ໃນໄລຍະບໍ່ເທົ່າໃດເດືອນຜ່ານມານີ້ ຫວຽດນາມໄດ້ທໍາການດໍາ
ເນີນຄະດີ ກໍລະນີທຸດຈະລິດຂອງເຈົ້າໜ້າທີ່ລະດັບສູງຫຼາຍໆຄົນ
ອັນເປັນພາກສ່ວນ ຂອງການກວດລ້າງການ ສໍ້ລາດບັງຫຼວງ.
ລັດຖະບານຫວຽດນາມເວົ້າວ່າ ຕົນກໍາລັງໃຊ້ມາດຕະການລົງ
ໂທດຢ່າງໜັກໜ່ວງທີ່ສຸດຕໍ່ຜູ້ກະທໍາຜິດ ໂຮມທັງການປະຫານ
ຊີວິດເພື່ອປາບປາມພຶດຕິກໍາສໍ້ລາດບັງຫຼວງ. ແຕ່ແນວໃດກໍດີ
ບັນດານັກວິຈານເວົ້າວ່າການພິຈາລະນາຄະດີເຫຼົ່ານັ້ນ ຍັງເປັນ
ພາກສ່ວນນຶ່ງຂອງການຍາດແຍ່ງຊິງອໍານາດກັນ ທີ່ກໍາລັງດໍາ
ເນີນໄປຢູ່ໃນຂະນະນີ້ ໃນບັນດາຜູ້ນໍາລະດັບສູງ ຂອງຫວຽດ
ນາມ ອິງຕາມລາຍງານຂອງ ຜູ້ສື່ຂ່າວ ວີໂອເອ Marianne
Brown ທີ່ສົ່ງມາຈາກຮາໂນ່ຍ ຊຶ່ງທອງປານຈະນໍາມາສະເໜີ ທ່ານໃນອັນດັບຕໍ່ໄປ.
ເມື່ອສອງອາທິດຜ່ານມານີ້ ທ່ານ Duong Chi Dung ອະດີດປະທານບໍລິ ສັດລັດວິສາຫະກິດຂົນສົ່ງຍັກໃຫຍ່ Vinalines ຂອງຫວຽດນາມ ໄດ້ທໍາການກ່າວຫາທີ່ໜ້າຕົກໃຈ ອອກມາ. ຄືໃນຕອນໃຫ້ການ ຢູ່ໃນການດໍາເນີນຄະດີອ້າຍຂອງລາວ ທີ່ຖືກກ່າວຫາວ່າ ໄດ້ຊ່ວຍໃຫ້ລາວຫຼົບໜີ ອອກນອກປະເທດນັ້ນ ທ່ານ Dung ເວົ້າວ່າ ລາວໄດ້ຈ່າຍເງິນໃຫ້ລັດຖະມົນຕີຊ່ວຍກະຊວງຄວາມໝັ້ນຄົງສາທາລະນະ ຈໍານວນຫ້າແສນໂດລ່າ ເພື່ອບໍ່ໃຫ້ຖືກ ຟ້ອງຮ້ອງແລະດໍາເນີນຄະດີ.
ການແຜ່ແບຂ່າວການຈ່າຍເງິນສິນບົນ ຈໍານວນຫຼວງຫຼາຍແບບນັ້ນ ຖືເປັນບຸລິມະສິດສູງຢ່າງນຶ່ງຂອງການປຸກລະດົມປາບປາມການສໍ້ລາດບັງຫຼວງຢ່າງຂຸ້ນຂ້ຽວຕັ້ງໜ້າຂຶ້ນຂອງ ລັດຖະບານຫວຽດນາມ.
