ລິ້ງ ສຳຫລັບເຂົ້າຫາ

ວັນເສົາ, ໐໒ ມີນາ ໒໐໒໔

ຈີນຈະລົງທຶນສ້າງຂົວ ຂ້າມແມ່ນໍ້າຂອງ ຢູ່ດອນໂຂງ ແຂວງຈໍາປາສັກ


ພິທີເຊັນສັນຍາກູ້ຢືມເງິນ ລະຫວ່າງລາວແລະຈີນ ເພື່ອສ້າງຂົວຂ້າມແມ່ນໍ້າຂອງຫລາຍແຫ່ງ ລວມທັງຂົວຢູ່ເຂດ ເມືອງໂຂງ ແຂວງຈໍາປາສັກ ນໍາດ້ວຍ ທີ່ຈັດຂຶ້ນໃນຕົ້ນປີ 2011
ພິທີເຊັນສັນຍາກູ້ຢືມເງິນ ລະຫວ່າງລາວແລະຈີນ ເພື່ອສ້າງຂົວຂ້າມແມ່ນໍ້າຂອງຫລາຍແຫ່ງ ລວມທັງຂົວຢູ່ເຂດ ເມືອງໂຂງ ແຂວງຈໍາປາສັກ ນໍາດ້ວຍ ທີ່ຈັດຂຶ້ນໃນຕົ້ນປີ 2011

ກຸ່ມລົງທຶນຈາກຈີນ ຈະດໍາເນີນການກໍ່ສ້າງຂົວຂ້າມນໍ້າຂອງ ຢູ່ດອນໂຂງແຂວງຈໍາປາສັກ ສໍາເລັດພາຍໃນກາງປີ 2014 ໂດຍຖືເປັນສ່ວນນຶ່ງຂອງການພັດທະນາເຂດເສດຖະກິດ ພິເສດຄອນພະເພັງ.

ເຈົ້າໜ້າທີ່​ຂັ້ນ​ສູງ​ໃນແຂວງ​ຈໍາປາ​ສັກ​ ໄດ້​ໃຫ້ການຢືນຢັນ​ວ່າ ການ​ພັດທະນາ​ເຂດທ່ອງທ່ຽວ
ຢູ່​ໃນ​ເຂດ​ເມືອງ​ໂຂງໄດ້​ເລີ່​ມລົງມື​ດໍາ​ເນີນ​ການ ​ໃນພາກ​ປະຕິບັດ​ຕົວ​ຈິງ​ແລ້ວ​ ນັບແຕ່ກາງປີ
2011 ເປັນຕົ້ນມາ ແລະຈົນເຖິງ​ປັດຈຸ​ບັນນີ້ ກໍໄດ້ຄືບໜ້າເປັນຢ່າງດີໃນຫລາຍໆດ້ານ ໂດຍ
ບໍ່ວ່າຈະເປັນການກໍ່ສ້າງບ່ອນ​ພັກ​ອາ​ໄສ​ຂອງ​ບຸກຄະ​ລາກ​ອນ, ​ການກໍ່ສ້າງ​ຂົວທີ່​ເຊື່ອມຕໍ່​
ລະຫວ່າງ​ບ້ານ​ຫາດ​ກັບ​ບ້ານນາ, ການ​ສຶກສາ​ອອກ​ແບບພັດທະນາທ່າ​ເຮືອ​ຢູ່​ຕາມ​ເກາະ
ດອນ​ຕ່າງໆ ​ແລະການ​ພັດທະນາ​ສິ່ງອໍານວຍ​ຄວາມ​ສະດວກ​ໃຫ້ແກ່ນັກ​ທ່ອງ​ທ່ຽວກໍຕາມ
ຕ່າງກໍໄດ້ດໍາເນີນໄປຢ່າງຕັ້ງໜ້າ ດັ່ງ​ທີ່​ເຈົ້າໜ້າທີ່​ຂັ້ນ​ສູງ​ໃນ​ແຂວງ​ຈໍາປາ​ສັກຄົນ​ດັ່ງກ່າວ​ນີ້​
ໄດ້​ໃຫ້ການຢືນຢັນວ່າ:

ເພື່ອຮອງ​ຮັບ​ໃຫ້​ແກ່​ການທ່ອງທ່ຽວ ຈະ​ໄດ້​ປັບປຸງ ທ່າ​ເຮືອ​ຈາກດອນ​ໂຂງ
​ໄປ​ຫາ
ດ​ອນອື່ນໆ ແລ້ວ​ເພິ່ນ ກະ​ໄດ້​ກະກຽມກໍ່ສ້າງ​ຂົວ​ຂ້າມ​ແມ່​ນໍ້າຂອງ​ລະ
ຫວ່າງ ບ້ານ
ຫາດ​ກັບ​ບ້ານ​ນາ ລະກະກໍ່​ສ້າງ​ເຮືອນພັກ, ສະຖານ​ທີ່​ພັກ​ເຊົາ
ຂອງຄະນະ​
ກໍາມະການ”.

ສໍາລັບການກໍ່ສ້າງຂົວຂ້າມນໍ້າຂອງນັ້ນ ທາງການລາວໄດ້ຮັບການສະໜັບສະໜູນເງິນ ກູ້ຢືມຈາກທະນາຄານການຄ້າ ຂາອອກ-ຂາເຂົ້າ ແຫ່ງປະເທດຈີນ ໃນມູນຄ່າຫຼາຍກວ່າ
32 ລ້ານໂດລາ ແລະ ທາງການລາວໄດ້ສົມທົບອີກ 2 ລ້ານໂດລາ ຊຶ່ງກໍເຮັດໃຫ້ຂົວດັ່ງ
ກ່າວນີ້ມີມູນຄ່າກໍ່ສ້າງລວມເກີນກວ່າ 34 ລ້ານໂດລາ ທີ່ຮັບຜິດຊອບໂດຍສະຖາບັນສໍາ
ຫຼວດແລະອອກແບບການຂົນສົ່ງ ຈາກມົນທົນຢູນໜານຂອງທາງການຈີນ ໂດຍຈະໃຊ້
ເວລາດໍາເນີນກໍ່ສ້າງໃຫ້ແລ້ວສໍາເລັດພາຍໃນ 36 ເດືອນ ຫຼືພາຍໃນກາງປີ 2014 ເປັນ
ຢ່າງຊ້າ.

ທັງນີ້ຂົວຂ້າມນໍ້າຂອງດັ່ງກ່າວຈະມີຄວາມຍາວ 718.8 ແມັດ ແລະກວ້າງ 11 ແມັດທີ່ ແບ່ງເປັນສອງຊ່ອງຈາລະຈອນສໍາລັບຍານພາຫະນະທີ່ກວ້າງເບື້ອງລະ 4 ແມັດ. ສ່ວນ
ອີກ 3 ແມັດ ທີ່ເຫຼືອນັ້ນ ກໍຈະເປັນທາງຍ່າງ ເບື້ອງລະ 1.5 ແມັດ ແລະບໍ່ມີທາງລົດໄຟ
ຢູ່ກາງຂົວແຕ່ຢ່າງໃດ.

ຄອນພະເພັງທີ່ແຂວງຈໍາປາສັກ
ຄອນພະເພັງທີ່ແຂວງຈໍາປາສັກ

ເຈົ້າໜ້າທີ່ລາວບອກວ່າ ການ
​ພັດທະນາ​ດັ່ງກ່າວນີ້ຖື​ເປັນ
​ສ່ວນນຶ່ງຂອງ​ເຂດ​ເສດຖະກິດ
​ພິ​ເສດ​ຄອນ​ພະ​ເພັງ ທີ່ຕັ້ງ​ຢູ່ໃນ
​ເຂດ​ເມືອງ​ໂຂງ ​ຊຶ່ງຕາມແຜນ
ການ​ແລ້ວ​ເຂດ​ເສດຖະກິດ​ພິ
​ເສດ​ດັ່ງກ່າວ​ນີ້​ ຈະ​ມີບໍລິ​ເວນ
​ກວ້າງ​ເຖິງ 39,000 ​ເຮັກຕາ
ໂດຍ​ໄດ້​ມີ​ການຈັດ​ແບ່ງ​ພື້ນ​ທີ່​
ອອກ​ເປັນ 5 ​ເຂດ​ດ້ວຍ​ກັນ​ ຄື​
ພື້ນ​ທີ່​ໂດຍ​ຮອບ​ນໍ້າ​ຕົກ​ຄອນ​
ພະ​ເພັງ​ນັ້ນ ກໍ​ຈະ​ພັດທະນາ
ເປັນເຂດ​ທ່ອງ​ທ່ຽວ ​ແລະຮອງ​ຮັບທຸລະ​ກິດ​ທີ່​ກ່ຽວຂ້ອງ ກັບ​ການທ່ອງທ່ຽວ​ເປັນ​ການ
ສະ​ເພາະ ​ເຊັ່ນ: ໂຮງ​ແຮມ, ຣີສອດ, ບ້ານ​ພັກ​ຕາກ​ອາກາດ ​ແລະສວນສາ​ທາ​ລະນະໃນ
​ເຂດ​ອຸ​ທະຍານ​ແຫ່ງ​ຊາດເປັນຕົ້ນ.

