ຜູ້ລົງແຂ່ງຂັນທີ່ຕໍ່ຕ້ານການແຕ່ງງານຂອງຄົນຮັກຮ່ວມເພດ ໄດ້ຄອບງຳຄະແນນນຳໜ້າ
ໃນການເລືອກຕັ້ງປະທານາທິບໍດີຂອງປະເທດ ຄັອສຕາ ຣີກາ "Costa Rica," ແຕ່
ທ່ານຍັງຂາດຄະແນນ ທີ່ຈະຫຼີກລ່ຽງການແຂ່ງຂັນຂັ້ນຊີ້ຂາດຢູ່.
ດ້ວຍຄະແນນສຽງປະມານ 70 ເປີເຊັນຖືກນັບແລ້ວນັ້ນ, ນັກຮ້ອງເພງສາສະໜາ ຄຣິສ
ຕຽນ ແລະ ນັກຂ່າວໂທລະພາບ ທ່ານ ຟາບຣິຊີໂອ ອາລວາຣາໂດ "Fabricio
Alvarado" ຈາກພັກປີກຂວາ ສ້າງສາປະເທດໃໝ່ ໄດ້ຮັບຄະແນນສຽງ 25 ເປີເຊັນ,
ອີງຕາມການນັບຄະແນນທີ່ຖືກເປີດເຜີຍໂດຍສານການເລືອກຕັ້ງສູງສຸດຂອງປະເທດ.
ຄູ່ແຂ່ງທີ່ສູສີທີ່ສຸດຂອງທ່ານ ອາລວາຣາໂດ ທ່ານ ຄາລັອສ ອາລວາຣາໂດ ເກຊາດາ
"Carlos Alvarado Quesada, ອະດີດລັດຖະມົນຕີກະຊວງແຮງງານ ຈາກພັກການ
ປະຕິບັດການຂອງປະຊາຊົນ ທີ່ກຳລັງປົກຄອງປະເທດຢູ່ນັ້ນ, ມີຄະແນນສຽງ 21 ເປີ
ເຊັນ.
ຜົນຄະແນນຄັ້ງສຸດທ້າຍຂອງຮອບທຳອິດແມ່ນຄາດວ່າຈະຖືກເປີດເຜີຍໃນວັນຈັນມື້ນີ້.
ບັນດາຜູ້ລົງແຂ່ງຂັນ 13 ທ່ານ ໄດ້ພະຍາຍາມທີ່ຈະສືບທອດຕຳແໜ່ງຂອງປະທານາທິ
ບໍດີ ລູອິສ ກີເຢໂມ ໂຊລິສ "Luis Guillermo Solis" ທີ່ຈະພົ້ນຈາກການດຳລົງຕຳ
ແໜ່ງ, ຜູ້ທີ່ຖືກຫ້າມຈາກການດຳລົງຕຳແໜ່ງສອງສະໄໝລຽນຕິດໂດຍລັດຖະທຳມະ
ນູນ. ໃນເມື່ອບໍ່ມີຜູ້ລົງແຂ່ງຂັນຄົນໃດ ທີ່ເບິ່ງຄືວ່າຈະໄດ້ຊະນະ 40 ເປີເຊັນຂອງຄະແນນ
ສຽງນັ້ນ, ຜູ້ແຂ່ງຂັນນຳໜ້າສອງຄົນ ກໍຈະໄດ້ພົບກັນໃນການເລືອກຕັ້ງຂັ້ນຊີ້ຂາດໃນວັນ
ທີ 1 ເມສາ.
ການຢັ່ງຫາງສຽງໄດ້ສະແດງໃຫ້ເຫັນວ່າປະຊາຊົນ ຄັອສຕາ ຣີກາ ປະມານ 2 ສ່ວນ 3
ຄັດຄ້ານການແຕ່ງງານຂອງຄົນເພດດຽວກັນ, ເຖິງແມ່ນວ່າຄູ່ຮັກຮ່ວມເພດ ຊາຍ ແລະ
ຍິງ ຈະສາມາດແຕ່ງງານກັນໃນປະເທດ ອາເຈັນຕີນາ, ບຣາຊິລ, ໂຄລົມເບຍ,
ອູຣູກວາຍ ແລະ ຫຼາຍພາກສ່ວນຂອງປະເທດ ເມັກຊິໂກ ກໍຕາມ.
ມີປະຊາຊົນຜູ້ທີ່ສາມາດລົງຄະແນນສຽງ 3 ລ້ານ 3 ແສນຄົນໃນປະເທດ ຄັອສຕາ ຣີກາ.
ເຂົາເຈົ້າສ່ວນໃຫຍ່ ນັບຖືສາສະໜາ ໂຣມັນ ກາໂຕລິກ ແລະ ມັກຈະອະທິບາຍຕົນເອງ
ວ່າເປັນນັກອະນຸລັກນິຍົມ.
