ລິ້ງ ສຳຫລັບເຂົ້າຫາ

ຈີນພ້ອມແລ້ວ ທີ່ຈະ ເປີດການເຈລະຈາ ກັບສະຫະລັດ

  • ໄພສານ ວໍຣະຈັກ

ກອງປະຊຸມຍຸດທະສາດແລະການສົນທະນາຫາລືທາງດ້ານເສດຖະກິດປະຈຳປີ ລະຫວ່າງສະຫະລັດກັບຈີນ

ຈີນກ່າວວ່າຕົນພ້ອມແລ້ວທີ່ຈະເພີ່ມທະວີການແລກປ່ຽນຄວາມຄິດຄວາມເຫັນກັບສະຫະລັດ ກ່ຽວກັບເລື່ອງເງິນຕາຂອງຕົນ ໃນລະຫວ່າງການເຈລະຈາລະດັບສູງທີ່ກຸງວໍຊິງຕັນໃນສັບປະ
ດາໜ້າ.

ຮອງລັດຖະມົນຕີການເງິນຂອງຈີນທ່ານ Zhu Guangyao ກ່າວຕໍ່ພວກນັກຂ່າວທີ່ກຸງປັກ
ກິ່ງໃນວັນສຸກມື້ນີ້ວ່າ ທັງສອງຝ່າຍໄດ້ມີທັດສະນະຄວາມເຫັນທີ່ແຕກຕ່າງກັນ ກ່ຽວກັບການ
ທີ່ຈີນຄວບຄຸມເງິນຢວນຢ່າງເຄັ່ງຄັດຊຶ່ງໄດ້ກໍ່ໃຫ້ເກີດຄວາມເຄັ່ງຕຶງລະຫວ່າງປະເທດເສດຖະ
ກິດຍັກໃຫຍ່ທັງສອງ. ບັນດາສະມາຊິກລັດຖະສະພາແລະຜູ້ຜະລິດສະຫະລັດເວົ້າວ່າເງິນຕາ
ຂອງຈີນມີຄ່າຕໍ່າກວ່າຄວາມເປັນຈິງ ເຖິງ 40% ຊຶ່ງເຮັດໃຫ້ສິນຄ້າທີ່ຈີນຜະລິດ ມີລາຄາຖືກ
ກວ່າ ຢູ່ໃນຕະຫຼາດໂລກ.

ລັດຖະມົນຕີກະຊວງການເງິນຂອງສະຫະລັດທ່ານ Timothy Geithner ຮັບຮູ້ໃນຕົ້ນອາ
ທິດນີ້ວ່າເງິນຢວນໄດ້ມີຄ່າສູງຂຶ້ນປະມານ 5% ໃນການແລກປ່ຽນກັບເງິນໂດລາຂອງສະຫະ
ລັດນັບແຕ່ເດືອນມິຖຸນາປີກາຍນີ້ເປັນຕົ້ນມາແຕ່ຢາກໃຫ້ຈີນປ່ອຍໃຫ້ອັດຕາແລກປ່ຽນເງິນຕາ
ຂອງຕົນປັບໂຕໄວກວ່ານັ້ນ.

ທ່ານ Zhu ເວົ້າວ່າ ບັນຫາເງິນຕາຂອງຈີນແມ່ນເປັນບັນຫາທີ່ປະເທດອື່ນຕັດສິນໃຫ້ບໍ່ໄດ້.

ເລື່ອງເງິນຢວນ ຈະເປັນນຶ່ງໃນບັນດາຫົວຂໍ້ ທີ່ຈະຖືກຍົກຂຶ້ນມາສົນທະນາຫາລືໃນລະຫວ່າງ
ກອງປະຊຸມຍຸດທະສາດ ແລະການສົນທະນາຫາລືທາງດ້ານເສດຖະກິດປະຈຳປີ ລະຫວ່າງ
ສະຫະລັດກັບຈີນ ຊຶ່ງຈະຈັດຂຶ້ນພາຍໃຕ້ການເປັນເຈົ້າພາບຂອງທ່ານ Geithner ແລະລັດ ຖະມົນຕີການຕ່າງປະເທດສະຫະລັດທ່ານນາງ Hillary Clinton.

XS
SM
MD
LG