ລິ້ງ ສຳຫລັບເຂົ້າຫາ

ວັນອັງຄານ, 29 ພະຈິກ 2022

ຕົວເລກຜູ້ເສຍຊີວິດສູງສຸດ ຈາກຕຶກຄອນໂດມີນຽມພັງ ໃນລັດຟລໍຣິດາ ເພີ່ມຂຶ້ນເປັນ 36 ຄົນ


ພະນັກງານກູ້ໄພ ທຳການຄົ້ນຫາໃນຊາກຫັກພັກຢູ່ຄອນໂດ Champlain Towers South Condo, ໃນເມືອງ ເຊີຟຊາຍດ໌, ລັດ ຟລໍຣິດາ. 26 ມິຖຸນາ, 2021.

ທີມນັກຄົ້ນຫາໃນພາກໃຕ້ຂອງລັດຟລໍຣິດາ ແມ່ນຄາດວ່າຈະໄດ້ພັກຜ່ອນຈາກອັນຕະລາຍຂອງສະພາບອາກາດໃນວັນພຸດມື້ນີ້ ໃນຂະນະທີ່ເຂົາເຈົ້າສືບຕໍ່ຄົ້ນຫາຄົນຜູ້ທີ່ຍັງຢູ່ໃນຕຶກຄອນໂດມີນຽມທີ່ໄດ້ພັງລົງເກືອບສອງອາທິດທີ່ຜ່ານມາ.

ການຄົ້ນຫາດັ່ງກ່າວໄດ້ຖືກຢຸດປະມານ 2 ຊົ່ວໂມງຍ້ອນຟ້າຜ່າ ແລະ ລົມແຮງຈາກພາຍຸເຮີຣິເຄນ ແອລຊາ. ພາຍຸດັ່ງກ່າວແມ່ນກຳລັງສົ່ງຜົນກະທົບຕໍ່ລັດ ຟລໍຣິດາ ແຕ່ກຳລັງເຄື່ອນອອກຈາກສະ ຖານທີ່ຂອງຕຶກພັງໃນເມືອງເຊີຟຊາຍດ໌, ທາງພາກເໜືອຂອງນະຄອນ ໄມອາມີ.

ບັນດານັກຄົ້ນຫາໄດ້ຄົ້ນພົບ 8 ສົບໃນວັນອັງຄານວານນີ້, ເຮັດໃຫ້ຕົວເລກຜູ້ເສຍຊີວິດໂດຍລວມ ເພີ້ມຂຶ້ນເປັນ 36 ຄົນ.

ເຈົ້າເມືອງ ໄມອາມີ ເດດ ທ່ານນາງ ແດນຽລລາ ເລີວີນ ຄາວາ ໄດ້ກ່າວຕໍ່ບັນດານັກຂ່າວໃນກອງປະຊຸມລາຍງານຂອງຕອນແລງວານນີ້ວ່າ 109 ຄົນ ແມ່ນຍັງບໍ່ຮູ້ຊະຕາກຳເທື່ອ.

ບັນດາເຈົ້າໜ້າທີ່ແມ່ນກຳລັງສືບຕໍ່ເຮັດວຽກຜ່ານຜ່າກອງຊາກຫັກພັງ, ເປັນຂັ້ນຕອນທີ່ບັນດາເຈົ້າ ໜ້າທີ່ເອີ້ນວ່າ ຫຼ້າຊ້າ, ໃນຂະນະທີ່ເຂົາເຈົ້າຊອກຫາຄົນ ແລະ ຫຼັກຖານໃດໆທີ່ຈະຊ່ວຍອະທິບາຍວ່າ ເປັນຫຍັງຕຶກສູງ 12 ຊັ້ນນັ້ນຈຶ່ງໄດ້ພັງລົງສ່ວນນຶ່ງໃນຕອນເຊົ້າວັນທີ 24 ມິຖຸນາ.

ຫົວໜ້າກົມດັບເພີງເມືອງໄມອາມີ ເດດ ທ່ານ ອາລານ ໂຄມິນສກີ ໄດ້ກ່າວໃນວັນອັງຄານວານນີ້ວ່າ ຊາກຫັກພັງ 112 ເມທຣິກໂຕນ ໄດ້ຖືກເຄື່ອນຍ້າຍອອກຈາກສະຖານທີ່. ຕຳຫຼວດແມ່ນກຳລັງລົງບັນຊີ ແລະ ເກັບວັດຖຸໄວ້ໃນສະຖານທີ່ປອດໄພເພື່ອທີ່ຈະຊ່ວຍເຫຼືອໃນການສືບສວນທີ່ກຳລັງດຳ ເນີນຢູ່ຂອງເຂົາເຈົ້າ ກ່ຽວກັບ ສິ່ງທີ່ໄດ້ເກີດຂຶ້ນ.

ເຈົ້າເມືອງ ເຊີຟຊາຍດ໌ ທ່ານ ຊາລສ໌ ເບີເຄັດ ໄດ້ສັນຍາວ່າການປະຕິບັດການຄົ້ນຫາຈະດຳເນີນໄປ “ຈົນກວ່າທຸກຄົນຈະຖືກດຶງອອກມາຈາກສະຖານທີ່ນັ້ນ.”

ທ່ານໄດ້ຍ້ອງຍໍທີມນັກຄົ້ນຫາໃນວັນອັງຄານວານນີ້ ສຳລັບວຽກງານຂອງເຂົາເຈົ້າ ທ່າມກາງສະ ພາບທີ່ອັນຕະລາຍ.

ທ່ານ ເບີເຄັດ ໄດ້ກ່າວຕໍ່ບັນດານັກຂ່າວວ່າ “ເຂົາເຈົ້າໄດ້ປະຕິບັດໜ້າທີ່ສູງກວ່າ ແລະ ນອກເໜືອຈາກສິ່ງທີ່ເຂົາເຈົ້າຕ້ອງເຮັດ.

ອ່ານຂ່າວນີ້ເປັນພາສາອັງກິດ

ລາຍການກະຈາຍສຽງຂອງວີໂອເອ ລາວ ຜ່ານໂທລະພາບ

ລາຍການກະຈາຍສຽງຂອງວີໂອເອລາວ
please wait

No live streaming currently available

0:00 0:00 Live

ທ່ານອາດຈະມັກເລື້ອງນີ້ຄືກັນ

XS
SM
MD
LG