ສົງຄາມໃນຢູເຄຣນ, ວິກິດການດ້ານມະນຸດສະທຳຂອງຊູດານ ແລະ ການສູ້ລົບທີ່ທະວີຂຶ້ນລະຫວ່າງ ອິສຣາແອລ ແລະກຸ່ມເຮສໂບລາ ໄດ້ຄອບງຳ ກອງປະຊຸມສະມັດຊາໃຫຍ່ ອົງການສະຫະປະຊາຊາດ.
ປະທານາທິບໍດີຂອງຢູເຄຣນ ທ່ານໂວໂລດີເມຍ ເຊເລັນສກີ ໄດ້ກ່າວຕໍ່ກອງ ປະຊຸມສະໝັດຊາໃຫຍ່ ສະຫະປະຊາຊາດ ໃນວັນພຸດວານນີ້ ວ່າ ຣັດເຊຍ ໄດ້ລົ້ມແຫຼວໃນການປາບປາມຢູເຄຣນ ຢູ່ສະໜາມລົບ ແລະກຳລັງຫາວິທີທາງ ໃໝ່ເພື່ອທັບມ້າງປະເທດຂອງທ່ານ ລວມທັງການໂຈມຕີຕໍ່ພື້ນຖານໂຄງລ່າງ ດ້ານພະລັງງານກ່ອນເຂົ້າລະດູໜາວ.
ປະທານາທິບໍດີຢູເຄຣນ ໂວໂລດີເມຍ ເຊເລັນສກີ ກ່າວວ່າ “ອັນນີ້ ແມ່ນວິທີ ທີ່ປະທານາທິບໍດີຂອງຣັດເຊຍ ວລາດີເມຍ ປູຕິນ ກຳລັງກຽມພ້ອມສຳລັບ ລະດູໜາວ - ໂດຍຫວັງວ່າ ຈະເຮັດໃຫ້ຊາວຢູເຄຣນຫຼາຍລ້ານຄົນ ທຸກທໍ ລະມານ. ຄອບຄົວທີ່ທຳມະດາທັງຫຼາຍ ທີ່ມີພວກແມ່ຍິງ ແລະ ລູກເຕົ້າ. ເມືອງທີ່ທຳມະດາທັງຫຼາຍ, ຄຸ້ມບ້ານທີ່ທຳມະດາທັງຫຼາຍ. ປູຕິນ ຢາກເຮັດ ໃຫ້ພວກເຂົາຢູ່ໃນຄວາມມືດ ແລະຄວາມໜາວເຢັນໃນລະດູໜາວນີ້, ໂດຍກົດ ດັນໃຫ້ຢູເຄຣນ ທຸກທໍລະມານ ແລະໃຫ້ຍອມຈຳນົນ.”
ຢູ່ນອກກອງປະຊຸມຂອງສະຫະປະຊາຊາດ ຕ່າງຫາກ, ບັນດານັກການທູດ ກໍໄດ້ຮຽກຮ້ອງໃຫ້ໃຈເຢັນໆ ຫຼັງຈາກມີການຍິງໂຈມຕີ ແລະການໂຈມຕີທາງອາກາດຂອງອິສຣາແອລ ຢູ່ພາກໃຕ້ຂອງເລບານອນ ແລະກຸ່ມເຮສໂບລາ ກໍໄດ້ຍິງຈະຫຼວດຫຼາຍລູກໃສ່ອິສຣາແອລ.
ທ່ານ ແອໂຕນີ ບລິງເກັນ ລັດຖະມົນຕີການຕ່າງປະເທດຂອງສະຫະລັດ ກ່າວວ່າ “ໃນເຂດຕາເວັນອອກກາງ, ພວກເຮົາໄດ້ພົວພັນຢ່າງໜັກໜ່ວງກັບຄູ່ພາຄີ ຈຳນວນນຶ່ງ ເພື່ອໃຫ້ຫລຸດຜ່ອນຄວາມເຄັ່ງຕຶງທີ່ທະວີຂຶ້ນຢູ່ໃນເລບານອນ ແລະ ປະສານງານເພື່ອໃຫ້ມີຂໍ້ຕົກລົງຢຸດຍິງ ທີ່ຄວນມີຜົນປະໂຫຍດແກ່ທຸກຝ່າຍທີ່ ກ່ຽວຂ້ອງ.”
