ກະຊວງການຕ່າງປະເທດສະຫະລັດ ກ່າວວ່າ ບັນຫາຄອມພິວ
ເຕີຕິດຄັດ ຈະເຮັດໃຫ້ ການອອກວິຊ່າ ແລະ ໜັງສືຜ່ານແດນ
ຈາກບັນດາສະຖານທູດສະຫະລັດຢູ່ໃນທົ່ວໂລກມີການຊັກຊ້າ.
ບັນດາເຈົ້າໜ້າທີ່ ຢູ່ນະຄອນຫລວງວໍຊິງຕັນ ກ່າວວ່າ ບັນຫາ
ຄອມພິມເຕີ ທີ່ໄດ້ຖືກພົບເຫັນໃນວັນເສົາແລ້ວ ອາດຈະເຮັດ
ໃຫ້ຫລາຍໆລ້ານ ຄົນຕ້ອງໄດ້ພາກັນລໍຖ້າເອກກະສານເດີນ
ທາງຂອງສະຫະລັດ.
ໂຄສົກຍິງກະຊວງການຕ່າງປະເທດ ທ່ານນາງ Marie Harf
ກ່າວວ່າ ບັນຫາເກີດຂື້ນຢູ່ໃນທົ່ວໂລກ ແລະບໍ່ເຈາະຈົງໃສ່ປະ
ເທດໃດປະເທດນຶ່ງ ການອອກໜັງສືຜ່ານແດນ ແລະປະເພດຂອງວີຊ່າ.
ທ່ານນາງກ່າວວ່າ ມັນຈະພາໃຫ້ມີການຊັກຊ້າ ໃນການອອກໜັງສືຜ່ານແດນ ສະຫະລັດ ການຂໍວິຊ່າ ແລະລາຍງານການເກີດຂອງຊາວອາເມຣິກັນ ຢູ່ໃນ ຕ່າງປະເທດ.
ກະຊວງການຕ່າງປະເທດ ກຳລັງຫາທາງແກ້ໄຂບັນຫາດັ່ງກ່າວນີ້ຢູ່ ແຕ່ຍັງບໍ່ໄດ້ແຈ້ງໃຫ້
ຊາບວ່າ ເມື່ອໃດຈຶ່ງຈະສຳເລັດເສັດສິ້ນ.
ທ່ານນາງ Harf ກ່າວວ່າ ບັນຫາກ່ຽວກັບຖານຂໍ້ມູນ ເປັນເຫດໃຫ້ມີ “ການຕິດຄັດໃນ
ຂອບເຂດທີ່ກວ້າງຂວາງ” ກ່ຽວກັບການຍື່ນຄຳຮ້ອງ. ເຈົ້າໜ້າທີ່ຄົນນຶ່ງກ່າວວ່າ ຄຳຮ້ອງ
ຂອງ 50,000 ຄົນ ໄດ້ມີການຊັກຊ້າ ຢູ່ໃນພຽງປະເທດດຽວເທົ່ານັ້ນ.
