ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ທ່ານ Castro ຊົມເຊີຍ ທີ່ສະຫະລັດ ຍື່ນມືໄປຫາ ແຕ່ຄິວບາກໍຈະຍັງຄົງ ເປັນຄອມມິວນິສຄືເກົ່າ


ປະທານປະເທດຄິວບາ ທ່ານ Raul Castro ສະແດງທ່າທາງ ຕໍ່ບັນດາຜູ້ແທນ ໃນລະຫວ່າງການປິດກອງປະຊຸມ ຢູ່ສະພາແຫ່ງຊາດ ໃນນະຄອນຫລວງຮາວານາ, ວັນທີ 20 ທັນວາ 2014.
ປະທານປະເທດຄິວບາ ທ່ານ Raul Castro ສະແດງທ່າທາງ ຕໍ່ບັນດາຜູ້ແທນ ໃນລະຫວ່າງການປິດກອງປະຊຸມ ຢູ່ສະພາແຫ່ງຊາດ ໃນນະຄອນຫລວງຮາວານາ, ວັນທີ 20 ທັນວາ 2014.

ປະທານາທິບໍດີ​ສະຫະລັດ ທ່ານ​ບາຣັກ ​ໂອ​ບາ​ມາ ​ໄດ້​ຮັບ​ການ
​ຍ້ອງຍໍ​ຈາກ​ຜູ້ນຳ​ຄິວ​ບາ ​ໃນ​ວັນ​ເສົາ​ວານ​ນີ້ ສຳ​ຫລັບ​ການ​ເຄື່ອນ
​ໄຫວ​ເພື່ອຟື້ນ​ຟູ​ສາຍ​ພົວພັນ ທາງ​ການ​ທູດລະຫວ່າງ​ວໍ​ຊິ​ຕັນ ​ແລະ
​ຮາ​ວາ​ນານັ້ນ ແຕ່​ປະທານ​ປະ​ເທດຄິວ​ບາ ທ່ານ Raul Castro
ບອກ​ປະ​ເທດ​ຂອງ​ທ່ານ​ວ່າ ນັ້ນ​ບໍ່ໄດ້ໝາຍເຖິງ​ການ​ສິ້ນ​ສຸດລົງ​
ຂອງ​ການ​ປົກຄອງດ້ວຍລະບອບ ​ຄອມ​ມິ​ວນິສ ​ໃນ​ຄິວ​ບາ.

​ໃນ​ຄຳ​ຖະ​ແຫລ​ງຕໍ່​ສະພາ​ແຫ່​ງຊາດ​ຄິວ​ບາ ທີ່​ໄດ້​ຖ່າຍ​ທອດ​ອອກ
​ທາງ​ໂທລະພາບ​ໄປ​ທົ່ວ​ປະ​ເທດເກາະດອນ​ແຫ່ງ​ນັ້ນ ທ່ານ Castro
​ເວົ້າວ່າ ທ່ານແມ່ນເປີດກວ້າງ ຕໍ່​ການ​ເຈລະຈາ​ຫາລື ບັນຫາຕ່າງໆ​
ຢ່າງ​ກວ້າງ​ຂວາງ ກັບບັນດາເຈົ້າໜ້າ​ທີ່ສະຫະລັດ ທີ່​ຄາດ​ກັນ​ວ່າ​ ຈະ​ເດີນທາງ​ໄປຢ້ຽມຢາມ ​ນະຄອນຫລວງ​ຮາ​ວາ​ນາ​ ໃນ​ເດືອນ​ໜ້າ​ນີ້. ທ່ານ​ຍັງ​ໄດ້​ຢືນຢັນ ວ່າ ທ່ານ​ຈະ​ໄປຮ່ວມ​ກອງ​ປະຊຸມສຸດ​ຍອດ ບັນດາ​ປະ​ເທດ​ຂົງເຂດອາ​ເມຣິກາ ​ຢູ່​ທີ່​ປາ​ນາມາ ​ໃນ​ເດືອນ​ເມສາ​ປີໜ້າ ບ່ອນ​ທີ່​ຄາດ​ກັນວ່າ ທ່ານຈະ​ໄດ້ຈະ​ພົບ​ປະ​ກັບ​ ທ່ານໂອ​ບາ​ມາ.

