ຕະຫຼາດຫຼັກຊັບ ຈີນ ໄດ້ຕົກລົງເກືອບ 7 ເປີເຊັນໃນວັນຈັນມື້ນີ້, ເຊິ່ງ ເປັນມື້ທຳອິດຂອງການຄ້າຂາຍສຳລັບປີໃໝ່, ຈົນກໍ່ໃຫ້ເກີດການ ຢຸດເຊົາຊື້ຂາຍທັນທີໃນມື້ນີ້ທີ່ຕະຫຼາດຂາຍຫຸ້ນ ຊຽງໄຮ ແລະ ເສິນ ເຈິ່ນ.
ຂໍ້ມູນການຜະລິດທີ່ບໍ່ດີ ໃນປະເທດທີ່ມີເສດຖະກິດສູງອັນດັບສອງ ຂອງໂລກ ແມ່ນໄດ້ຖືກກ່າວຫາໂດຍສ່ວນໃຫຍ່ສຳລັບ ການຂາຍເລ ຫຸ້ນຈຳນວນຫຼວງຫຼາຍ, ພ້ອມກັບຄວາມເຄັ່ງຕຶງທີ່ເພີ່ມຂຶ້ນໃນຕາ ເວັນອອກກາງ.
ດັດຊະນີຫຸ້ນຂອງຕະຫຼາດຫຸ້ນ Nikkei ຂອງ ຍີ່ປຸ່ນ ໄດ້ປິດລົງທີ່ 3 ເປີເຊັນ ແລະ ຕະຫຼາດຫຸ້ນ Hang Seng ຂອງ ຮົງກົງ ຕົກລົງຫຼາຍ ກວ່າ 2.5 ເປີເຊັນ.
ຕະຫຼາດຫຸ້ນ ຢູໂຣບ ກໍໄດ້ເປີດຂຶ້ນດ້ວຍການຫຼຸດຕໍ່າລົງເຊັ່ນກັນ.
ລາຄານ້ຳມັນໄດ້ເພີ່ມສູງຂຶ້ນໃນວັນຈັນມື້ນີ້, ສ່ວນໃຫຍ່ແມ່ນກ່ຽວພັນກັບ ເລື່ອງຄວາມຂັດແຍ້ງ ທາງການເມືອງໃນຕາເວັນອອກກາງທີ່ເຄັ່ງຕຶງຂຶ້ນ ລະຫວ່າງ ຊາອູດີອາເຣເບຍ ກັບ ອີຣ່ານ.
