ລິ້ງ ສຳຫລັບເຂົ້າຫາ

logo-print

ໂຄງການ ຄວບຄຸມ ໄຂ້ມາເລເຣຍ ສາຍພັນ ທີ່ຕ້ານຢາ ໃນກໍາປູເຈຍ ແລະລາວ (ວີດິໂອ)


ຄົນເຈັບໄຂ້ມາເລເຣຍຄົນນຶ່ງ ນອນພັກຢູໃນໂຮງໝໍແຫ່ງນຶ່ງ ແຫ່ງດຽວໃນເມືອງ Pailin ພາກຕາເວັນຕົກ ຂອງກໍາປູເຈຍ

ໃນວັນທີ່ 25 ເມສາ ຊຶ່ງເປັນວັນຕໍ່ຕ້ານພະຍາດໄຂ້ມາເລເຣຍ
ຫລືໄຂ້ຍຸງຂອງໂລກປີນີ້ ອົງການອະນາໄມໂລກຫລື WHO ໄດ້ເລີ້ມເປີດໂຄງການສຸກເສີນໂຄງການນຶ່ງ ຢູ່ທີ່ນະຄອນພະ
ນົມເປັນ ເພື່ອຢັບຢັ້ງທ່າອຽງທີ່ໜ້າເປັນຫ່ວງ ຢູ່ໃນຂົງເຂດ ກໍຄືສາຍພັນຂອງໄຂ້ມາເລເຣຍອັນນຶ່ງທີ່ພິສູດໃຫ້ ເຫັນວ່າ ມີຄວາມຕ້ານທານຕໍ່ຢາປົວໄຂ້ມາເລເຣຍທີ່ສໍາຄັນທີ່ສຸດນັ້ນ.
ຜູ້ສື່ ຂ່າວວີໂອເອ Robert Carmichael ມີລາຍງານກ່ຽວ
ກັບເລື່ອງນີ້ ຈາກພະນົມເປັນ ດັ່ງບົວສະຫວັນ ຈະນຳເອົາລາ
ຍລະອຽດ ມາສະເໜີທ່ານໃນ ອັນດັບຕໍ່ໄປ.

ວີດິໂອກ່ຽວຂ້ອງກັບລາຍງານນີ້ (ຮຽນພາສາອັງກິດໄປພ້ອມ)



ຫົກປີກ່ອນ ພວກນັກຄົ້ນຄວ້າດ້ານການແພດເປັນຫ່ວງວ່າພາຍຫລັງທີ່ ພະຍາດໄຂ້ມາ
ເລເຣຍຫລືໄຂ້ຍຸງສາຍພັນນຶ່ງ ຢູ່ໃນພາກຕາເວັນຕົກຂອງ ກໍາປູເຈຍ ເລີ້ມສະແດງໃຫ້ ເຫັນອາການຕ້ານທານຕໍ່ການປິ່ນປົວໄຂ້ມາເລເຣຍ ໂດຍວິທີໃຊ້ຢາ Artemisinin ເປັນຫຼັກ ແບບປະສົມປະສານທີ່ເອີ້ນວ່າ ACT.

ເພື່ອເປັນການຮັບມືຕໍ່ສະພາບການດັ່ງກ່າວ ລັດຖະບານກໍາປູເຈຍແລະ ພາຄີດ້ານການ
ແພດຂອງຕົນ ຊຶ່ງລວມທັງອົງການອະນາໄມໂລກໄດ້ ຈັດໃຫ້ມີໂຄງການປ້ອງກັນສາຍ ພັນໄຂ້ມາເລເຣຍ ທີ່ມີຄວາມຕ້ານຕໍ່ຢາ ຫຼືເຊື້ອໄຂ້ມາເລເຣຍສາຍພັນ falciparum ບໍ່
ໃຫ້ແຜ່ຜາຍຢູ່ໃນກໍາປູເຈຍ ແລະອອກນອກເຂດແດນຂອງປະເທດ.