ອົງການສະຫະປະຊາຊາດ ໄດ້ກ່າວວ່າ ຊາວເລບານອນເກືອບ 100,000 ຄົນ ໄດ້ຖືກພັດພາກຈາກຖິ່ນຖານ ໃນອາທິດນີ້ ໃນຂະນະທີ່ພວກເຂົາຫລົບໜີການ ໂຈມຕີທາງອາກາດທີ່ໜັກໜ່ວງຂອງອິສຣາແອລ ສ່ວນໃຫຍ່ແມ່ນຢູ່ໃນເຂດ ທີ່ຄວບຄຸມໂດຍກຸ່ມເຮສໂບລາ ທາງພາກໃຕ້ຂອງເລບານອນ. ເຈົ້າໜ້າທີ່ສາທາລະນະສຸກ ໄດ້ກ່າວວ່າ ຊາວເລບານອນຢ່າງໜ້ອຍ 51 ຄົນໄດ້ເສຍຊີວິດ ແລະຫຼາຍຮ້ອຍຄົນໄດ້ຮັບບາດເຈັບໃນວັນພຸດວານນີ້. ອິສຣາແອລ ໄດ້ກ່າວວ່າ ຕົນໄດ້ຍິງລູກສອນໄຟລູກນຶ່ງຂອງເຮສໂບລາ ທີ່ແນໃສ່ນະຄອນ ແທລ ລາວີບ ຕົກ.
ຕາມການຂໍຮ້ອງຂອງປະເທດຝຣັ່ງ ສະພາຄວາມໝັ້ນຄົງຂອງສະຫະປະຊາຊາດ ໄດ້ພົບປະກັນ ໃນກອງປະຊຸມສຸກເສີນ ເມື່ອຕອນແລງວັນພຸດວານນີ້.
ທ່ານ ເອັມມານິແອລ ມາກຣົງ ປະທານາທິບໍດີຂອງຝຣັ່ງ ໄດ້ກ່າວເປັນພາສາ ຝຣັ່ງວ່າ “ພວກເຮົາບໍ່ຕ້ອງ, ພວກເຮົາບໍ່ສາມາດມີສົງຄາມໃນເລບານອນ. ບໍ່ສາມາດໃຫ້ເກີດສົງຄາມໃນເລບານອນ. ອັນນີ້ ແມ່ນສາເຫດທີ່ພວກເຮົາຮຽກ ຮ້ອງໃຫ້ອິສຣາແອລ ຢຸດເຊົາການເພີ້ມຄວາມຮຸນແຮງໃນເລບານອນ ແລະໃຫ້ ກຸ່ມເຮັສໂບລລາ ຢຸດເຊົາການຍິງລຸກສອນໄຟ ໃສ່ອິສຣາແອລ. ພວກເຮົາຮຽກ ຮ້ອງຕໍ່ໝົດທຸກພາກສ່ວນ ຜູ້ທີ່ໃຫ້ການສະໜອງແກ່ພວກເຂົາດ້ວຍວິທີການ ທີ່ເຮັດແນວນັ້ນ, ຈົ່ງຢຸດເຮັດເຊັ່ນນັ້ນ.”
ໃນຂະນະດຽວກັນ ຢູ່ໃນປະເທດຊູດານ ສົງຄາມທີ່ໂຫດຮ້າຍລະຫວ່າງ ນາຍພົນທະຫານທີ່ເປັນຄູ່ປໍລະປັກກັນ ໄດ້ຜັກດັນໃຫ້ປະຊາຊົນ 26 ລ້ານຄົນ ເຂົ້າສູ່ພາວະການອຶດຫິວ ແລະໄພອຶດຢາກ ແລະໄດ້ເຮັດໃຫ້ປະຊາຊົນຢ່າງໜ້ອຍ 10 ລ້ານຄົນຕ້ອງພັດພາກຈາກຖິ່ນຖານ.
ທ່ານນາງ ນິສຣີນ ແອລຊາອິມ ນັກເຄື່ອນໄຫວເພື່ອສັນຕິພາບຊາວຊູດານ ກ່າວວ່າ “ພວກເຮົາທັງໝົດ ຮູ້ຈັກດີໃນຕົວເລກສະຖິຕິ. ແຕ່ໃຫ້ຈື່ຈຳວ່າ: ຕົວເລກທັງຫຼາຍເຫຼົ່ານີ້ ເປັນຕົວແທນຂອງແຕ່ລະບຸກຄົນ - ເປັນປະຊາຊົນທີ່ ເຕັມໄປດ້ວຍຫວັງ, ຄວາມຝັນ ແລະຄວາມມຸ້ງມາດປາດຖະໜາ. ຄວາມປາດຖະໜາໃຫ້ຈະເລີນຮຸ່ງເຮືອງ, ສາມັກຄີ, ຊູດານເປັນປະຊາທິປະໄຕ. ຕົວເລກທັງຫຼາຍເຫຼົ່ານີ້ ກໍແມ່ນຂ້ອຍ, ຄອບຄົວ ແລະໝູ່ເພື່ອນຂອງຂ້ອຍ.”
ຢູ່ທີ່ກອງປະຊຸມກ່ຽວກັບສະຖານະການນັ້ນ, ອົງການສະຫະປະຊາຊາດ ໄດ້ກ່າວວ່າ ຕົນພວມພະຍາຍາມລະດົມທຶນຂະໜາດໃຫຍ່ທີ່ນຳໄປໃຊ້ແລ້ວ ເພື່ອການຊ່ອຍເຫຼືອ, ໂດຍການເບີກຈ່າຍ 25 ລ້ານໂດລາ ຈາກກອງທຶນສຸກເສີນຂອງຕົນ. ສະຫະພາບຢູໂຣບ ໄດ້ປະກາດໃຫ້ທຶນ ເກືອບ 77 ລ້ານໂດລາ ແລະສະຫະລັດ ໄດ້ກ່າວວ່າ ຕົນໃຫ້ທຶນຕື່ມອີກ 424 ລ້ານໂດລາ.
