຫ້ບັນລຸຂອບ
ຂອງຂໍ້ຕົກລົງ ທັນກັບເສັ້ນຕາຍໃນວັນອັງຄານຈະມານີ້.
ທ່ານ Zarif ໃນການຖະແຫລງຢູ່ຂ້າງນອກຂອງການປະຊຸມໂອ້
ລົມກັນໃນວັນສຸກວານນີ້ກ່າວວ່າການເຈລະຈາແມ່ນໄດ້ດຳເນີນໄປດ້ວຍຄວາມຫຍຸ້ງຍາກ
ແລະດ້ວຍຄວາມສະຫຼັບຊັບຊ້ອນຫຼາຍ.
ເຈົ້າໜ້າທີ່ຄົນນຶ່ງຂອງກະຊວງການຕ່າງປະເທດສະຫະລັດ ທີ່ຂໍສະຫງວນຊື່ກ່າວວ່າ ການ ເຈລະຈາດຳເນີນໄປດ້ວຍຄວາມຍາກລຳບາກແລະຈິງຈັງຫຼາຍ.
ເຈົ້າໜ້າທີ່ທ່ານນີ້ຍັງກ່າວວ່າ ການເຄື່ອນໄຫວໂດຍປະທານາທິບໍດີອີຣ່ານ ທ່ານ Hassan Rouhani ເພື່ອຕິດຕໍ່ໄປຫາ ພວກຜູ້ນຳຂອງ 6 ປະເທດ ມະຫາອຳນາດໃນໂລກ ເມື່ອວັນ ພະຫັດຜ່ານມານີ້ ແມ່ນຮ່ອງຮອຍແຫ່ງຄວາມຫວັງທີ່ວ່າ ອີຣ່ານພ້ອມແລ້ວ ທີ່ຈະເຮັດການ ຕັດສິນໃຈອັນຫຍຸ້ງຍາກທີ່ຈຳເປັນຕ້ອງໄດ້ເຮັດ ໃນຖານະທີ່ເປັນພາກສ່ວນນຶ່ງຂອງຂໍ້ຕົກ
ລົງ.
ທ່ານ Rouhani ໄດ້ສົ່ງຈົດໝາຍໄປຫາອັນທີ່ເອີ້ນວ່າ ກຸ່ມ 5 ປະເທດມະຫາອຳນາດບວກ ນຶ່ງທີ່ເຂົ້າຮ່ວມໃນການເຈລະຈາເພື່ອອະທິບາຍໃຫ້ຊາບເຖິງທ່າທີຂອງອີຣ່ານກ່ຽວກັບບັນ ຫານິວເຄລຍແລະການເຄື່ອນໄຫວຫລ້າສຸດຕ່າງໆ ໃນການເຈລະຈາກັນ.