ໂຄງການດັ່ງກ່າວນີ້ ປະກົດວ່າ ສາມາດຄວບຄຸມສາຍພັນທີ່ຕ້ານທານຢາໄດ້. ຫາກແຕ່
ວ່າຢູ່ໄທ, ມຽນມາ ແລະຫວຽດນາມມີລາຍງານໃຫ້ຊາບວ່າ ຍັງມີຫຼາຍໆເຂດທີ່ມີໄຂ້ມາ
ເລເຣຍ ສາຍພັນທີ່ຕ້ານຢາ artemisinin ລະບາດຢູ່. ທ່ານ Stephen Bjorge ຜູ້ຊ່ຽວ
ຊານດ້ານພະຍາດໄຂ້ມາເລເຣຍຂອງ WHO ປະຈໍານະຄອນພະນົມເປັນເວົ້າວ່າ ສາຍ
ພັນໄຂ້ມາເລເຣຍທີ່ຕ້ານ ທານຢາຢູ່ໃນປະເທດເຫລົ່ານັ້ນ ແມ່ນເກີດຂຶ້ນໂດຍບໍ່ໄດ້ກ່ຽວ
ຂ້ອງກັບກໍາ ປູເຈຍ ຊຶ່ງໝາຍຄວາມວ່າການດໍາເນີນຄວາມພະຍາຍາມໃນການຄວບ ຄຸມພະຍາດໄຂ້ຍຸງສາຍພັນນີ້ ແມ່ນໄດ້ຜົນດີ.

ຫາກແຕ່ຍ້ອນວ່າ ຢາ artemisinin ແມ່ນການປິ່ນປົວແບບມາດຕະຖານ ດັ່ງນັ້ນການ
ຄວບຄຸມການແຜ່ລະບາດແລະຈາກນັ້ນກໍກໍາຈັດສາຍພັນຕ້ານທານຢາໃຫ້ໝົດໄປຈາກ
ຂົງເຂດດັ່ງກ່າວນີ້ ຈຶ່ງສໍາຄັນຫລາຍ. ອົງການອະ ນາໄມໂລກປະກາດໃນວັນພະຫັດ ອາທິດແລ້ວນີ້ວ່າ ນັ້ນກໍຄືຈຸດປະສົງຂອງໂຄງການສາມປີ ທີ່ໃຊ້ທຶນ 400 ລ້ານໂດລາ.

ທ່ານ Robert Newman, ຫົວໜ້າໂຄງການໄຂ້ມາເລເຣຍຂອງໂລກປະຈໍາ WHO ເວົ້າວ່າ:
“ຄວາມສ່ຽງແມ່ນສູງຫລາຍ-ມັນບໍ່ພຽງແຕ່ສໍາຄັນຕໍ່ຂົງເຂດດັ່ງກ່າວ ຖ້າເວົ້າ
ເຖິງການຕ່າວປີ້ນຄືນ ຂອງຄວາມກ້າວໜ້າ ໃນການຕ້ານໂຣກໄຂ້ມາເລເຣຍ
ທີ່ໄດ້ມາ ແຕ່ທີ່ຈິງແລ້ວມັນຍັງເປັນບັນຫາສໍາຄັນ ໃນລະດັບໂລກອີກດ້ວຍ.”


ທ່ານ Newman ຍັງກ່າວເພີ້ມອີກວ່າ:
“ຖ້າວ່າ ປະຫວັດສາດຫາກເປັນການຊີ້ແນະແນວທາງໃດໆ ຖ້າຫາກ ພວກ
ເຮົາບໍ່ສາມາດຄວບຄຸມບັນຫານີ້ໄດ້ແລ້ວ ຈຶ່ງມີທ່າທາງວ່າ ເປັນ ໄປໄດ້
ຫລາຍທີ່ສຸດ ທີ່ວ່າມັນຈະແຜ່ຂະຫຍາຍໄປຫາບ່ອນອື່ນ. ມັນເປັນການສ່ຽງ
ພິເສດ ຢູ່ໃນເຂດໃຕ້ທະເລຊາຍຊາຮາຣາຂອງອາຟຣິກາ ບ່ອນທີ່ຍັງແບກ
ຫາບພາລະດ້ານນີ້ຢ່າງໜັກໜ່ວງຢູ່. ແລະຖ້າວ່າ ພວກ ເຮົາຫາກສູນເສຍ
ສະມັດຖະພາບຂອງລະບົບ ປິ່ນປົວ ACTs ໃນມືນີ້ ສະພາບດັ່ງກ່າວຈະ
ເປັນຄວາມຫາຍຍະນະທາງດ້ານສາທາລະນະສຸກ ໃນອາຟຣິກາ.”


ໂຄງການທີ່ນໍາພາໂດຍ WHO ແມ່ນໄດ້ຮັບທຶນຈາກກອງທຶນໂລກ, ມູນ ນິທິຂອງ Bill ແລະ Melinda Gates, ແລະ ໂດຍຂະແໜງການພັດ ທະນາຂອງລັດຖະບານອັອສ
ເຕຣເລຍ ທີ່ເອີ້ນວ່າ AusAID. ມັນຈະໃຫ້ ການຊ່ວຍເຫລືອ 6 ປະເທດ: 4 ປະເທດ
ໃນນັ້ນ ໄດ້ພົບເຫັນແລ້ວວ່າ ມີສະພາບການຕ້ານທານຢາແລ້ວ ພ້ອມກັບອີກສອງ
ປະເທດທີ່ຖືວ່າ “ມີຄວາມສ່ຽງ” ຕໍ່ການມີສາຍພັນໄຂ້ມາເລເຣຍທີ່ຕ້ານທານຢາ ຊຶ່ງກໍຄື ລາວ ແລະເຂດພາກໃຕ້ຂອງປະເທດຈີນ.”

