ຈີນ ມີແຜນທີ່ຈະສະໜອງເງິນຊ່ວຍເຫຼືອທີ່ບໍ່ໄດ້ລະບຸຈຳນວນໃຫ້ ປາກິສຖານ, ໃນຂະ
ນະທີ່ປະເທດ ສະຫະລັດ ອາຣັບ ເອມີເຣັດສ໌ ກໍກຳລັງພິຈາລະນາຄຳຮຽກຮ້ອງຂອງລັດ
ຖະບານ ອິສລາມາບັດ ຢູ່ ສຳລັບເງິນຊ່ວຍເຫຼືອຈຳນວນ 6 ພັນລ້ານໂດລາ ແກ່ປະເທດ
ດັ່ງກ່າວ ໃນການຮັບມືກັບວິກິດການ ດຸນການຊຳລະເງິນ, ອີງຕາມການກ່າວ ຂອງບັນ
ດາເຈົ້າໜ້າທີ່ ຈີນ ແລະ ປາກິສຖານ.
ຂ່າວ ກ່ຽວກັບ ການຊ່ວຍເຫຼືອດ້ານການເງິນ ທີ່ກຳລັງລໍຖ້າຢູ່ນັ້ນ ໄດ້ມີຂຶ້ນພຽງບໍ່ເທົ່າ
ໃດວັນ ຫຼັງຈາກນາຍົກລັດຖະມົນຕີ ອິມຣານ ຄານ ໄດ້ຮັບການຊ່ວຍເຫຼືອດ້ານການ
ເງິນກະທັນຫັນ ຫຼາຍກວ່າ 6 ພັນລ້ານໂດລາ ຈາກປະເທດ ຊາອຸດີ ອາຣາເບຍ ທີ່ເປັນ
ພັນທະມິດ ທີ່ໃກ້ຊິດກັບ ປາກິສຖານ, ໃນລະຫວ່າງການເດີນທາງຢ້ຽມຢາມນະຄອນ
ຫຼວງ ຣີຢາດ ຢ່າງເປັນທາງການ.
ປາກິສຖານ ຕ້ອງການເງິນຕາຕ່າງປະເທດຢ່າງຮີບດ່ວນ ເພື່ອຄ້ຳຈູນຄັງເງິນ ທີ່ໃກ້ຈະ
ໝົດລົງ ຂອງເຂົາເຈົ້າ ທີ່ໜ້ອຍກວ່າ 8 ພັນລ້ານໂດລາ, ເຊິ່ງມັນເກືອບວ່າ ຈະບໍ່ພໍ ສຳ
ລັບການຈ່າຍໜີ້ສິນ ຂອງເຂົາເຈົ້າຄືນ ແລະ ຈ່າຍຄ່ານຳເຂົ້າ ສິນຄ້າ 6 ສັບປະດາຂອງ
ເຂົາເຈົ້າ.
ລັດຖະບານທີ່ຕັ້ງຂຶ້ນມາໃໝ່ຂອງທ່ານ ຄານ, ເຊິ່ງເຂົ້າກຳອຳນາດ ເມື່ອສອງເດືອນທີ່
ຜ່ານມາ ແລະ ໄດ້ສືບທອດຮັບຊ່ວງເອົາເສດຖະກິດແຫ່ງຊາດ ທີ່ເຕັມໄປດ້ວຍໜີ້ສິນ
ນັ້ນ, ຄາດວ່າຈະຕ້ອງການເງິນ 12 ພັນລ້ານໂດລາຢ່າງຮີບດ່ວນ ເພື່ອໃຊ້ຄືນ ໜີ້ສິນ
ພາຍໃນ ແລະ ຕ່າງປະເທດ.
ທ່ານ ຄານ ຈະເດີນທາງໄປນະຄອນຫຼວງ ປັກກິ່ງ ໃນວັນທີ 2 ຫາ 5 ທີ່ຈະມາເຖິງນີ້ ໃນ
ການຢ້ຽມຢາມປະເທດ ຈີນ ຢ່າງເປັນທາງການຄັ້ງທຳອິດ, ເຊິ່ງທ່ານມີກຳນົດຈະພົບ
ປະກັບປະທານປະເທດ ຈີນ ທ່ານ ສີ ຈິ່ນຜິງ ແລະ ຄູ່ຮ່ວມຕຳແໜ່ງຈາກ ຈີນ ຂອງທ່ານ.
ບັນດານັກການທູດ ຈີນ ໃນນະຄອນຫຼວງ ອິສລາມາບັດ ໄດ້ປະກາດກ່ອນການເດີນ
ທາງຢ້ຽມຢາມຂອງທ່ານ ຄານ ວ່າ ມັນຈະ “ມີຂ່າວທີ່ດີ” ໃນແງ່ຂອງການໄດ້ຮັບເງິນ
ຊ່ວຍເຫຼືອສຳລັບ ປາກິສຖານ.
ຮອງເອກອັກຄະລັດຖະທູດ ຈີນ ທ່ານ ລີຈຽນ ຊາວ (Lijian Zhao) ໄດ້ກ່າວຫຼັງຈາກ
ໄດ້ຖືກຖາມວ່າ ປັກກິ່ງຈະສະໜອງການຊ່ວຍເຫຼືອດ້ານການເງິນທີ່ຄ້າຍຄືກັບທີ່ ຊາອຸດີ
ອາຣາເບຍ ໄດ້ມອບໃຫ້ນັ້ນຫຼືບໍ່, ທ່ານໄດ້ກ່າວວ່າ “ໃນລະຫວ່າງການຢ້ຽມຢາມຂອງ
ທ່ານນາຍົກລັດຖະມົນຕີນັ້ນ, ພວກເຮົາຈະສະໜອງ, ຫວັງວ່າ, ຈະເປັນເງິນຊ່ວຍເຫຼືອ
ໃຫ້ລັດຖະບານ ປາກິສຖານ. ກະລຸນາລໍຖ້າຜົນທີ່ຈະອອກມາໃນການຢ້ຽມຢາມຄັ້ງນີ້.
ມັນຈະມີຂ່າວດີອອກມາຕື່ມອີກຕາມພາຍຫຼັງ.” ແຕ່ທ່ານໄດ້ປະຕິເສດທີ່ຄາດເດົາ ເຖິງ
ຈຳນວນຂອງເງິນຊ່ວຍເຫຼືອດັ່ງກ່າວ.
