ເຖິງແມ່ນວ່າຫົວໜ້າບາງຄົນອາດຈະຕ້ອງການໃຫ້ພະນັກງານທັງໝົດກັບມາເຮັດວຽກທີ່ສຳນັກງານຫ້ອງການ, ແຕ່ພະນັກງານສ່ວນໃຫຍ່ໃນສະຫະລັດ ຕ້ອງການຄວາມຍືດ ຍຸ່ນໃນການເຮັດວຽກໄລຍະໄກ ຫຼື ແບບປະສົມ. ແລະ ຈາກການສຶກສາເຫັນວ່າ ການເຮັດວຽກດັ່ງກ່າວ, ຫາກມີການຈັດການທີ່ດີ, ຈະບໍ່ສົ່ງຜົນເສຍຕໍ່ວັດທະນະທຳ ຫຼື ຄວາມສາມາດໃນການສ້າງນະວັດຕະກຳໃໝ່ໆຂອງບໍລິສັດ. ແຕ່ບາງບໍລິສັດທີ່ກັງວົນ ກ່ຽວກັບປະສິດທິພາບຂອງການເຮັດວຽກ ກໍ່ກຳລັງໃຊ້ຊອບແວໃນການຕິດຕາມ ພະນັກງານທີ່ເຮັດວຽກຈາກບ້ານ. ທ່ານ ແມັກຊິມ ອະດຳ ມີລາຍງານດັ່ງຕໍ່ໄປນີ້.
ການເຮັດວຽກໄລຍະໄກ ໄດ້ກາຍເປັນມາດຕະຖານໃໝ່. ແຕ່ເຖິງຈະມີການສຶກສາ ທີ່ສະແດງໃຫ້ເຫັນວ່າການເຮັດວຽກໄລຍະໄກສາມາດເພີ່ມປະສິດທິພາບຂອງການເຮັດວຽກໄດ້ກໍຕາມ, ບາງບໍລິສັດ ແລະ ອົງການບາງແຫ່ງກໍ່ນຳເອົາຊອບແວຕິດຕາມ ມາໃຊ້ ເພື່ອໃຫ້ແນ່ໃຈວ່າພະນັກງານຂອງຕົນກຳລັງເຮັດວຽກຢູ່.
ມັນຖືກເອີ້ນວ່າ 'ບອສແວ ຫຼື Bossware'
ແລະ ມັນສາມາດຕິດຕາມການໃຊ້ແປ້ນພິມ ແລະ ການເຄື່ອນໄຫວຂອງດວງຕາ, ຖ່າຍພາບໜ້າຈໍຂອງພະນັກງານ ແລະ ບັນທຶກເວັບໄຊ້ທີ່ເຂົ້າເບິ່ງ.
ທ່ານ ຈາເຣັດ ບຣາວ, ເປັນຜູ້ອຳນວຍບບໍລິຫານໃຫຍ່ຂອງ Hubstaff - ບໍລິສັດທີຜະລິດບອສແວ.
ລາວກ່າວວ່າປະມານ 4 ເຖິງ 8% ຂອງພະນັກງານທີ່ເຮັດວຽກໄລຍະໄກ ໃຊ້ຊອບແວທີ່ສາມາດຮຽນແບບການເຮັດວຽກແບບໂຕຈິງໄດ້.
ທ່ານ ຈາເຣັດ ບຣາວ, ກ່າວວ່າ
"Hubstaff ເບິ່ງຫຼາຍປັດໃຈ, ລວມເຖິງກິດຈະກຳຂອງເມົ້າ (mouse), ກິດຈະກຳຂອງແປ້ນພິມ - ແລະ ບໍ່ແມ່ນວ່າເຈົ້າກຳລັງພິມຫຍັງຢູ່ແປ້ນພິມ, ແຕ່ແມ່ນວ່າເຈົ້າກຳລັງພິມຢູ່ຫຼືບໍ່ - ດັ່ງນັ້ນ, ຈະເປັນການກົດປຸ່ມໃດໆກໍ່ໄດ້. ມັນບໍ່ໄດ້ບັນທຶກວ່າເປັນປຸ່ມຫຍັງ. ບາງທີອາດມີສະຄຣິບ ຫຼື ເນື້ອຫາ ທີ່ເປີດແທັບດຽວກັນ ໃນບາວເຊີ້ ຫຼື ໂຕທ່ອງເວັບ ທຸກ 30 ນາທີ - ມັນສາມາດຕິດຕາມສິ່ງແບບນັ້ນໄດ້."