ທ່ານ Newman ເວົ້າວ່າ ບົດຮຽນບາງຢ່າງ ທີ່ໄດ້ຖອດຖອນຈາກການດໍາເນີນຄວາມ
ພະຍາຍາມ ຢູ່ກໍາປູເຈຍແມ່ນຈະຖືກເອົາມານໍາໃຊ້. ທ່ານ Newman ໃຫ້ຄໍາເຫັນກ່ຽວ
ກັບເລື່ອງນີ້ວ່າ :
“ການດໍາເນີນໂຄງການນີ້ບໍ່ແມ່ນເລີ້ມມາຈາກເລກສູນ ມັນໄດ້ສ້າງຂຶ້ນ ໂດຍ
ອີງໃສ່ປະສົບການທີ່ໃນຂັ້ນຕົ້ນມີຢູ່ໃນກໍາປູເຈຍ ຕິດກັບເຂດຊາຍໄທ ບ່ອນ
ທີ່ປະເທດເຫລົ່ານັ້ນໄດ້ມີປະສົບການຢ່າງຫລວງຫລາຍ ໃນການເຂົ້າຫາ
ກຸ່ມປະຊາຊົນທີ່ເຂົ້າໄປເຖິງຍາກ ຊຶ່ງກໍຄືພວກທີ່ຍ້າຍຈາກຖິ່ນຖານ ແລະມັກ
ເຄື່ອນຍ້າຍ ໄປເລື້ອຍໆ, ການໃຊ້ພະນັກງານການ ແພດປະຈໍາບ້ານ, ການທີ່
ຈະກໍາຈັດຢາທີ່ບໍ່ໄດ້ຕາມມາດຕະຖານໃຫ້ໝົດໄປຈາກຕະຫລາດຢ່າງແຂັງ
ຂັນ.”


ໂຄງການດັ່ງກ່າວ ຈະແຈກຈ່າຍມຸ້ງຍ້ອມນໍ້າຢາຂ້າແມງໄມ້; ຕິດຕາມເບິ່ງ ຢາປອມ, ຮັບ
ປະກັນໃຫ້ປະຊາຊົນມີຊ່ອງທາງເຂົ້າເຖິງການກວດແລະ ປິ່ນປົວພະຍາດ ທີ່ໜ້າໄວ້ໃຈ
ໄດ້, ແລະຊອກຫາພະຍາດດັ່ງກ່າວ. ປະຊາ ຄົມທີ່ມັກເຄື່ອນທີ່ ແລະອາໄສຢູ່ໃນເຂດ
ຊາຍແດນ ຈະເປັນເປົ້າໝາຍຕົ້ນ ຕໍຂອງໂຄງການນີ້.

ໂຄງການ AusAID ໄດ້ສະໜອງທຶນ 5 ລ້ານໂດລາແກ່ໂຄງການດັ່ງ ກ່າວ. ທ່ານ Ben
David ຫົວໜ້າທີ່ປຶກສາດ້ານສາທາລະນະສຸກຂອງໂຄງການ AusAID’s ເວົ້າວ່າ: “ຈະເວົ້າແລ້ວ ການໃຫ້ທຶນເບື້ອງຕົ້ນຂອງພວກເຮົາ ແມ່ນແນ່ນອນ ແຕ່ວ່າໃນ
ຕົວຈິງອອສເຕຣເລຍແມ່ນສ່ວນນຶ່ງຂອງຂົງ ເຂດດັ່ງກ່າວ. ພວກເຮົາເປັນ
ພາກສ່ວນນຶ່ງຂອງຂົງເຂດເອເຊຍ-ປາຊີຟິກ ແລະພວກເຮົາເຫັນວ່າ ເລື້ອງນີ້
ເປັນການລົງທຶນທີ່ສໍາຄັນຍິ່ງເພື່ອປ້ອງກັນບໍ່ໃຫ້ຄົນທຸກຈົນ ຢູ່ໃນຂົງເຂດນີ້
ຕິດເຊື້ອໄຂ້ມາເລເຣຍໄດ້ ແລະພ້ອມກັນ ນັ້ນກໍປ້ອງກັນຜົນປະໂຫຍດຂອງ
ປະເທດເຫລົ່ານີ້ ເພາະວ່າ ຖ້າຫາກບັນ ຫານີ້ຄວບຄຸມບໍ່ໄດ້ແລ້ວ ແລະພວກ
ເຮົາກໍຈະເຫັນໄຂ້ມາເລເຣຍສາຍພັນ ຕ້ານຢາ ແຜ່ລະບາດອອກໄປໃນຂົງ
ເຂດແລະກາຍຂົງເຂດນີ້ອອກໄປອີກ ແລ້ວພວກເຮົາກໍຈະປະເຊີນບັນ
ຫາຊຸດໃໝ່ອັນໃຫຍ່ໂຕ.”


