ລິ້ງ ສຳຫລັບເຂົ້າຫາ

ວັນເສົາ, ໑໓ ກໍລະກົດ ໒໐໒໔

ຈີນ ເຕືອນວ່າ ຄື້ນຄວາມຮ້ອນທີ່ຮ້ອນ ແລະ ຍາວນານຂຶ້ນ ມີສາເຫດມາຈາກການປ່ຽນແປງດິນຟ້າອາກາດທີ່ຮ້າຍແຮງກ​ວ່າ​ເກົ່າ


ພາບການປ່ອຍອາຍແກັສຈາກໂຮງງານ
ພາບການປ່ອຍອາຍແກັສຈາກໂຮງງານ

ໃນ​ວັນ​ພະຫັດ​ມື້​ນີ້, ສຳນັກ​ງານ​ດິນ​ຟ້າ​ອາກາດ​ຂອງຈີນ ເຕືອນວ່າ ຈີນ​ກຳລັງ​ປະ​ເຊີນ​ກັບ​ຄື້ນຄວາມ​ຮ້ອນ​ທີ່​ຮ້ອນ​ຂຶ້ນ ​ແລະ​ຍາວ​ນານຂຶ້ນ ແລະ​ຝົນທີ່​ຕົກ​ໜັກ​ຂຶ້ນຢູ່ເລື້ອຍໆ ​ແລະ​ບໍ່​ສາມາດ​ຄາດ​ຄະ​ເນ​ໄດ້​ ອັນເປັນ​ຜົນ​ມາ​ຈາກ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ, ໃນຂະນະທີ່ປະເທດທີ່ມີເສດຖະກິດໃຫຍ່ເປັນອັນດັບສອງຂອງໂລກແຫ່ງນີ້ ກ້າວເຂົ້າສູ່ລະດູຮ້ອນທີ່ຮ້ອນແຮງອີກຄັ້ງນຶ່ງ, ອີງຕາມອົງການຂ່າວ Reuters.

ໃນປຶ້ມລາຍງານດ້ານສະພາບອາກາດປະຈຳປີ " Blue Book" ຂອງສຳນັກງານ ດັ່ງກ່າວ, ກົມອຸຕຸນິຍົມວິທະຍາຂອງຈີນ ຫຼື CMA ໄດ້ເຕືອນວ່າອຸນຫະພູມ ສູງສຸດໃນທົ່ວປະເທດອາດຈະເພີ່ມຂຶ້ນ 1.7 ຫາ 2.8 ອົງສາເຊລຊຽສ ພາຍໃນ 30 ປີ, ໂດຍພາກຕາເວັນອອກຂອງຈີນ ແລະ ພາກຕາເວັນຕົກສຽງເຫນືອ ຂອງແຂ​ວງ ຊິນຈຽງ ຈະໄດ້ຮັບຜົນກະທົບຫຼາຍທີ່ສຸດ​.

ໃນປີກາຍນີ້, ອຸນຫະພູມສະເລ່ຍຂອງປະເທດໄດ້ໄປເຖິງຈຸດສູງສຸດໃຫມ່, ເຊິ່ງນຳໄປສູ່ການການຫົດໂຕລົງຂອງແລວນໍ້າກ້ອນ ແລະ ການລະລາຍຂອງ ຊັ້ນດິນຢູ່ຈຸດເຍືອກແຂງ ຫຼາຍເປັນປະຫວັດການ ໃນພາກຕາເວັນຕົກສຽງເຫນືອ, ປື້ມ Blue Book ກ່າວ.