ແຕ່ການເຝົ້າລະວັງແບບນີ້ອາດສົ່ງຜົນເສຍ. ໃນການສຳຫຼວດຜູ້ຊ່ຽວຊານກວ່າ 2,000 ຄົນໂດຍເວັບໄຊ້ທົບທວນວຽກ Glassdoor, ເຫັນວ່າເກືອບ 40% ຮູ້ສຶກວ່າເຮັດວຽກ ໄດ້ນ້ອຍລົງເມື່ອນາຍຈ້າງຕິດຕາມອຸປະກອນເຮັດວຽກຂອງພວກເຂົາ.
ທ່ານນາງ ສເຕຟານີ ອາລສຕັນ ຜູ້ຊ່ຽວຊານດ້ານຊັບພະຍາກອນມະນຸດ ແລະ ການຈັດຫາບຸກຄະລາກອນ ກ່າວວ່າ ຕາຕະລາງການເຮັດວຽກທີ່ຍືດຍຸ່ນ ເຮັດໃຫ້ປະສິດທິພາບຂອງພະນັກງານເພີ່ມຂຶ້ນ ແລະ ຊອບແວຕິດຕາມເຮັດ ໃຫ້ຄວາມພຶງພໍໃຈຂອງພະນັກງານຫຼຸດລົງ.
ທ່ານນາງ ສເຕຟານີ ອາລສຕັນ ກ່າວວ່າ
"ຫາກພວກເຮົາເລີ່ມເຫັນວ່າບໍລິສັດຕ່າງໆ ກຳລັງນຳເອົາຊອບແວຕິດຕາມ ພະນັກງານນີ້ມາໃຊ້ຢ່າງແຜ່ຫຼາຍ, ຂ້ອຍຮັບປະກັນໄດ້ວ່າເຮົາຈະເລີ່ມເຫັນການ ລາອອກຄັ້ງໃຫຍ່ຂອງພະນັກງານ. ຕາມທີ່ຂ້ອຍໄດ້ກ່າວໄປກ່ອນໜ້ານີ້, ມີຂໍ້ມູນທີ່ສະແດງໃຫ້ເຫັນວ່າແທ້ຈິງແລ້ວ ຄົນເຮັດວຽກໜັກເກີນໄປເມື່ອພວກເຂົາ ເຮັດວຽກຈາກບ້ານ."
ທ່ານນາງ ອະນິຕາ ວິວລຽມ ວູດລີ ສາດສະດາຈານດ້ານພຶດຕິກຳອົງກອນ ຈາກມະຫາວິທະຍາໄລ ຄາເນກີ ແມລລອນ (Carnegie Mellon University) ຍົກຕົວຢ່າງ ສຳນັກງານສິດທິບັດຂອງສະຫະລັດ, ເຊິ່ງນຳການຕິດຕາມພະນັກ ງານມາໃຊ້ໃນປີ 2015. ເຖິງແມ່ນວ່າຜົນງານຈະເພີ່ມຂຶ້ນ ແຕ່ອັດຕາການລາອອກ ຂອງພະນັກງານກໍ່ເພີ່ມຂຶ້ນເປັນສາມເທົ່າ. ເນື່ອງຈາກພະນັກງານບໍ່ຕ້ອງການ ເຮັດວຽກພາຍໃຕ້ການຄວບຄຸມທີ່ເຄັ່ງຕຶງ. ສົ່ງຜົນໃຫ້ໜ່ວຍງານສູນເສຍບຸກຄະລາກອນທີ່ມີຄວາມສາມາດສູງໄປບາງສ່ວນ.