Cuba Deal is Major Victory for Pope’s Diplomatic Initiatives
please wait

No media source currently available

0:00 0:02:08 0:00

​ທາງປະທານາທິບໍດີ ​ໂອ​ບາ​ມານັ້ນ ​ເມື່ອຖືກຖາມຢູ່​ວໍ​ຊິງ​ຕັນ​ ​ກ່ຽວ​ກັບ​ການ​ເຄື່ອນ​ໄຫວ
​ຂອງ​ທ່ານ ​ເພື່ອ​ຮື້​ຟື້ນສາຍພົວພັນທາງ​ການ​ທູດ ກັບ​ຄິວ​ບານັ້ນ ​ທ່ານ​ໂອ​ບາ​ມາ ໄດ້ກ່າວ​
ໃນ​ວັນ​ສຸກ​ຜ່ານ​ມາ​ວ່າ ທ່ານ​ຄາດ​ວ່າ​ ຈະ​ບໍ່​ມີ​ການ​ປ່ຽນ​ແປງ​ຢ່າງ​ຫຼວງຫຼາຍ​ໃນ​ທັນທີ​ຢູ່​ຄິວ​ບາ ​ແຕ່​ວ່າ ບັດ​ນີ້ ສະຫະລັດ ຈະມີ​ໂອກາດຫຼາຍຂຶ້ນອີກ​ ສຳ​ຫລັບ​ການ​ເຈລະຈາ​ກັບ​ລັດຖະບານ​ ​ແລະ ​ປະຊາຊົນ​ຄິວບາ.

ຄຳ​ຖະ​ແຫລ​ງຂອງປະທານ​ປະ​ເທດ Castro ​ໃນ​ວັນ​ເສົາ​ວານ​ນີ້ ແມ່ນ ເປັນການສະ​ແດງ​
ຄວາມ​ເຫັນຢ່າງ​ເປີດ​ເຜີຍຄັ້ງທຳ​ອິດ​ຂອງ​ທ່ານ ນັບ​ຕັ້ງ​ແຕ່​ໄດ້​ມີ​ການ​ປະກາດພ້ອມໆ​ກັນ​
ໂດຍຜູ້ນຳ​ຂອງ​ທັງ​ສອງ​ປະ​ເທດ ກ່ຽວ​ກັບການ​ຕົກລົງ ທີ່​ຈະ​ຮຶ້ຟື້ນ​ສາຍ​ພົວພັນທາງ​ການ​ທູດ
ລະຫວ່າງ​ກັນ​ນັ້ນ.

ທ່ານ Castro ກ່າວ​ວ່າ ຄິວ​ບາ​ຈະ​ເລັ່ງປະຕິ​ຮູບ​ໂຄງການ​ເສດຖະກິດ​ຂອງ​ຕົນ ​ໂດຍ​ມີ​ເປົ້າ
ໝາຍທີ່​ຈະສ້າງຕັ້ງຮູບ​ແບບ ຂອງ “ລະບອບ​ຄອມ​ມິ​ວນິສ ທີ່ມີຄວາມ​ວັດທະນາ​ຖາວອນ​ ແລະ​ຍືນ​ຍົງ.” ​ແຕ່​ທ່ານ​ໄດ້​ກ່າວ​ຍ້ຳວ່າ ການ​ປ່ຽນ​ແປ່​ງຕ່າງໆ​ນັ້ນ ​ແ​ມ່ນຈະ​ເປັນ​ໄປ ເທື່ອ​ລະ​ນ້ອຍ.

US Decision on Cuba Underscores Divisions Among Miami Cubans
please wait

No media source currently available

0:00 0:02:08 0:00

XS
SM
MD
LG