ລິ້ງ ສຳຫລັບເຂົ້າຫາ

ວັນສຸກ, ໑໒ ເມສາ ໒໐໒໔

ຈີນກ່າວປ້ອງກັນ ການຂຶ້ນພາສີລົດ ຂອງສະຫະລັດ


ລັດຖະມົນຕີກະຊວງພານີດຂອງຈີນ ທ່ານ Chen Deming ກ່າວຕໍ່ພວກນັກຂ່າວ ຢູ່ນອກກອງປະຊຸມລະດັບ ລັດຖະມົນຕີ ຂອງອົງການໆຄ້າໂລກ ທີ່ນະຄອນເຈນີວາ (15 ທັນວາ 2011)
ລັດຖະມົນຕີກະຊວງພານີດຂອງຈີນ ທ່ານ Chen Deming ກ່າວຕໍ່ພວກນັກຂ່າວ ຢູ່ນອກກອງປະຊຸມລະດັບ ລັດຖະມົນຕີ ຂອງອົງການໆຄ້າໂລກ ທີ່ນະຄອນເຈນີວາ (15 ທັນວາ 2011)

ຈີນກ່າວປົກປ້ອງການຕັດສິນໃຈຂອງຕົນທີ່ຈະເພີ່ມການເກັບພາສີໃນນຳເຂົ້າລົດໂອໂຕບາງ
ຊະນິດຈາກສະຫະລັດ.

ລັດຖະມົນຕີກະຊວງການຄ້າຂອງຈີນທ່ານ Chen Deming ກ່າວວ່າ ການເກັບພາສີໃນ
ການນຳເຂົ້າລົດໂອໂຕ ແມ່ນເປັນວິທີແກ້ໄຂບັນຫາການຄ້າຕາມປົກກະຕິ ບໍ່ແມ່ນການຕັ້ງ
ກຳແພງພາສີເພື່ອປ້ອງກັນອຸສາຫະກຳຂອງຕົນ. ທ່ານເວົ້າວ່າ ຖ້າຜູ້ໃດກໍຕາມຫາກຂໍຮ້ອງ ໃຫ້ດຳເນີນການແຕກຕ່າງໄປຈາກນີ້ ການແກ້ໄຂທີ່ດີທີ່ສຸດກໍຄືຂໍໃຫ້ພວກນັກຊ່ຽວຊານຂອງ ອົງການໆຄ້າໂລກຕັດສິນກ່ຽວກັບເລື່ອງ ນີ້.

ທ່ານ Chen ກ່າວຕໍ່ພວກນັກຂ່າວໃນວັນພະຫັດວານນີ້ ຢູ່ຂ້າງນອກຂອງກອງປະຊຸມລະ ດັບລັດຖະມົນຕີຂອງອົງການໆຄ້າໂລກທີ່ນະຄອນເຈນີວາ.

ການເກັບພາສີໃໝ່ຈະນຳໃຊ້ກັບລົດໂອໂຕທີ່ນຳເຂົ້າຊຶ່ງມີເຄື່ອງຈັກແຮງ 2.5 ລິດຫຼືສູງກວ່າ
ນັ້ນ ແລະຈະມີຜົນບັງຄັບ ຕໍ່ລົດທີ່ຜະລິດໂດຍຫຼາຍໆບໍລິສັດ ຮວມທັງບໍລິສັດ General
Motors, Chrysler ແລະລົດ BMW ທີ່ເຮັດຢູ່ສະຫະລັດ.

XS
SM
MD
LG