ທ່ານນາງ ອະນິຕາ ວິວລຽມ ວູດລີ ກ່າວວ່າ
"ມີງານຄົ້ນຄວ້າຈຳນວນຫຼາຍທີ່ສະແດງໃຫ້ເຫັນວ່າຄວາມຄິດສ້າງສັນ ແລະ ຄວາມເຂົ້າໃຈຢ່າງເລິກເຊິງ ເກີດຂຶ້ນໄດ້ງ່າຍຂຶ້ນເມື່ອຄົນມີການພັກເປັນໄລຍະ ຫຼື ປ່ຽນໄປເຮັດຢ່າງອື່ນ ຫຼື ມີການພົວພັນກັບເພື່ອນຮ່ວມງານແລ້ວກັບມາແກ້ບັນຫາ. ດັ່ງນັ້ນ ວິທີການຕິດຕາມແບບດັ່ງເດີມອາດໃຫ້ຜົນຮັບແບບກົງກັນຂ້າມ."
ແຕ່ເຊັ່ນດຽວກັບການເຮັດວຽກຈາກບ້ານ, ບອສແວ (Bossware) ອາດຈະຢູ່ຕໍ່ໄປ. ຈາກການສຳຫຼວດທີ່ເຮັດໂດຍ Forbes Advisor ໃນປີ 2024 ເຫັນວ່າ 43% ຂອງພະນັກງານກ່າວວ່າ ນາຍຈ້າງຂອງພວກເຂົາຕິດຕາມກິດຈະກໍາອອນລາຍ, ໂດຍພະນັກງານທີ່ເຮັດວຽກແບບປະສົມ ລາຍງານວ່າຖືກຕິດຕາມໃນລະດັບທີ່ສູງກວ່າ.
ອ່ານລາຍງານນີ້ເປັນພາສາອັງກິດ
Remote work has become the new norm. But despite studies showing remote work can increase productivity, some companies and organizations are introducing monitoring software to make sure their employees are working.
It’s called "bossware,"
and it can track keyboard usage and eye movement, take screenshots of employees' screens, and register websites visited.
Jared Brown is the CEO of Hubstaff — a company that makes bossware.
He says that about 4 to 8 percent of employees who work remotely use software that can imitate active work.
"Hubstaff looks at several factors, including mouse activity, keyboard activity — and it’s not what you’re typing on the keyboard, but are you typing — so, pressing any key. It doesn’t record which key it is. Maybe there’s a script that’s opening the same tabs in a browser every 30 minutes — it can detect that sort of thing.”
But this kind of surveillance may have a negative effect. In a survey of more than 2,000 professionals by the
job review site Glassdoor, just over 40 percent said they feel less productive when their employer
monitors their work devices.
Human resources and recruiting expert Stephanie Alston says that flexible working schedules have led to increased productivity among employees — and that monitoring software decreases employee satisfaction.
"If we begin to start seeing across the board that companies are implementing this employee monitoring software, I can guarantee you that we will begin to see a mass exodus of employees. As I mentioned earlier, there is data that shows that people actually overwork when they are working from home.”
Anita Williams Woolley, an organizational behavior professor at Carnegie Mellon University, cites the example of the U.S. Patent Office, which introduced employee monitoring in 2015. Despite an increase in productivity, staff turnover tripled because employees didn’t want to work under extreme supervision. As a result, the agency lost some of its top talent.
Theresquite ait of research showing that creativity and insight are facilitated by people having breaks at regular intervals, or shifting and doing something else, or having an interaction with a colleague and coming back to a problem. And so, traditional monitoring approaches might actually backfire.”
But just like working from home, bossware may be here to stay. According to a 2024 survey commissioned by Forbes Advisor, 43 percent of workers said their employer monitors their online activities, with hybrid workers reporting a higher level of scrutiny.
ຟໍຣັມສະແດງຄວາມຄິດເຫັນ