ສານເລືອກຕັ້ງໃນບຣາຊີລ ໄດ້ຕັດສິນວ່າ ອະດີດປະທານາທິບໍດີຫຼຸຍ ອີນາຊີໂອ ລູລາ
ດາ ຊິລວາ ຈະບໍ່ໄດ້ຮັບອະນຸຍາດ ໃຫ້ໂຄສະນາຫາສຽງເລືອກຕັ້ງເປັນປະທານາທິບໍດີ
ໃນປີນີ້.
ທ່ານດາ ຊິລວາ ຊຶ່ງໃນປັດຈຸບັນ ພວມຮັບໃຊ້ໂທດ ຕິດຄຸກເປັນເວລາ 12 ປີ ໃນຂໍ້ຫາ
ໃຫ້ເງິນສິນບົນ ເປັນຜູ້ສະໝັກທີ່ມີຄະແນນສຽງນຳໜ້າໝູ່ ກ່ອນການເລືອກຕັ້ງປະທາ
ນາທິບໍດີ ໃນເດືອນຕຸລາຈະມາ ທັງໆທີ່ທ່ານ ມີຖານະເປັນນັກໂທດ. ທ່ານດາ ຊິລວາ
ກ່າວວ່າ ທ່ານເປັນຜູ້ບໍລິສຸດ.
ກົດໝາຍຂອງບຣາຊີລໄດ້ຫ້າມບໍ່ໃຫ້ຜູ້ສະໝັກລົງແຂ່ງຂັນເອົາຕຳແໜ່ງເປັນເວລາ 8
ປີ ຫລັງຈາກໄດ້ຮັບໃຊ້ໂທດທາງອາຍາ.
ເປັນທີ່ຄາດກັນວ່າ ພັກກຳມະກອນຂອງທ່ານດາ ຊິລວາ ຈະຂໍອຸທອນ ກ່ຽວກັບການ
ຕັດສິນດັ່ງກ່າວ ໄປຍັງສານສູງສຸດ.
ອະດີດປະທານາທິບໍດີດາ ຊິລວາ ເປັນບຸກຄົນທີ່ມີຄວາມສຳຄັນໃນວົງການເມືອງຂອງ
ບຣາຊີລ. ການໄດ້ຮັບຄວາມນິຍົມຈາກປະຊາຊົນຂອງທ່ານເຮັດໃຫ້ທ່ານໄດ້ຖືກເລືອກ
ເປັນປະທານາທິບໍດີ 2 ສະໄໝ ໃນລະຫວ່າງປີ 2003 ຫາ 2011 ຊຶ່ງເປັນໄລຍະທີ່ເສດ
ຖະກິດຂອງປະເທດ ເຕີບໂຕຢ່າງເຂັ້ມແຂງ ແລະຄວາມບໍ່ສະເໝີພາບ ຫລຸດໜ້ອຍລົງ. ເວລາທ່ານລົງຈາກຕຳແໜ່ງ ຄະແນນນິຍົມຂອງທ່ານແມ່ນຍັງຢູ່ໃນລະດັບ 83 ເປີເຊັນ.
ອະດີດປະທານາທິບໍດີບາຣັກ ໂອບາມາ ຄັ້ງນຶ່ງ ເຄີຍເອີ້ນທ່ານດາ ຊິລວາ ວ່າ “ເປັນນັກ
ການເມືອງ ທີ່ມີຊື່ສຽງໂດ່ງດັງ ໄດ້ຮັບຄວາມນິຍົມ ຫຼາຍທີ່ສຸດໃນໂລກ.”