ການສືບສວນສອບສວນຫລາຍໆບັ້ນເມື່ອບໍ່ດົນຜ່ານມານີ້ ໄດ້ຍັງຜົນໃຫ້ມີການດໍາເນີນຄະດີແລະຕັດສິນໂທດຈໍາຄຸກ ເຈົ້າໜ້າທີ່ລັດຖະບານຫຼາຍສິບຄົນ ຊຶ່ງບາງຄົນກໍຖືກໂທດປະຫານຊີວິດ ໂຮມທັງທ່ານ Dung ອະດີດນາຍໃຫຍ່ບໍລິສັດ Vinalines ທີ່ໄດ້ຫຼົບໜີໄປກໍາປູເຈຍ ຫຼັງຈາກທີ່ບໍລິສັດເກືອບພັງທະລາຍລົງ ຍ້ອນມີໜີ້ສິນປະມານ ສາມພັນລ້ານໂດລ່າ.
ທ່ານ Alexander Vuving ຈາກສູນກາງ Asia-Pacific ເພື່ອການສຶກ ສາດ້ານຄວາມໝັ້ນຄົງ ເວົ້າວ່າ: ບັນຫາຫຍຸ້ງຍາກທາງດ້ານເສດຖະກິດຂອງຫວຽດນາມ ໄດ້ດຶງຈຸດສົນໃຈໄປໃສ່ການບໍລິຫານງານຢ່າງຜິດພາດ ແລະ ການກິນສິນບົນ ຢູ່ໃນບໍລິສັດລັດວິສາຫະກິດຕ່າງໆ ແລະພັກຄອມມີວນີສທີ່ປົກຄອງປະເທດຢູ່ໃນເວລານີ້ ກໍຮັບຮູ້ໃນຄວາມໂກດແຄ້ນຂອງມະຫາຊົນ.
ທ່ານ ວູວິງ ເວົ້າວ່າ: “ພັກຄອມມີວນີສຫວຽດນາມ ແມ່ນຕ້ອງການຢ່າງແທ້ຈິງ ທີ່ຈະເຮັດສິ່ງໃດສິ່ງນຶ່ງເພື່ອສະແດງໃຫ້ມະຫາຊົນເຫັນ ເພື່ອກອບກູ້ເອົາ ຄວາມຖືກຕ້ອງຊອບທໍາຂອງລະບອບກັບຄືນມາ ແລະກູ້ລັດຖະບານໃຫ້ພົ້ນຈາກການທຸດຈະລິດສໍ້ລາດບັງຫຼວງ. ຄືພວກເຂົາເຈົ້າກໍາລັງໃຊ້ວິທີການດໍາ ເນີນຄະດີການສໍ້ລາດບັງຫຼວງນີ້ ເພື່ອຂັດຂວາງບໍ່ໃຫ້ມີການສໍ້ລາດບັງຫຼວງ ອີກຕໍ່ໄປ ແຕ່ຂະນະດຽວກັນ ກໍໃຊ້ເປັນເຄື່ອງມືໂຄສະນາເພື່ອກອບກູ້ເອົາຄວາມໄວ້ວາງໃຈຂອງປະຊາຊົນ ກັບຄືນມາ.”
ແຕ່ບັນດານັກວິຈານບາງຄົນເວົ້າວ່າ ການກວດລ້າງການສໍ້ລາດບັງຫຼວງນັ້ນ ແມ່ນມີສ່ວນພົວພັນກັບ ການຍາດແຍ່ງຊິງອໍານາດກັນຫຼາຍກວ່າ ລະຫວ່າງ ນາຍົກລັດຖະມົນຕີ ຫງວຽນ ຕັນ ຢຸງ ແລະປະທານພັກຄອມມີວນີສ ທ່ານ Nguyen Phu Trong.
ທ່ານ ວູວິງ ເວົ້າຕໍ່ໄປວ່າ ນາຍົກລັດຖະມົນຕີນັ້ນເປັນສ່ວນນຶ່ງຂອງພັກຝ່າຍ ທີ່ໃຊ້ຕໍາແໜ່ງໜ້າທີ່ການ ເພື່ອຄູນຮັ່ງຄູນມີໃຫ້ພວກເຂົາເຈົ້າເອງ ໂດຍບໍ່ຄໍານຶ່ງເຖິງຜົນປະໂຫຍດຂອງສັງຄົມ. ສ່ວນກຸ່ມກົງກັນຂ້າມນີ້ ກໍຄືຝ່າຍຕໍ່ຕ້ານການສໍ້ລາດບັງຫຼວງ ທີ່ຢູ່ພາຍໃຕ້ປະທານພັກ ທ່ານ Trong ທີ່ນໍາພາການ ກວດລ້າງການສໍ້ລາດບັງຫຼວງ.
