ລັດຖະມົນຕີການຕ່າງປະເທດສະຫະລັດ ອາເມຣິກາ ທ່ານນາງ Hillary Clinton ໄດ້
ເດີນທາງໄປເຖິງປະເທດຊູດານໃຕ້ແລ້ວ ຊຶ່ງເປັນບ່ອນທີ່ທ່ານນາງ ຄາດວ່າຈະຊຸກຍູ້ໃຫ້ມີ
ການສົມຍອມກັນ ລະຫວ່າງປະເທດທີ່ຫາກໍ່ຕັ້ງຂຶ້ນໃໝ່ທີ່ສຸດຂອງໂລກແລະປະເທດຊູ ດານ.
ທ່ານນາງ Clinton ກໍາລັງພົບປະກັບທ່ານ Salva Kiir ປະທານາທິບໍດີປະເທດຊູດານ
ໃຕ້ໃນວັນສຸກມື້ນີ້ ຢູ່ທີ່ນະຄອນຫລວງ Juba ໃນໄລຍະທີ່ມີການ ຢ້ຽມຢາມທີ່ເປັນເວລາ
ອັນສັ້ນໆນັ້ນ.
ປະເທດຊູດານ ແລະຊູດານໃຕ້ ບໍ່ໄດ້ປະຕິບັດຕາມກໍານົດເສັ້ນຕາຍທີ່ວາງອອກໂດຍສະ ຫະປະຊາຊາດໃນການແກ້ໄຂຄວາມຂັດແຍ່ງກັນ ກ່ຽວກັບການເປັນສັນຊາດຂອງປະຊາ
ຊົນ, ລາຍໄດ້ຈາກການຂາຍນໍ້າມັນ ແລະການປັກໝາຍຊາຍແດນ ທີ່ຍັງຄົງຄ້າງຢູ່ເປັນ
ເວລາ 13 ເດືອນແລ້ວ ພາຍຫລັງທີ່ສອງປະເທດໄດ້ແຍກອອກຈາກັນເປັນຕົ້ນມາ. ການທີ່ ບໍ່ສາມາດແກ້ໄຂບັນຫາເຫລົ່ານີ້ດ້ວຍວິທີການທູດນັ້ນ ສາມາດເຮັດນຳພາທັງສອງປະເທດ
ນີ້ໄປສູ່ການລົງໂທດດ້ານເສດຖະກິດຕ່າງໆໄດ້.
ເຈົ້າໜ້າທີ່ກະຊວງການຕ່າງປະເທດສະຫະລັດ ທີ່ກໍາລັງເດີນທາງໄປນໍາທ່ານນາງ ຄລິນຕັນ ໃນການໄປຢ້ຽມຢາມຫລາຍປະເທດໃນທະວີບອັຟຣິກາຮອບນີ້ໄດ້ເວົ້າວ່າຄວາມຂັດ ແຍ້ງກັນຢ່າງຂົມຂື່ນໃນເລື້ອງເຂດນໍ້າແດນດິນ ແລະນໍ້າມັນນັ້ນ ເປັນໄພຂົ່ມຂູ່ຕໍ່ເສດຖະກິດອັນອ່ອນ ແອຂອງປະເທດທັງສອງ.