ທ່ານນາງ ທອມມັສ-ກຣີນຟຽວລ໌ ເອກອັກຄະລັດຖະທູດສະຫະລັດປະຈຳສະຫະ ປະຊາຊາດ ກ່າວວ່າ “ພວກເຮົາຕ້ອງບັງຄັບ, ໃນຄວາມເປັນຈິງ ເນັ້ນໜັກ ແລະຮຽກຮ້ອງໃຫ້ພວກຝ່າຍທີ່ສູ້ລົບກັນທັງຫຼາຍ ຮັບເອົາການຢຸດເຊົາດ້ານ ມະນຸດສະທຳ ຢູ່ໃນເຂດ ແອລ ຟາເຊີ, ຄາຣທຸມ ແລະ ເຂດອື່ນໆທີ່ເປັນພື້ນທີ່ ທີ່ມີຄວາມສ່ຽງສູງ ເພື່ອອະນຸຍາດໃຫ້ການຊ່ອຍເຫຼືອຜ່ານເຂົ້າໄປ ແລະໃຫ້ພວກ ພົນລະເຮືອນຫລົບໜີອອກໄປ.”
ໃນວັນພະຫັດມື້ນີ້ ກອງປະຊຸມສະມັດຊາໃຫຍ່ ຈະຮັບຟັງຈາກ ນາຍພົນ ອັບແດລ ຟາຕາ ອາລ-ເບີຮານ ນຶ່ງໃນນາຍພົນທະຫານທີ່ເປັນຄູ່ປໍລະປັກ ໃນສົງຄາມຂອງຊູດານ.
The war in Ukraine, Sudan’s humanitarian crisis, and an escalation between Israel and Hezbollah dominated the second day of the U.N. General Assembly meetings. VOA's U.N. correspondent Margaret Besheer has more.
Ukrainian President Volodymyr Zelenskyy told the U.N. General Assembly on Wednesday that Russia has failed to subjugate Ukraine on the battlefield and is looking for new ways to break his country, including battering its energy infrastructure ahead of winter.
(Volodymyr Zelenskyy, Ukrainian President)
“This is how [Russian President Vladimir] Putin is preparing for winter — hoping to torment millions of Ukrainians. Ordinary families — women, children. Ordinary towns, ordinary villages. Putin wants to leave them in the dark and cold this winter, forcing Ukraine to suffer and surrender.”
Separately, diplomats on the sidelines of the U.N. meetings are calling for calm after a wave of Israeli attacks and airstrikes on southern Lebanon and Hezbollah rockets launched at Israel.
(Antony Blinken, US Secretary of State)
"In the Middle East, we're intensely engaged with a number of partners to de-escalate tensions in Lebanon and to work to get a cease-fire agreement that would have so many benefits for all concerned."
The U.N. said nearly 100,000 Lebanese had been displaced this week as they fled intense Israeli airstrikes mostly in Hezbollah-controlled south Lebanon. Health officials said at least 51 Lebanese were killed and hundreds wounded on Wednesday. Israel said it shot down a Hezbollah missile aimed at Tel Aviv.
At France's request, the U.N. Security Council met in an emergency session late Wednesday.
(Emmanuel Macron, French President (male, French)
“We must not, we cannot, have a war in Lebanon. There cannot be a war in Lebanon. This is why we urge Israel to cease this escalation in Lebanon and (for) Hezbollah to cease the missile launch to Israel. We urge all of those who provide them with the means to do so, to stop doing so.”
Meanwhile in Sudan, a brutal war between rival generals has pushed 26 million people into hunger and famine and displaced at least 10 million people.
(Nisreen Elsaim, Sudanese Peace Activist)
“We are all aware of the statistics. But let’s remember: These numbers represent individuals – people filled with hopes, dreams and aspiration. Aspiration for a flourishing, united, democratic Sudan. These numbers are me, my family and friends.”
At a meeting about the situation, the U.N. said it is trying to meet a massive funding gap for aid, disbursing $25 million from its emergency fund. The European Union announced nearly $77 million, and the U.S. said it is giving an additional $424 million.
(Linda Thomas-Greenfield, US Ambassador to the UN)
"We must compel, in fact insist and demand that the warring parties accept humanitarian pauses in El Fasher, Khartoum, and other highly vulnerable areas to allow aid to flow and civilians to flee."
On Thursday, the General Assembly will hear from General Abdel Fattah Al-Burhan, one of the protagonists in the Sudanese war.
ຟໍຣັມສະແດງຄວາມຄິດເຫັນ