ທ່ານ ວູວິງ ເວົ້າວ່າ: “ຂ້າພະເຈົ້າເຊື່ອວ່າ ຢູ່ໃນຖັ້ນແຖວລະດັບສູງສຸດຂອງ ພັກຄອມມີວນີສຫວຽດນາມນັ້ນ ກໍມີພວກທີ່ ມີມືສະອາດ ບໍ່ຖືກແຕະຕ້ອງໂດຍການສໍ້ລາດບັງຫຼວງ ແຕ່ພ້ອມດຽວກັນ ກໍມີພວກຄົນທີ່ພົວພັນກັບການສໍ້ລາດບັງຫຼວງຢ່າງເລິກເຊິ່ງທີ່ສຸດ. ສະ ຫລູບແລ້ວ ກໍແມ່ນວ່າມັນມີທັງສອງຝ່າຍ ຄື ນໍ້າກ້ອນກັບໄຟ ຝ່າຍດີກັບຝ່າຍຊົ່ວ ຢູ່ໃນຄະນະກົມການເມືອງສູນກາງພັກນັ້ນ.”
ການປຸກລະດົມປາບປາມການສໍ້ລາດບັງຫຼວງຂອງລັດຖະບານຫວຽດນາມ ໄດ້ດໍາເນີນຄະດີເຈົ້າໜ້າທີ່ຂັ້ນສູງແລະນັກທຸລະກິດໃຫຍ່ໆໄປແລ້ວຫຼາຍລາຍ ຊຶ່ງເປັນພວກທີ່ມີການເຊື່ອມໂຍງຢ່າງໃກ້ຊິດ ກັບນາຍົກລັດຖະມົນຕີ ຕັນ ຢຸງ.
ທ່ານ Carl Thayer ຈາກມະຫາວິທະຍາໄລ New South Wales ໃນອອສເຕຣເລຍ ເວົ້າວ່າ: ນີ້ພໍສະແດງໃຫ້ເຫັນວ່າ ການປຸກລະດົມຕໍ່ຕ້ານການສໍ້ລາດບັງຫຼວງ ແມ່ນກ່ຽວກັບການຊິງດີຊິງເດັ່ນກັນທາງການເມືອງຫຼາຍກວ່າ ເລຶ່ອງການປົກຄອງທີ່ດີ.
ທ່ານ ເທເອີ ເວົ້າວ່າ: “ການທັບມ້າງການສໍ້ລາດບັງຫຼວງນັ້ນ ແທ້ໆແລ້ວແມ່ນແນໃສ່ ນາຍົກລັດຖະມົນຕີ ຍ້ອນວ່າຜູ້ກ່ຽວເປັນຜູ້ຮັບຜິດຊອບ ແລະແມ່ນພວກລູກນ້ອງວົງວານ ແລະໝູ່ເພືອນໃກ້ຊິດຂອງທ່ານ ທີ່ໄດ້ຮັບຜົນປະໂຫຍດຈາກມັນ.”
ເຖິງແມ່ນວ່າການດໍາເນີນຄະດີການສໍ້ລາດບັງຫຼວງຈະໄດ້ຮັບຄວາມສົນໃຈຢ່າງກວ້າງ ຂວາງຢູ່ໃນສື່ມວນຊົນກໍຕາມ ແຕ່ກໍມີຮ່ອງຮອຍໜ້ອຍຫຼາຍ ທີ່ສະແດງໃຫ້ເຫັນວ່າ ມັນໄດ້ສ້າງຄວາມເຊື່ອໝັ້ນໃຫ້ມະຫາຊົນວ່າ ລັດຖະບານກໍາລັງປາບປາມການສໍ້ລາດບັງຫຼວງ ຢ່າງແທ້ຈິງ.