ທ່ານ David ເວົ້າອີກວ່າ ໃນປີກາຍນີ້ ພະຍາດໄຂ້ມາເລເຣຍ ໄດ້ສັງ ຫານ 42,000 ຄົນ
ຢູ່ໃນຂົງເຂດເອເຊຍ-ປາຊີຟິກ ແລະສັງຫານຫລາຍ ກວ່າເຄິ່ງລ້ານຄົນຢູ່ທົ່ວໂລກ ຊຶ່ງ
ສ່ວນໃຫຍ່ແມ່ນເປັນເດັກນ້ອຍ ຢູ່ໃນ ທະວີບອາຟຣິກາ.

ໃນຊຸມປີໝໍ່ໆມານີ້ ໄດ້ມີຄວາມກ້າວໜ້າດີ ໃນດ້ານສະກັດກັ້ນໄຂ້ມາເລເຣຍ ແຕ່ອົງການ
WHO ເຕືອນວ່າ ຄວາມກ້າວໜ້ານັ້ນອາດຖືກຕ່າວ ປີ້ນຄືນໄດ້ ຖ້າສາຍພັນໄຂ້ມາເລ
ເຣຍທີ່ຕ້ານທານຢາຫາກຄວບຄຸມບໍ່ໄດ້ໃຫ້ຢູ່ແຕ່ໃນເຂດຄຸ້ມປັດຈຸບັນ ໃນບັນດາປະ
ເທດເຂດລຸ່ມແມ່ນໍ້າຂອງ.

ທ່ານ David ເຊື່ອວ່າ ລັດຖະບານປະເທດຕ່າງໆ ຈະເຮັດໜ້າທີ່ໃນພາກ ສ່ວນຂອງຕົນ ເພື່ອປ້ອງກັນບໍ່ໃຫ້ມີການແຜ່ຜາຍຂອງໄຂ້ຍຸງສາຍພັນຕ້ານທານຢາ.

ເບິ່ງວີດິໂອອີກເລື້ອງນຶ່ງທີ່່ກ່ຽວຂ້ອງກັບລາຍງານນີ້:



ທ່ານ David ເວົ້າອີກວ່າ: “ທີ່ຈິງແລ້ວ ມັນມີຄວາມໝາຍທາງເສດຖະກິດອັນ
ໃຫຍ່ຫລວງ ຖ້າວ່າ ບັນຫາການຕ້ານທານຢານີ້ ຫາກມີສືບຕໍ່ໄປ. ສະນັ້ນ ພວກເຮົາຕ້ອງໄດ້ ຖືວ່າເປັນກໍລະນີທາງເສດຖະກິດຢ່າງແທ້ຈິງ ເພື່ອຈະ
ໃຫ້ລັດຖະບານ ສືບຕໍ່ລົງທຶນເຂົ້າໃນການແກ້ໄຂບັນຫານີ້.”


ສາຍພັນໄຂ້ມາເລເຣຍທີ່ຕ້ານທານຢາ chloroquine ໄດ້ເຮັດໃຫ້ຫລາຍ ລ້ານຄົນເສຍ
ຊີວິດຢູ່ທົ່ວໂລກນັບແຕ່ມັນໄດ້ໂຜ່ຕົວຂຶ້ນມາເມື່ອ 60 ປີກ່ອນ ຈາກປ່າໄມ້ ໃນເຂດຕາ ເວັນຕົກຂອງກໍາປູເຈຍ.

ອົງການ WHO ເຕືອນວ່າ ໂລກບໍ່ສາມາດທີ່ຈະປ່ອຍໃຫ້ ມີການແຜ່ລະບາດທີ່ຄ້າຍຄື
ກັນນັ້ນ ກັບຄືນມາອີກອີກ ໂດຍການປ່ອຍໃຫ້ສາຍພັນ ຫລື ພວກສາຍພັນຂອງໄຂ້
ມາເລເຣຍຕ້ານຢາ artemisinin ໃຫ້ແຜ່ລະບາດອອກຈາກຂົງເຂດດັ່ງກ່າວນີ້ໄປ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG