ເສດຖະກິດຂອງຈີນ ໄດ້ຂະຫຍາຍຕົວ 6.9 ເປີເຊັນ ໃນປີ 2015
ຊຶ່ງເປັນການເຕີບໂຕທີ່ຊັກຊ້າທີ່ສຸດ ພາຍໃນຕະຫລອດນຶ່ງປີ
ສຳຫຼັບປະເທດອຳນາດເສດຖະກິດຂອງເອເຊຍ ໃນຮອບ 25 ປີ.
ຕົວເລກທີ່ໄດ້ນຳອອກເຜີຍແຜ່ໃນວັນອັງຄານມື້ນີ້ ໂດຍຫ້ອງການສະຖິຕິແຫ່ງຊາດຂອງລັດ ຖະບານ ແມ່ນຂີ້ຮ້າຍທີ່ສຸດນັບຕັ້ງແຕ່ລາຍງານການເຕີບໂຕ 3.8 ເປີເຊັນໃນປີ 1990 ນັ້ນ
ໃນຂະນະທີ່ຈີນ ຮັບມືກັບການລົງໂທດຂອງປະຊາຄົມນາໆຊາດ ຫຼັງຈາກທີ່ໄດ້ທຳການປາບປາມພວກປະທ້ວງເພື່ອປະຊາທິປະໄຕ ທີ່ຈະຕຸລັດ Tiananmen ນຶ່ງປີກ່ອນໜ້ານັ້ນ.
ຫ້ອງການດັ່ງກ່າວຍັງໄດ້ກ່າວວ່າ ການຂະຫຍາຍຕົວຂອງເສດຖະກິດຈີນ ໄດ້ຊັກຊ້າລົງສູ່ລະ ດັບ 6.8 ເປີເຊັນ ໃນໄຕມາດສຸດທ້າຍຂອງປີ 2015 ຫຼຸດລົງຈາກ 6.9 ເປີເຊັນ ຕາມທີ່ມີລາຍໃນລະຫວ່າງເດືອນກໍລະກົດຫາເດືອນກັນຍາ ແລະຢູ່ໃນລະດັບທີ່ອ່ອນແອສຸດ ນັບຕັ້ງແຕ່
ໄຕມາດທຳອິດຂອງປີ 2009 ເປັນຕົ້ນມາ. ນັກວິໄຈ ຄາດວ່າການຂະຫຍາຍຕົວຂອງເສດ
ຖະກິດຈີນໃນປີ 2016 ນີ້ ຍັງຈະສືບຕໍ່ຊັກຊ້າລົງ.
ຕົວເລກຂອງການຂະຫຍາຍຕົວທ້າຍປີ ແມ່ນໄດ້ພາດເປົ້າໝາຍຂອງພວກກຳນົດນະໂຍບາຍ ທີ່ໄດ້ຕັ້ງໄວ້ປະມານ 7 ເປີເຊັນ ຂອງການຂະຫຍາຍຕົວທັງໝົດສຳລັບປີ 2015 ຊຶ່ງຄວາມຈິງ
ນັ້ນອາດຜ່ອນຄາຍຄວາມເປັນຫ່ວງຂອງພວກນັກລົງທຶນ ໃນຂະນະທີ່ປັກກິ່ງກຳລັງດີ້ນຮົນ
ທີ່ຈະຫັນປ່ຽນໄປຈາກເສດຖະກິດທີ່ຂັບດັນໂດຍການລົງແລະການສົ່ງອອກ ໄປສູ່ເສດຖະກິດທີ່ຂັບດັນໂດຍຄວາມຮຽກຮ້ອງຕ້ອງການຂອງຜູ້ບໍລິໂພກ.
ຕະຫຼາດຮຸ້ນທີ່ນະຄອນຊຽງໄຮ້ ຮົງກົງ ແລະອ໊ອສເຕຣເລຍແມ່ນມີລາຄາສູງຂຶ້ນຫຼາຍສົມຄວນ ໃນການຊື້ຂາຍໃນຕອນບ່າຍວັນອັງຄານມື້ນີ້ ຕາມລາຍງານຂ່າວນັ້ນ.