ສ່ວນ​ນອກ​ນັ້ນ​ ກໍຈະ​ເປັນ​ເຂດສູນ​ການ​ຄ້າ​ປອດ​ພາສີ, ສະໜາມບິນ​ຮອງ​ຮັບ ​ທັງເຮືອ​ບິນ
ສ່ວນ​ຕົວ ​ແລະເຮືອບິນ​ໂດຍສານ, ສະໜາມກັອບລະດັບ​ມາດຕະຖານສາກົນ ​ແລະສູນ
ບໍລິການ​ທາງທຸລະ​ກິດ​ຢ່າງ​ຄົບ​ວົງ​ຈອນ​ ທີ່​ຈະມີ​ຕະຫຼາດການ​ຄ້າ​ເສລີເປັນສ່ວນ​ປະ​ກອບ
ທີ່ສໍາຄັນ​ອີກ​ດ້ວຍ.

ການເຊັນສັນຍາລະຫວ່າງຜູ້ຕາງໜ້າລັດຖະບານລາວ ແລະຜູ້ລົງທຶນ ພັດທະນາເຂດທ່ອງທ່ຽວຢູ່ເຂດເມືອງໂຂງ ທີ່ຈັດຂຶ້ນໃນຕົ້ນປີ 2011
ການເຊັນສັນຍາລະຫວ່າງຜູ້ຕາງໜ້າລັດຖະບານລາວ ແລະຜູ້ລົງທຶນ ພັດທະນາເຂດທ່ອງທ່ຽວຢູ່ເຂດເມືອງໂຂງ ທີ່ຈັດຂຶ້ນໃນຕົ້ນປີ 2011

ໃນ​ໄລຍະ​ທີ່​ຜ່ານ​ມາກໍປະກົດ​ວ່າ
ມີທັງ​ກຸ່ມ​ນັກທຸລະກິດ​ຈາກ​ຈີນ,
ເກົາຫຼີ​ໃຕ້, ມາ​ເລ​ເຊຍ, ຫວຽດ
ນາມ ​ແລະໄທ​ ລວມ​ທັງນັກທຸ
ລະກິດ​ໃນ​ລາວ​ເອງ​ນັ້ນ ​ຕ່າງ​ກໍ​
ໄດ້​ພາກັນ​ສະ​ແດງ​ເຈດ​ຈໍານົງທີ່
​ຈະ​ເຂົ້າ​ໄປ​ລົງ​ທຶນໃນ​ເຂດ​ເສດ
ຖະກິດ​ພິ​ເສດ​ຄອນ​ພະ​ເພັງ
​ແລ້ວເຖິງ 8 ບໍລິສັດ ​ແລະໃນ
ກາງປີ 2011 ກໍມີລາຍງານວ່າ
ທາງການແຂວງຈໍາປາສັກ ໄດ້ລົງນາມບົດບັນທຶກຄວາມເຂົ້າໃຈວ່າດ້ວຍການພັດທະນາເຂດ
ຕົວເມືອງທ່ອງທ່ຽວ ດອນໂຂງ-ຄອນພະເພັງ ຮ່ວມກັບບໍລິສັດສາວນາງກໍ່ສ້າງຂົວທາງ-
ຊົນລະປະທານຈໍາກັດ ຢ່າງເປັນທາງການແລ້ວ.

ສ່ວນກຸ່ມທຸລະກິດຈາກຈີນ ທີ່ຮັບຜິດຊອບການກໍ່ສ້າງຂົວຂ້າມນໍ້າຂອງຢູ່ດອນໂຂງດັ່ງກ່າວນີ້ ກໍກໍາລັງຢູ່ໃນລະຫວ່າງການລໍຖ້າການອະນຸມັດຈາກທາງການລາວ ເພື່ອອະນຸຍາດໃຫ້ເຂົ້າໄປ ລົງທຶນພັດທະນາໃນດ້ານຕ່າງໆ ຂອງເຂດເສດຖະກິດພິເສດຄອນພະເພັງ ຊຶ່ງເຊື່ອວ່າ ຈະບໍ່
ມີຂໍ້ຂັດຂ້ອງໃດໆ ຈາກທາງການລາວຢ່າງແນ່ນອນ ເນື່ອງຈາກທາງການລາວຖືວ່າ ຈີນຄືຫຸ້ນ
ສ່ວນຍຸທະສາດ ໃນການພັດທະນາລາວນັ້ນເອງ.

XS
SM
MD
LG