ວິໄສທັດຂອງ ຈີນ ແລະ ຫວຽດນາມ ແມ່ນຊຸກຍູ້ການເຊື່ອມຕໍ່ເສັ້ນທາງລົດໄຟ ລະຫວ່າງການພົບປະຂອງສອງຜູ້ນໍາຂັ້ນສູງ

ເຈົ້າໜ້າທີ່ກ່າວວ່າ ການ​ເຊື່ອມ​ຕໍ່​ທາງ​ລົດ​ໄຟ​ ຈະ​ເປັນຫົວຂໍ້ສໍາຄັນ​ໃນວາລະ ກອງປະຊຸມ ​ເມື່ອຜູ້ນຳ​ຄົນ​ໃໝ່​ຂອງ​ຫວຽດນາມ ທ່ານ ໂຕ ລໍາ ​ເດີນທາງ​ໄປ ​ຈີນ ​ເພື່ອທໍາການ​ພົບ​ປະ​ກັບປະທານ​ປະ​ເທດຈີນ ທ່ານ ສີ ຈິ້ນຜິງ ​ໃນ​ອາທິດ​ໜ້ານີ້, ໃນຂະນະ​ທີ່​ປະ​ເທດ​ເພື່ອນ​ບ້ານ ​ພະຍາຍາມ​ຜັກດັນທາງດ້ານການ​ຄ້າ.

ການ​ເຊື່ອມ​ຕໍ່​ທາງ​ລົດ​ໄຟ​ທີ່​ບໍ່​ມີຮອຍຕໍ່ ​ເຫັນ​ໄດ້​ວ່າ​ເປັນ​ສິ່ງ​ສຳຄັນ​ຕໍ່​ຕ່ອງ​ໂສ້​ການ​ສະໜອງສິນຄ້າ ​ເນື່ອງ​ຈາກ​ຈຳນວນ​ຜູ້​ຜະລິດ​ຂອງ​ຈີນ​ທີ່​ເພີ້ມ​ຂຶ້ນ​ ໄດ້ເຮັດໃຫ້ມີ ທິດທາງການເຄື່ອນໄຫວສົ່ງອອກຈໍານວນນຶ່ງໄປ ຫວຽດນາມ ທ່າມກາງ​ຄວາມ​ເຄັ່ງ​ຕຶງ​ທາງດ້ານ​ການ​ຄ້າ​ລະຫວ່າງ ​ຈີນ​ ກັບ​ ສະຫະລັດ.

ທັງສອງປະເທດແມ່ນເຊື່ອມຕໍ່ກັນດ້ວຍທາງລົດໄຟສອງສາຍຈາກພາກໃຕ້ຂອງ ຈີນ ໄປຫານະຄອນຫຼວງຮ່າໂນ່ຍຂອງຫວຽດນາມ ແລະສູນກາງອຸດສາຫະກໍາ ທາງພາກເໜືອ, ແຕ່ພື້ນຖານໂຄງລ່າງຂອງຫວຽດນາມ ແມ່ນສ້າງຂຶ້ນຕັ້ງແຕ່ ຍຸກອານານິຄົມຂອງຝຣັ່ງ ແລະມີມາດຕະຖານແຕກຕ່າງກັນກັບທາງລົດໄຟ ຄວາມໄວສູງຂອງຈີນ, ສົ່ງຜົນເຮັດໃຫ້ບັນດາຜູ້ໂດຍສານ ແລະສິນຄ້າ ຈໍານວນຫຼາຍ ປ່ຽນການນໍາໃຊ້ລົດໄຟຢູ່ບໍລິເວນຊາຍແດນ.

ຄວາມບໍ່ໄວ້ເນື້ອເຊື່ອໃຈກັນລະຫວ່າງສອງປະເທດເພື່ອນບ້ານທີ່ປົກຄອງດ້ວຍລະບອບຄອມມູນິສ, ເຊິ່ງເຄີຍຕໍ່ສູ້ກັນຢູ່ບໍລິເວນຊາຍແດນຊ່ວງໄລຍະເວລາສັ້ນໆ ໃນທ້າຍຂອງຊຸມປີ 1970 ແລະຍັງຄົງມີການປະທະກັນເລື້ອຍໆ ເລື່ອງເຂດ ແດນໃນທະເລຈີນໃຕ້, ໄດ້ຂັດຂວາງຄວາມຄືບໜ້າ ຂອງເສັ້ນທາງລົດໄຟມາ ເປັນເວລາດົນນານ, ແຕ່ໃນບໍ່ເທົ່າໃດເດືອນມານີ້ ການພິຈາລະນາທາງດ້ານ ເສດຖະກິດປະກົດວ່າ ມີໄຊຊະນະຢູ່ເໜືອຄວາມກັງວົນດ້ານຄວາມໝັ້ນຄົງ.

