ຈີນກຳລັງສົ່ງສັນຍານທີ່ມີການຂັດແຍ້ງ ກ່ຽວກັບການໃຫ້ຄວາມ
ສະໜັບສະໜູນໃນການລົງໂທດຢ່າງໜັກ ໂດຍສາກົນຄັ້ງໃໝ່ຕໍ່
ເກົາຫລີເໜືອ.
ສະຫະປະຊາຊາດ ໄດ້ຮັບຮອງເອົາ ການຂະຫຍາຍການລົງໂທດ
ໃນວັນທີ 2 ມີນາຜ່ານມາ ຕໍ່ລັດຖະບານ Kim Jong Un ໃນການ
ລອງນິວເຄລຍເທຶ່ອທີສີ່ ແລະຍິງລູກສອນໄຟໄລຍະໄກໃນຕົ້ນປີນີ້.
ຈີນ ແລະສະຫະລັດ ໄດ້ຮ່ວມມືກັນພັດທະນາການລົງໂທດຄັ້ງໃໝ່
ທີ່ຕ້ອງໄດ້ບັງຄັບໃຫ້ມີການຈັດຕັ້ງປະຕິບັດໂດຍທັນທີ ກ່ຽວກັບຄຳ
ສັ່ງກວດສິນຄ້າຂາເຂົ້າ ຂອງເກົາຫລີເໜືອແລະຫ້າມການສົ່ງອອກ
ທີ່ສ່ວນໃຫຍ່ເປັນແຮ່ທາດ.
ການບັງຄັບເພື່ອໃຫ້ມີການປະຕິບັດຂອງປັກກິ່ງ ກ່ຽວກັບການລົງໂທດເຫລົ່ານີ້ ຂອງ
ສາກົນ ແມ່ນຖືວ່າມີຄວາມສຳຄັນ ເພາະວ່າ 90 ເປີເຊັນຂອງການຄ້າເກົາຫລີເໜືອ ແມ່ນ
ຫລັ່ງໄຫລໄປຫາ ຫລືຜ່ານຈີນ. ບັນດາຜູ້ນຳຈີນ ໄດ້ໃຫ້ຄຳໝັ້ນສັນຍາ ທີ່ຈະໃຫ້ການສະ
ໜັບສະໜູນການລົງໂທດດັ່ງກ່າວ ແຕ່ວ່າຍັງບໍ່ໄດ້ປະ ກາດມາດຕະການທີ່ເຈາະຈົງໃນ
ການຈັດຕັ້ງປະຕິບັດເທື່ອ.
ໄດ້ມີລາຍງານແບບປະປົນກັນຢູ່ ໃນຄວາມພະຍາຍາມບັງຄັບໃຊ້ ທີ່ມາຈາກເມືອງ
Dandong ສູນກາງການຄ້າທີ່ສຳຄັນຂອງສອງຝ່າຍ ທີ່ຕັ້ງຢູ່ໃນເຂດຈີນ ແຄມແມ່ນໍ້າ
Yalu ທີ່ແບ່ງຊາຍແດນຈີນ ແລະເກົາຫລີເໜືອນັ້ນ.