ເນີນຄະດີ ກໍລະນີທຸດຈະລິດຂອງເຈົ້າໜ້າທີ່ລະດັບສູງຫຼາຍໆຄົນ
ອັນເປັນພາກສ່ວນ ຂອງການກວດລ້າງການ ສໍ້ລາດບັງຫຼວງ.
ລັດຖະບານຫວຽດນາມເວົ້າວ່າ ຕົນກໍາລັງໃຊ້ມາດຕະການລົງ
ໂທດຢ່າງໜັກໜ່ວງທີ່ສຸດຕໍ່ຜູ້ກະທໍາຜິດ ໂຮມທັງການປະຫານ
ຊີວິດເພື່ອປາບປາມພຶດຕິກໍາສໍ້ລາດບັງຫຼວງ. ແຕ່ແນວໃດກໍດີ
ບັນດານັກວິຈານເວົ້າວ່າການພິຈາລະນາຄະດີເຫຼົ່ານັ້ນ ຍັງເປັນ
ພາກສ່ວນນຶ່ງຂອງການຍາດແຍ່ງຊິງອໍານາດກັນ ທີ່ກໍາລັງດໍາ
ເນີນໄປຢູ່ໃນຂະນະນີ້ ໃນບັນດາຜູ້ນໍາລະດັບສູງ ຂອງຫວຽດ
ນາມ ອິງຕາມລາຍງານຂອງ ຜູ້ສື່ຂ່າວ ວີໂອເອ Marianne
Brown ທີ່ສົ່ງມາຈາກຮາໂນ່ຍ ຊຶ່ງທອງປານຈະນໍາມາສະເໜີ ທ່ານໃນອັນດັບຕໍ່ໄປ.
ເມື່ອສອງອາທິດຜ່ານມານີ້ ທ່ານ Duong Chi Dung ອະດີດປະທານບໍລິ ສັດລັດວິສາຫະກິດຂົນສົ່ງຍັກໃຫຍ່ Vinalines ຂອງຫວຽດນາມ ໄດ້ທໍາການກ່າວຫາທີ່ໜ້າຕົກໃຈ ອອກມາ. ຄືໃນຕອນໃຫ້ການ ຢູ່ໃນການດໍາເນີນຄະດີອ້າຍຂອງລາວ ທີ່ຖືກກ່າວຫາວ່າ ໄດ້ຊ່ວຍໃຫ້ລາວຫຼົບໜີ ອອກນອກປະເທດນັ້ນ ທ່ານ Dung ເວົ້າວ່າ ລາວໄດ້ຈ່າຍເງິນໃຫ້ລັດຖະມົນຕີຊ່ວຍກະຊວງຄວາມໝັ້ນຄົງສາທາລະນະ ຈໍານວນຫ້າແສນໂດລ່າ ເພື່ອບໍ່ໃຫ້ຖືກ ຟ້ອງຮ້ອງແລະດໍາເນີນຄະດີ.
ການແຜ່ແບຂ່າວການຈ່າຍເງິນສິນບົນ ຈໍານວນຫຼວງຫຼາຍແບບນັ້ນ ຖືເປັນບຸລິມະສິດສູງຢ່າງນຶ່ງຂອງການປຸກລະດົມປາບປາມການສໍ້ລາດບັງຫຼວງຢ່າງຂຸ້ນຂ້ຽວຕັ້ງໜ້າຂຶ້ນຂອງ ລັດຖະບານຫວຽດນາມ.
ການສືບສວນສອບສວນຫລາຍໆບັ້ນເມື່ອບໍ່ດົນຜ່ານມານີ້ ໄດ້ຍັງຜົນໃຫ້ມີການດໍາເນີນຄະດີແລະຕັດສິນໂທດຈໍາຄຸກ ເຈົ້າໜ້າທີ່ລັດຖະບານຫຼາຍສິບຄົນ ຊຶ່ງບາງຄົນກໍຖືກໂທດປະຫານຊີວິດ ໂຮມທັງທ່ານ Dung ອະດີດນາຍໃຫຍ່ບໍລິສັດ Vinalines ທີ່ໄດ້ຫຼົບໜີໄປກໍາປູເຈຍ ຫຼັງຈາກທີ່ບໍລິສັດເກືອບພັງທະລາຍລົງ ຍ້ອນມີໜີ້ສິນປະມານ ສາມພັນລ້ານໂດລ່າ.
