ລິ້ງ ສຳຫລັບເຂົ້າຫາ

logo-print

ການລົນນະລົງ ເລື້ອງການປ່ຽນແປງ ຂອງ ດິນຟ້າອາກາດ ດຳເນີນຕໍ່ໄປ ເຖິງແມ່ນ ມີການຕຳໜິຕິຕຽນ


ເຊີນຊົມວີດີໂອ ພາກພາສາອັງກິດ

ໃນຂະນະທີ່ ນາງເກຣຕາ ທຸນເບີກ ອາຍຸ 16 ປີ ນັກເຄື່ອນໄຫວລົນ ນະລົງເລື້ອງການປ່ຽນ
ແປງ ຂອງດິນຟ້າອາກາດ ຊາວສະວີເດັນ ໄດ້ສົ່ງແຮງດົນ ບັນດານໃຈ ໃຫ້ແກ່ພວກຄົນ
ບາງສ່ວນ ຢູ່ນັ້ນ ນາງເອງ ກໍໄດ້ປະເຊີນກັບການ ຕຳໜິຕິຕຽນຢ່າງໜັກ ຈາກພວກຄົນ
ອື່ນໆ. ນາງທັນເບີກ ກໍສືບຕໍ່ເດີນໜ້າຕາມ ຈຸດໝາຍຄວາມຕັ້ງໃຈຂອງນາງ ໃນສັບປະດາ
ນີ້ ຢູ່ທີ່ກອງປະຊຸມສຸດຍອດ ສະ ຫະປະຊາຊາດວ່າດ້ວຍສະພາບການປ່ຽນແປງຂອງດິນ
ຟ້າອາກາດໃນນະຄອນ ນິວຢອກ. ໃນຂະນະດຽວກັນ ພວກຊາວໜຸ່ມຄົນອື່ນໆ ໄດ້ພາກັນ
ປະທ້ວງ ຢູ່ ໃນນະຄອນຫຼວງວໍຊິງຕັນ ແລະຢູ່ໃນທົ່ວໂລກ. ຊາຣາ ມາຈິດ ມີລາຍງານຕື່ມ
ຊຶ່ງໄຊຈະເລີນສຸກ ຈະນຳເອົາລາຍລະອຽດມາສະເໜີທ່ານໃນອັນດັບຕໍ່ໄປ.


ພວກຊາວໜຸ່ມຫຼາຍພັນຄົນໃນທົ່ວໂລກ ກຳລັງຮຽກຮ້ອງໃຫ້ເອົາມາດຕະ ການທີ່ກ່ຽວ
ຂ້ອງກັບສະພາບການປ່ຽນແປງ ຂອງດິນຟ້າອາກາດ ໂດຍກ່າວວ່າ ພວກຜູ້ໃຫຍ່ ໄດ້
ປ່ອຍປະລະເລີຍ ຄວາມຮັບຜິດຊອບ ອັນນັ້ນ.

ນາງເກຣຕາ ທຸນເບີກ ນັກເຄື່ອນໄຫວລົນນະລົງເລື້ອງການປ່ຽນແປງຂອງດິນຟ້າອາກາດ
ກ່າວວ່າ “ຂ້າພະເຈົ້າ ບໍ່ຄວນມາຢູ່ນະທີ່ນີ້. ຂ້າພະເຈົ້າ ຄວນກັບ ຄືນໄປໂຮງຮຽນຢູ່ຟາກ
ທະເລອີກເບື້ອງນຶ່ງພຸ້ນ. ເຖິງຢ່າງນັ້ນກໍຕາມ ພວກທ່ານ ທັງໝົດ ກໍມາຫາພວກເຮົາຊາວ
ໜຸ່ມ ເພື່ອຈະໄດ້ມີຄວາມຫວັງ.”