ຈີນ​ພັນລະນາ​ຕົນ​ເອງ​ວ່າ​ເປັນ​ນຶ່ງໃນປະ​ເທດ​ທີ່ມີຄວາມ​ສ່ຽງ​ດ້ານ​ດິນ​ຟ້າ​ອາກາດ​ຫຼາຍ​ທີ່​ສຸດ​ໃນ​ໂລກ, ​ແລະ​ກຳລັງ​ຢູ່​ພາຍ​ໃຕ້​ຄວາມ​ກົດ​ດັນ​ທີ່​ເພີ່ມ​ຂຶ້ນ ໃນການ​ປັບ​ຕົວ​ໃຫ້ເຂົ້າ​ກັບ​ຮູບ​ແບບຂອງ​ດິນ​ຟ້າ​ອາກາດ ແລະ​ລະດັບ​ນ້ຳ​ທະ​ເລ​ທີ່​ເພີ່ມ​ຂຶ້ນ ​ ​ທີ່ມີການປ່ຽນແປງຢ່າງ​ວ່ອງ​ໄວ​ ​ເຊິ່ງເພີ້ມສູງຂຶ້ນກວ່າ​ລະດັບ​ສະ​ເລ່ຍໃນທົ່ວໂລກ.

ທ່ານ ນາງ ຢວນ ເຈຍຊວງ (Yuan Jiashuang), ຮອງຜູ້ອໍານວຍການ ສູນສະພາບອາກາດແຫ່ງຊາດ CMA ກ່າວໃນກອງປະຊຸມລາຍ​ງານວ່າ "ຈີນແມ່ນພາກພື້ນນຶ່ງທີ່ມີຄວາມອ່ອນໄຫວຕໍ່ການປ່ຽນແປງຂອງດິນຟ້າອາກາດ ໂລກ, ເຊິ່ງເປັນພາກພື້ນນຶ່ງທີ່ຈະໄດ້ຜົນກະທົບຢ່າງຫຼວງຫຼາຍ".

ທ່ານ​ນາງ​ກ່າວ​ເຕືອນ​ວ່າ ຖ້າ​ຫາກ​ການ​ປ່ອຍ​ອາຍແກັສ ​ຍັງ​ຄົງ​ຢູ່​ໃນ​ລະດັບ​ສູງ, ​ເຫດການ​ຄວາມ​ຮ້ອນ​ທີ່​ຮ້າຍ​ແຮງ​ທີ່​ຄາດ​ວ່າ​ຈະ​ເກີດ​ຂຶ້ນ​ທຸກໆ 50 ປີ​ໃນ​ຈີນນັ້ນ ​ອາດ​ຈະ​ເກີດ​ຂຶ້ນປີເວັ້ນ​ປີ​ ໃນ​ທ້າຍ​ສັດຕະວັດ​ນີ້, ​ແລະ​ປະລິມານ​ນ້ຳ​ຝົນ​ອາດ​ຈະ​ເພີ່ມ​ຂຶ້ນ​ເປັນ​ສອງ​ເທົ່າ​ ແລະ​ບໍ່​ສາມາດ​ຄາດ​ຄະ​ເນ​ໄດ້ຫຼາຍຂຶ້ນ.

ອ່ານຂ່າວເປັນພາສາອັງກິດລຸ່ມນີ້:

BEIJING/SINGAPORE, July 4 (Reuters) - China is facing hotter and longer heatwaves and more frequent and unpredictable heavy rain as a result of climate change, the weather bureau warned on Thursday, as the world's second biggest economy braces for another scorching summer.

In its annual climate "Blue Book", the China Meteorological Administration (CMA) warned that maximum temperatures across the country could rise by 1.7-2.8 degrees Celsius (3-5 Fahrenheit) within 30 years, with eastern China and the northwestern region of Xinjiang set to suffer the most.

Last year, average national temperatures hit a new high, leading to record levels of glacial retreat and melting permafrost in the northwest, the Blue Book said.

China describes itself as one of the world's most climate-vulnerable countries, and it is coming under increasing pressure to adapt to rapidly changing weather patterns and sea levels that are rising faster than the global average.

"China is a region that is sensitive to global climate change, a region where the impact will be significant," said Yuan Jiashuang, vice-director of the CMA's National Climate Centre, at a briefing.

She warned that if emissions remained high, extreme heat events expected to occur once every fifty years in China could happen every other year by the end of the century, and rainfall could double and become more unpredictable.

ຟໍຣັມສະແດງຄວາມຄິດເຫັນ

XS
SM
MD
LG