ໃນ​ເດືອນ​ທັນວາທີ່​ຜ່ານ​ມາ, ທ່ານ ​ສີ​ ​ໄດ້​ສະ​ເໜີ​ໃຫ້​ທຶນ​ການຊ່ວຍ​ເຫຼືອ​ລ້າ ​ແລະ​ເງິນ​ກູ້ຢືມແກ່ ຫວຽດນາມ ເພື່ອ​ຊ່ວຍ​ຍົກ​ລະດັບ​ເສັ້ນທາງ​ລົດ​ໄຟຂອງ​ຫວຽດນາມ, ໂດຍທັງ 2 ປະ​ເທດ​ໄດ້​ລົງ​ນາມ​ໃນ​ບົດ​ບັນທຶກ​ຄວາມເຂົ້າໃຈ ຫຼື MOU 2 ສະບັບ ​ເພື່ອ​ຊຸກຍູ້​ການ​ຮ່ວມ​ມື​ດ້ານເສັ້ນທາງ​ລົດ​ໄຟ.

ລັດຖະມົນຕີ​ການ​ຕ່າງປະ​ເທດ​ຫວຽດນາມ ທ່ານ ບຸຍ ແທັງ ເຊິນ (Bui Thanh Son) ​ກ່າວຢູ່ໃນຖະແຫຼງການສະບັບນຶ່ງວ່າ ເປົ້າໝາຍໃນ​ການ​ໄປ​ຢ້ຽມຢາມ ​ຈີນ ​ຂອງ ​ທ່ານ ລໍາ, ເຊິ່ງ​ເປັນ​ຄັ້ງ​ທຳ​ອິດ​ຂອງ​ທ່ານທີ່ເດີນທາງໄປ​ຕ່າງປະ​ເທດ​ນັບຕັ້ງ​ແຕ່​ທ່ານເຂົ້າ​ຮັບ​ຕຳ​ແໜ່​ງ​ເປັນ​ຫົວໜ້າ​ພັກ​ໃນ​ຕົ້ນ​ເດືອນ​ສິງຫາທີ່ຜ່ານມາ ນັ້ນ, ​ແມ່ນ​ການ​ປະຕິບັດ​ຕາມ​ຂໍ້​ຕົກລົງ​ທີ່​ໄດ້​ລົງ​ນາມຮ່ວມກັນ ​ແລະ ເພື່ອ “ບັນລຸ​ຜົນຂອງ​ການ​ຮ່ວມ​ມື​ທີ່​ສຳຄັນອັນ​ໃໝ່ ໂດຍສະເພາະ ​ໃນຂອບເຂດຕ່າງໆທີ່ ຕ່າງຝ່າຍຕ່າງມີຜົນປະໂຫຍດຮ່ວມກັນເຊັ່ນ ​ການ​ເຊື່ອມ​ຕໍ່ເສັ້ນ​ທາງ​ລົດ​ໄຟ.”

ອ່ານຂ່າວດ້ານລຸ່ມນີ້ເປັນພາສາອັງກິດ

HANOI, Aug 16 (Reuters) - Rail links will be high on the agenda when Vietnam's newly appointed leader To Lam travels to China to meet President Xi Jinping next week, officials said, as the neighbours seek to boost trade.

Seamless rail links are seen as crucial for supply chains, as a growing number of Chinese manufacturers move some export-oriented operations to Vietnam amid trade tensions between China and the United States.

The countries are connected by two railways from Southern China to Vietnam's capital Hanoi and its northern industrial hub, but the Vietnamese infrastructure dates back to French colonisation and has a different gauge than Chinese high-speed rail, forcing passengers and goods to swap trains at the border.

Mistrust between the two Communist-run neighbours, which fought a brief border war in the late 1970s and often still clash over boundaries in the South China Sea, has long hampered progress on rail links, but in recent months economic considerations appear to have prevailed over security concerns.

In December, Xi offered grants and loans to help upgrade Vietnamese railways and the countries signed two memoranda of understanding (MoU) to boost railway cooperation.

The focus of Lam's trip to China, his first abroad since he was also given the party chief job earlier in August, is on implementing signed agreements and "achieving new substantive cooperation results, especially in the areas of mutual interest such as railway connection," Vietnamese foreign minister Bui Thanh Son said in a statement.