ນາງເກຣຕາ ທຸນເບີກ ອາຍຸ 16 ປີ ໄດ້ກ່າວຖະແ​ຫຼງເຖິງຈຸດປະສົງຂອງນາງ ຢູ່ທີ່ກອງປະ
ຊຸມສຸດຍອດ ສະຫະປະຊາຊາດ ວ່າດ້ວຍການເອົາມາດຕະການ ເພື່ອຮັບ​ມື​ກັບການປ່ຽນ
ແປງຂອງດິນຟ້າອາກາດໃນສັບປະດານີ້ ໃນຂະນະທີ່ ພວກນັກສຶກສາ ຢູ່ທົ່ວໂລກກໍໄດ້
ອອກມາສະແດງຄວາມເຫັນໃນຄຸ້ມບ້ານແລະ ໃນປະຊາຄົມຕ່າງໆ ຂອງພວກເຂົາເຈົ້າ
ເອງ.

ນາງຢູ ຢາງ ຈາກກຸ່ມ Fridays for Future Striker ກ່າວວ່າ “ພວກເຮົາ ຢູ່ນະທີ່ນີ້ ໃນ
ການເດີນຂະບວນປະທ້ວງ ເລື້ອງດິນຟ້າອາກາດ ຍ້ອນວ່າ ຢູ່ທີ່ໂຮງຮຽນຂອງພວກ
ເຮົາ ຂ້າພະເຈົ້າ ຮູ້ສຶກຄືກັບວ່າ ບໍ່ມີຄວາມຕື່ນຕົວພຽງພໍເລີຍ ເຊັ່ນຢູ່ໃນຄະນະກຸ່ມນັກ
ສຶກສາທີ່ເປັນຫລັກ. ບໍ່ມີຄົນທີ່ເປັນຫ່ວງເປັນໃຍ ຫຼາຍພຽງພໍ ກ່ຽວກັບເລື້ອງນີ້ ແລະມາ
ບັດນີ້ ພວກເຮົາຢາກຈະຍົກເອົາຄວາມ ເປັນຫ່ວງຂອງພວກເຮົາຂຶ້ນມາໃຫ້ຮັບຮູ້.”

ມີກຸ່ມຄົນທີ່ຍັງສົງໄສໃນເລື້ອງການປ່ຽນແປງຂອງດິນຟ້າອາກາດ ຜູ້ທີ່ບໍ່ເຊື່ອໃນສະພາບ
ໂລກຮ້ອນທີ່ໜ້າເປັນຫ່ວງ ລວມທັງປະທານາທິບໍດີ ທຣຳ ນຳດ້ວຍ. ແລະຕໍ່ຈາກນັ້ນມາ
ກໍມີເລື້ອງຂອງພວກເດັກນ້ອຍບໍ່ໄປໂຮງຮຽນ ເພື່ອໄປຮ່ວມ ການປະທ້ວງກ່ຽວກັບເລື້ອງ
ດິນຟ້າອາກາດ ປະເພດໃດປະເພດນຶ່ງ ທັງຫຼາຍ ເຫຼົ່ານີ້.

ທ່ານສກັອດ ມໍຣີສັນ ນາຍົກລັດຖະມົນຕີ ອອສເຕຣເລຍ ກ່າວຖະແຫລງ ໃນສະພາ ວ່າ
“ພວກເດັກນ້ອຍ ຄວນໄປໂຮງຮຽນ. ອັນນັ້ນ ເປັນສິ່ງທີ່ພວກ ເຂົາເຈົ້າຄວນມຸ້ງໝັ້ນໃສ່.
ພວກເຮົາບໍ່ສະໜັບສະໜຸນ ແນວຄວາມຄິດທີ່ວ່າ ພວກເດັກນ້ອຍບໍ່ໄປໂຮງຮຽນ.”

ແຕ່ພວກຄົນອື່ນໆ ກ່າວວ່າ ພວກຊາວໜຸ່ມແບບ ນາງທຸນເບີກກຳລັງໃຊ້ສິດທິປະຊາ-
ທິປະໄຕຂອງພວກເຂົາເຈົ້າ.

