ລິ້ງ ສຳຫລັບເຂົ້າຫາ

ຈີນກ່າວວ່າ ລັດຖະມົນຕີປ້ອງກັນປະເທດຂອງຕົນ ຈະພົບ
ປະກັບລັດຖະມົນຕີປ້ອງກັນປະເທດຂອງສະຫະລັດ ທ່ານ
Robert Gates ທີ່ກອງປະຊຸມວ່າດ້ວຍຄວາມໝັ້ນຄົງ ຢູ່
ຫວຽດນາມໃນອາທິດໜ້າ.

ອົງການຂ່າວຊິນຫົວໄດ້ອ້າງຄຳເວົ້າຂອງທ່ານ Guan
Youfei ເຈົ້າໜ້າທີ່ກະຊວງປ້ອງກັນປະເທດຈີນ ທີ່ກ່າວວ່າ
ນາຍພົນ Liang Guanglie ຈະພົບປະກັບທ່ານ Gates
ຢູ່ຂ້າງນອກຂອງກອງປະຊຸມຂອງສະມາຄົມອາຊ່ຽນ ທີ່ນະ
ຄອນຫຼວງຮ່າໂນ່ຍ. ການພົບປະທີ່ວ່ານີ້ແມ່ນເປັນຂີດໝາຍ
ໃນການຮື້ຟື້ນການແລກປ່ຽນທາງທະຫານ ລະຫວ່າງປະ ເທດມະຫາອຳນາດທັງສອງ ຫຼັງຈາກໄດ້ມີການຢຸດຊະງັກ ລົງເປັນເວລາ 8 ເດືອນ.

ປັກກິ່ງໄດ້ຢຸດເຊົາການແລກປ່ຽນທາງທະຫານ ເພື່ອເປັນ ການປະທ້ວງຕໍ່ແຜນການຂາຍອຸບປະກອນທາງທະຫານໃນມູນຄ່າ 6,400 ລ້ານໂດລາ ໃຫ້ແກ່ໄຕ້ຫວັນ ຊຶ່ງເປັນປະເທດທີ່ປົກຄອງຕົນເອງ ທີ່ຈີນອ້າງວ່າເປັນດິນແດນສ່ວນນຶ່ງ ຂອງຕົນນັ້ນ.

XS
SM
MD
LG