ຈີນກ່າວວ່າ ຕົນຈະເກັບພາສີຜະລິດພັນໄກ່ທີ່ນໍາເຂົ້າຈາກ ສະຫະລັດ ຫລາຍກວ່າ 105 ເປີເຊັນ ເພື່ອເປັນການຕໍ່ ຕ້ານການຖອກເທສິນຄ້າໃສ່ຕະຫລາດຂອງຕົນ.
ກະຊວງພານິດຂອງຈີນກ່າວໃນຖະແຫລງການສະບັບນຶ່ງ ທາງເວບໄຊ້ທ໌ຂອງຕົນໃນວັນອາທິດມື້ນີ້ວ່າ ການສົ່ງຜະ ລິດຕະພັນໄກ່ຂອງສະຫະລັດ ມາທຸ່ມເທໃສ່ຕະຫລາດຂອງຕົນຢ່າງຫລວງຫລາຍແລະໃນລາຄາຖືກໆ ແມ່ນໄດ້ສ້າງ ຄວາມເສຍຫາຍຢ່າງໃຫຍ່ຫລວງຕໍ່ວົງການອຸດສາຫະ ກໍາພາຍໃນປະເທດ. ກະຊວງພານິດຈີນກ່າວອີກວ່າ ການ ເກັບພາສີເພີ່ມຈະມີຜົນບັງຄັບໃຊ້ ເລີ່ມວັນຈັນມື້ອື່ນນີ້ໄປ.
ຖະແຫລງການຍັງເວົ້າວ່າ ພວກບໍລິສັດຂອງສະຫະລັດທີ່ ໄດ້ໃຫ້ຄວາມຮ່ວມມືໃນການສືບສວນສອບສວນຂອງຕົນ ກ່ຽວກັບໄກ່ນໍາເຂົ້າຈາກສະຫະລັດນັ້ນ ແມ່ນຈະຖືກເກັບພາສີ ປະມານ 50 ເປີເຊັນ. ສ່ວນພວກບໍລິສັດອື່ນໆຂອງສະຫະ ລັດ ທີ່ສົ່ງອອກໄກ່ ປະເພດໄກ່ເປັນໂຕສຳລັບອົບ ມາຍັງຈີນນັ້ນ ແມ່ນຈະຖືກເກັບພາສີ ເກີນ 105 ເປີເຊັນ.
ມາດຕະການນີ້ແມ່ນຕິດຕາມມາ ຫລັງຈາກມີການວາງອັດຕາພາສີຂັ້ນຕົ້ນ ໃສ່ຜະລິດຕະພັນ ແບບດຽວກັນ ໂດຍກະຊວງພານິດຂອງຈີນ ເມື່ອເດືອນກຸມພາຕົ້ນປີ ແລະຈະມີການນໍາໃຊ້ ເປັນເວລາຫ້າປີ.