ທ່ານນາງ ຊາບຣີນາ ເມັກຄໍມິກ ອາຈານສອນຢູ່ທີ່ມະຫາວິທະຍາໄລ ຈອຣ໌ຈ ວໍຊິງຕັນ
ໃຫ້ຄວາມເຫັນວ່າ “ການມີສ່ວນຮ່ວມຂອງພົນລະເມືອງ ການສຶກສາ ດ້ານພັນທະຂອງ
ພົນລະເມືອງ ຊຶ່ງສ່ວນໃດສ່ວນນຶ່ງນັ້ນ ແມ່ນພື້ນຖານໃນລະ ບອບປະຊາທິປະໄຕ ກໍ
ແມ່ນວ່າ ພົນລະເມືອງສາມາດ ລົງສູ່ຖະໜົນຫົນທາງ ແລະປະທ້ວງໃນຄວາມບໍ່ພໍອົກ
ພໍໃຈຂອງເຈົ້າ ກັບການປະຕິບັດງານ ຫຼືການບໍ່ປະຕິບັດງານ ຂອງລັດຖະບານ ນັ້ນ
ເປັນຊິ້ນສ່ວນນຶ່ງທີ່ສຳຄັນ ຕໍ່ການອົບຮົມ ລ້ຽງດູເດັກນ້ອຍຜູ້ໃດຜູ້ນຶ່ງ.”

ການຢັ່ງຫາງສຽງ ທີ່ໄດ້ດຳເນີນການໂດຍ ໜັງສືພິມ ວໍຊິງຕັນ ໂພສທ໌ ແລະ ມູນນິທິ
ຄອບຄົວ ຄາຍເຊີ ສະແດງໃຫ້ເຫັນວ່າ ພວກຊາວໜຸ່ມຢູ່ໃນສະຫະລັດ ຫຼາຍກວ່າເຄິ່ງ
ນຶ່ງ “ຢ້ານ” ວ່າຜົນກະທົບໃນທາງລົບຈາກການປ່ຽນແປງຂອງ ດິນຟ້າອາກາດ ອາດ
ມີຜົນຕໍ່ອະນາຄົດຂອງພວກເຂົາເຈົ້າ.

ທ່ານນາງ ເມັກຄໍມິກ ກ່າວອີກວ່າ “ໃນຄວາມເປັນຈິງແລ້ວ ນາງທຸນເບິກສືບທອດການ
ຄົ້ນພົບຂອງພວກເດັກນ້ອຍຫຼາຍໆຄົນໃນທົ່ວໂລກ ຜູ້ທີ່ໄດ້ຍື່ນຄຳ ຮ້ອງຟ້ອງຕໍ່ສານ
ກ່ຽວກັບການປ່ຽນແປງຂອງດິນຟ້າອາກາດ. ສ່ວນຫຼາຍ ພວກເຂົາເຈົ້າ ໄດ້ຜ່າຍແພ້
ມີພຽງຈຳນວນໜ້ອຍນຶ່ງ ກໍໄດ້ຊະນະ.”

ເຖິງຢ່າງນັ້ນກໍຕາມ ມັນບໍ່ແມ່ນເລື້ອງກ່ຽວກັບການຟ້ອງຮ້ອງ ຫຼື ການເມືອງ ສຳລັບພວກ
ປະທ້ວງຊາວໜຸ່ມບາງສ່ວນ.

ນາງອາມິດຊ໌ ເດຍຣ໌ ຈາກກຸ່ມ Fridays for Future Striker ກ່າວວ່າ “ຂ້າ ພະເຈົ້າ
ເຊື່ອວ່າ ການປ່ຽນແປງຂອງດິນຟ້າອາກາດ ບໍ່ແມ່ນເລື້ອງບັນຫາການ ເມືອງ. ມັນແມ່ນ
ຄວາມຈິງ ສະນັ້ນ ຂ້າພະເຈົ້າຫວັງວ່າ ປະທານາທິບໍດີຄົນໃໝ່ ບໍ່ວ່າ ຈະເປັນຣີພັບບລີກັນ
ຫຼື ເດໂມແຄຣັດ ພຽງແຕ່ວ່າໃຫ້ແກ້ໄຂບັນຫາເລື້ອງ ນີ້ ແລະໃຫ້ພະຍາຍາມປົວແປງມັນ
ໃນແບບໃດແບບນຶ່ງ.”

