ບໍ່ພໍເທົ່າໃດອາທິດ ກ່ອນໜ້າການເລືອກຕັ້ງທົ່ວໄປ ແລະ ການ
ເລືອກຕັ້ງເອົາປະທາ ນາທິບໍດີ ໃຕ້ຫວັນນັ້ນ ທ່ານ Ma Ying-jeou
ໄດ້ປະກາດວ່າ ທ່ານຈະຈັດການເຈລະຈາຊ້ອງໜ້າ ກັບຜູ້ນຳຈີນ
ທ່ານ Xi Jinping ທີ່ ສິງກະໂປ.
ການປະຊຸມໃນວັນເສົາຈະມາເຖິງນີ້ ຈະເປັນເທື່ອທຳອິດລະຫວ່າງ
ໃຕ້ຫວັນ ແລະ ບັນດາຜູ້ນຳຈີນ ນັບຕັ້ງແຕ່ປີ 1949 ເປັນຕົ້ນມາ
ແລະບັນດາເຈົ້າໜ້າທີ່ ຢູ່່ໃນຈີນ ກຳລັງທຳນາຍວ່າຈະເປັນ “ປະ
ຫວັດສາດອັນຍາວນານທີ່ສຳຄັນ” ໃນການພັດທະນາ ສຳພັນທະ
ໄມຕີໂດຍກົງ.
ເຖິງຢ່າງໃດກໍດີ ຢູ່ໃຕ້ຫວັນ ບັນດາຜູ້ນຳຝ່າຍຄ້ານ ກໍແມ່ນພວມຕຽມພ້ອມທີ່ຈະ ອອກ
ປາກອອກສຽງໃນຄວາມເປັນຫ່ວງຂອງເຂົາເຈົ້າ ກ່ຽວກັບການສົນທະນາ ແລະ ຫລາຍ
ສິບຄົນໄດ້ເລີ້ມ ເດີນຂະບວນຢູ່ໃນນະຄອນຫລວງໄທເປ.
ໂຄສົກຄົນໜຶ່ງຂອງ ປະທານາທິບໍດີ Ma ກ່າວວ່າ ບໍ່ມີການຕົກລົງເຊັນສັນຍາໃດໆ ແລະ
ໄດ້ເນັ້ນໜັກວ່າ ການສົນທະນາຈະແນໃສ່ ຄວາມເປັນກ້ອນເປັນໜ່ວຍດ້ານຄວາມສຳພັນ
ລະຫວ່າງສອງຝ່າຍ ແລະ “ຮັກສາຖານະຢູ່ທົ່ວໃຕ້ຫວັນ” ເອົາໄວ້.
ສື່ມວນຊົນລັດຖະບານຈີນ ກ່າວວ່າ ທັງສອງຈະບໍ່ເອີ່ຍຄຳວ່າປະທານາທິບໍດີ ອອກມາ
ໃນລະຫວ່າງການປະຊຸມ ແຕ່ຈະໃຊ້ຄຳວ່າ ທ່ານ ແທນ. ທັງສອງລັດຖະບານ ບໍ່ໄດ້ຮັບຮູ້
ກັນ ຢ່າງເປັນທາງການ. ຫລັງຈາກມີການສົນທະນາກັນພຽງສັ້ນໆ ໃນຕອນສວຍ ທັງສອງ
ໄດ້ຈັດ ກອງປະຊຸມຖະແຫລງຂ່າວ ແຍກຈາກກັນ ແຕ່ຮັບປະທານອາຫານແລງຮ່ວມກັນ.
ສຳພັນທະໄມຕີລະຫວ່າງ ຈີນ ແລະໃຕ້ຫວັນ ໄດ້ເບີກບານອອກ ລະຫວ່າງການປົກຄອງ ຂອງປະທານາທິບໍດີ Ma Ying-jeou ທີ່ດຳລົງຕຳແໜ່ງຢູ່ ແຕ່ວ່າ ສາທາລະນະຊົນ ມີ
ຄວາມເປັນຫ່ວງ ໂດຍສະເພາະລະຫວ່າງຜູ້ປ່ອນບັດທີ່ເປັນຊາວໜຸ່ມ ກ່ຽວກັບການເພິ່ງພາ
ຈີນ ຂອງເກາະດັ່ງກ່າວ.
ພວກປະທ້ວງໄດ້ເລີ້ມເຕົ້າໂຮມກັນຢູ່ນອກລັດຖະສະພາ Yuan ຂອງໃຕ້ຫວັນ ແລະຢູ່ໃກ້
ກັບທຳນຽບປະທານາທິບໍດີ ບໍ່ເທົ່າໃດຊົ່ວໂມງຫລັງຈາກການປະຊຸມໄດ້ປະກາດອອກມາ.
ຈຳນວນໜຶ່ງໄດ້ຮຽກຮ້ອງໃຫ້ທ່ານ Ma ລົບລ້າງການປະຊຸມ ໃນຂະນະທີ່ສຽງອຶ່ນໆ ເປັນ
ຫ່ວງວ່າ ການສົນທະນາ ບໍ່ໄດ້ຮວມເອົາສາຍຕາ ຂອງສາທາລະນະຊົນເຂົ້ານຳຢ່າງເໝາະສົມ.
ທ່ານ Cheng Yun-peng ໂຄສົກແກ່ຝ່າຍຄ້ານ ພັກປະຊາທິປະໄຕກ້າວໜ້າ ຫລື DPP
ກ່າວວ່າ ການປະຊຸມອາດນຳໃຊ້ອັນທີ່ທ່ານຮ້ອງວ່າ ວາງແຜນການເລືອກຕັ້ງ. ທ່ານຍັງໄດ້
ເປັນປາກສຽງຄວາມເປັນຫ່ວງວ່າ ທ່ານ Ma ອາດຈະເຮັດການຕົກລົງທີ່ບໍ່ໄດ້ຮັບອະນຸຍາດ
ລະຫວ່າງການປະຊຸມປິດລັບ ທ່ານ Xi “ບັນຫາທົ່ວໄປໂດຍກົງ ເຮັດໃຫ້ຜົນປະໂຫຍດ
ຂອງປະເທດ ຢູ່ໃນອັນຕະລາຍ ແລະ ສົມຄວນພິຈະລະນາໄປເໜືອກວ່າການເມືອງ.”