ທ່ານ Alexander Vuving ຈາກສູນກາງ Asia-Pacific ເພື່ອການສຶກ ສາດ້ານຄວາມໝັ້ນຄົງ ເວົ້າວ່າ: ບັນຫາຫຍຸ້ງຍາກທາງດ້ານເສດຖະກິດຂອງຫວຽດນາມ ໄດ້ດຶງຈຸດສົນໃຈໄປໃສ່ການບໍລິຫານງານຢ່າງຜິດພາດ ແລະ ການກິນສິນບົນ ຢູ່ໃນບໍລິສັດລັດວິສາຫະກິດຕ່າງໆ ແລະພັກຄອມມີວນີສທີ່ປົກຄອງປະເທດຢູ່ໃນເວລານີ້ ກໍຮັບຮູ້ໃນຄວາມໂກດແຄ້ນຂອງມະຫາຊົນ.
ທ່ານ ວູວິງ ເວົ້າວ່າ: “ພັກຄອມມີວນີສຫວຽດນາມ ແມ່ນຕ້ອງການຢ່າງແທ້ຈິງ ທີ່ຈະເຮັດສິ່ງໃດສິ່ງນຶ່ງເພື່ອສະແດງໃຫ້ມະຫາຊົນເຫັນ ເພື່ອກອບກູ້ເອົາ ຄວາມຖືກຕ້ອງຊອບທໍາຂອງລະບອບກັບຄືນມາ ແລະກູ້ລັດຖະບານໃຫ້ພົ້ນຈາກການທຸດຈະລິດສໍ້ລາດບັງຫຼວງ. ຄືພວກເຂົາເຈົ້າກໍາລັງໃຊ້ວິທີການດໍາ ເນີນຄະດີການສໍ້ລາດບັງຫຼວງນີ້ ເພື່ອຂັດຂວາງບໍ່ໃຫ້ມີການສໍ້ລາດບັງຫຼວງ ອີກຕໍ່ໄປ ແຕ່ຂະນະດຽວກັນ ກໍໃຊ້ເປັນເຄື່ອງມືໂຄສະນາເພື່ອກອບກູ້ເອົາຄວາມໄວ້ວາງໃຈຂອງປະຊາຊົນ ກັບຄືນມາ.”
ແຕ່ບັນດານັກວິຈານບາງຄົນເວົ້າວ່າ ການກວດລ້າງການສໍ້ລາດບັງຫຼວງນັ້ນ ແມ່ນມີສ່ວນພົວພັນກັບ ການຍາດແຍ່ງຊິງອໍານາດກັນຫຼາຍກວ່າ ລະຫວ່າງ ນາຍົກລັດຖະມົນຕີ ຫງວຽນ ຕັນ ຢຸງ ແລະປະທານພັກຄອມມີວນີສ ທ່ານ Nguyen Phu Trong.
ທ່ານ ວູວິງ ເວົ້າຕໍ່ໄປວ່າ ນາຍົກລັດຖະມົນຕີນັ້ນເປັນສ່ວນນຶ່ງຂອງພັກຝ່າຍ ທີ່ໃຊ້ຕໍາແໜ່ງໜ້າທີ່ການ ເພື່ອຄູນຮັ່ງຄູນມີໃຫ້ພວກເຂົາເຈົ້າເອງ ໂດຍບໍ່ຄໍານຶ່ງເຖິງຜົນປະໂຫຍດຂອງສັງຄົມ. ສ່ວນກຸ່ມກົງກັນຂ້າມນີ້ ກໍຄືຝ່າຍຕໍ່ຕ້ານການສໍ້ລາດບັງຫຼວງ ທີ່ຢູ່ພາຍໃຕ້ປະທານພັກ ທ່ານ Trong ທີ່ນໍາພາການ ກວດລ້າງການສໍ້ລາດບັງຫຼວງ.
ທ່ານ ວູວິງ ເວົ້າວ່າ: “ຂ້າພະເຈົ້າເຊື່ອວ່າ ຢູ່ໃນຖັ້ນແຖວລະດັບສູງສຸດຂອງ ພັກຄອມມີວນີສຫວຽດນາມນັ້ນ ກໍມີພວກທີ່ ມີມືສະອາດ ບໍ່ຖືກແຕະຕ້ອງໂດຍການສໍ້ລາດບັງຫຼວງ ແຕ່ພ້ອມດຽວກັນ ກໍມີພວກຄົນທີ່ພົວພັນກັບການສໍ້ລາດບັງຫຼວງຢ່າງເລິກເຊິ່ງທີ່ສຸດ. ສະ ຫລູບແລ້ວ ກໍແມ່ນວ່າມັນມີທັງສອງຝ່າຍ ຄື ນໍ້າກ້ອນກັບໄຟ ຝ່າຍດີກັບຝ່າຍຊົ່ວ ຢູ່ໃນຄະນະກົມການເມືອງສູນກາງພັກນັ້ນ.”
ການປຸກລະດົມປາບປາມການສໍ້ລາດບັງຫຼວງຂອງລັດຖະບານຫວຽດນາມ ໄດ້ດໍາເນີນຄະດີເຈົ້າໜ້າທີ່ຂັ້ນສູງແລະນັກທຸລະກິດໃຫຍ່ໆໄປແລ້ວຫຼາຍລາຍ ຊຶ່ງເປັນພວກທີ່ມີການເຊື່ອມໂຍງຢ່າງໃກ້ຊິດ ກັບນາຍົກລັດຖະມົນຕີ ຕັນ ຢຸງ.
ທ່ານ Carl Thayer ຈາກມະຫາວິທະຍາໄລ New South Wales ໃນອອສເຕຣເລຍ ເວົ້າວ່າ: ນີ້ພໍສະແດງໃຫ້ເຫັນວ່າ ການປຸກລະດົມຕໍ່ຕ້ານການສໍ້ລາດບັງຫຼວງ ແມ່ນກ່ຽວກັບການຊິງດີຊິງເດັ່ນກັນທາງການເມືອງຫຼາຍກວ່າ ເລຶ່ອງການປົກຄອງທີ່ດີ.
ທ່ານ ເທເອີ ເວົ້າວ່າ: “ການທັບມ້າງການສໍ້ລາດບັງຫຼວງນັ້ນ ແທ້ໆແລ້ວແມ່ນແນໃສ່ ນາຍົກລັດຖະມົນຕີ ຍ້ອນວ່າຜູ້ກ່ຽວເປັນຜູ້ຮັບຜິດຊອບ ແລະແມ່ນພວກລູກນ້ອງວົງວານ ແລະໝູ່ເພືອນໃກ້ຊິດຂອງທ່ານ ທີ່ໄດ້ຮັບຜົນປະໂຫຍດຈາກມັນ.”
ເຖິງແມ່ນວ່າການດໍາເນີນຄະດີການສໍ້ລາດບັງຫຼວງຈະໄດ້ຮັບຄວາມສົນໃຈຢ່າງກວ້າງ ຂວາງຢູ່ໃນສື່ມວນຊົນກໍຕາມ ແຕ່ກໍມີຮ່ອງຮອຍໜ້ອຍຫຼາຍ ທີ່ສະແດງໃຫ້ເຫັນວ່າ ມັນໄດ້ສ້າງຄວາມເຊື່ອໝັ້ນໃຫ້ມະຫາຊົນວ່າ ລັດຖະບານກໍາລັງປາບປາມການສໍ້ລາດບັງຫຼວງ ຢ່າງແທ້ຈິງ.