ນາງທຸນເບີກ ແລະ ພວກຊາວໜຸ່ມ ອີກ 15 ຄົນ ຈາກ 12 ປະເທດ ໄດ້ຍື່ນ ຟ້ອງຢູ່ທີ່ສຳ
ນັກງານໃຫຍ່ຂອງ UNICEF ໃນນະຄອນນິວຢອກ ຕໍ່ ປະເທດ ອາເຈັນຕິນາ ບຣາຊີລ
ຝຣັ່ງ ເຢຍຣະມັນ ແລະເທີກີ ໃນຖານ ເປັນປະເທດທີ່ ປ່ອຍມົນລະພິດສານຄາບອນ
ລາຍໃຫຍ່.

ຖ້າພວກເຂົາເຈົ້າ ປະສົບຜົນສຳເລັດ ອົງການສະຫະປະຊາຊາດ ຈະຈັດວິກິດ ການດ້ານ
ດິນຟ້າ ອາກາດ ໃຫ້ເປັນເລື້ອງບັນຫາສິດທິຂອງພວກເດັກນ້ອຍ.

ອ່ານຂ່າວນີ້ຕື່ມ ເປັນພາສາອັງກິດ

While 16-year-old Swedish climate change activist Greta Thunberg has inspired some people, she's faced fiery criticism from others. Thunberg continued on her journey, this week, at the United Nations Climate Change Summit in New York. Meanwhile, other young people have been protesting in Washington and worldwide. Sahar Majid has more in this report

Thousands of young people worldwide are demanding action about climate change, saying adults have shirked that responsibility.
((Greta Thunberg, Climate Change Activist))
"I shouldn't be up here. I should be back in school on the other side of the ocean. Yet you all come to us young people for hope."

16-year old Greta Thunberg delivered her message at this week's United Nations Climate Action Summit in New York as students around the world spoke out in their own neighborhoods and communities.
((Yu Yang, Fridays for Future Striker))
"We are here on the climate march protest because in our school I feel like there wasn't enough like awareness as in the main student body. There wasn't enough people that cared about this and then now we want to raise our concern."

There are skeptics of climate change who don't believe in the dire warnings including President Trump.
And then there's the issue of children skipping school for these various climate protests.

(Scott Morrison, Australian Prime Minister)
"Kids should go to school. That's what we are committed to. We don't support the idea of kids not going to school."

But others say teenagers such as Thunberg are exercising their democratic rights.

(Sabrina McCormick, George Washington University Professor)
"Civil engagement, civic education, one fundamental aspect of which in a democracy is to be able to take to the streets and demonstrate your dissatisfaction with your governmental action or inaction is a key piece to any child upbringing."

A poll conducted by the Washington Post and Kaiser Family Foundation shows that more than half of young people in the U.S. "fear" the negative impact climate change could have on their futures.

(Sabrina McCormick, George Washington University Professor)
"In fact, she's standing on the shoulders of dozens of children around the world who have brought lawsuits about climate change.Most of them have lost a few of them have won."

Yet, it's not about lawsuits or politics for some of the young protesters.
(Aamishq Dhir, Fridays for Future Striker)
"I believe that climate change isn't a political issue. It's a fact so I hope that the next president whether Republican or Democratic just addresses the issue and makes some sort of efforts to fix it."

Thunberg and 15 other young people from 12 different countries have filed a suit at the UNICEF Headquarters in New York against Argentina, Brazil, France, Germany and Turkey for being major carbon polluters.

If they are successful, the United Nations will classify the climate crisis as a children's rights issue.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG