ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຈີນ ກ່າວວ່າ ການມອບ ລາງວັນໂນແບລ ໃຫ້ ທ່ານຫຼິວ ເປັນການໝິ່ນປະໝາດ


ພວກໄວ້ທຸກ ໃຫ້ທ່ານຫຼິວ ສ່ຽວໂບ ທີ່ໄດ້ຮັບລາງວັນໂນແບລ ຂະແໜງສັນຕິພາບ ໃນລະຫວ່າງການປະທ້ວງ ຢູ່ນອກ ຫ້ອງການປະສານງານ ຂອງຈີນ ທີ່ກົງກົງ. (13 ກໍລະກົດ 2017)
ພວກໄວ້ທຸກ ໃຫ້ທ່ານຫຼິວ ສ່ຽວໂບ ທີ່ໄດ້ຮັບລາງວັນໂນແບລ ຂະແໜງສັນຕິພາບ ໃນລະຫວ່າງການປະທ້ວງ ຢູ່ນອກ ຫ້ອງການປະສານງານ ຂອງຈີນ ທີ່ກົງກົງ. (13 ກໍລະກົດ 2017)

ເຈົ້າໜ້າ​ທີ່​ຈີນ​ກ່າວ​ວ່າ ການ​ໃຫ້​ລາງວັນ​ໂນ​ແບ​ລ ຂະ​ແໜງ​ສັນຕິພາບ ​ແກ່​ນັກ​ຄັດຄັດ
ຄ້ານ​ລັດຖະບານ ຫຼິວ ສ່ຽວ​ໂບ ​ໃນ​ປີ 2010 ນັ້ນ ​ເປັນ​ການ​ໝິ່ນປະໝາດ.

ໂຄສົກ​ກະຊວງ​ການ​ຕ່າງປະ​ເທດ​ຈີນ ທ່ານ Geng Shaung ກ່າວ​ໃນ​ວັນ​ສຸກ​ມື້ນີ້ວ່າ
“ການ​ມອບ​ລາງວັນ ​ໃຫ້​ແກ່​ບຸກຄົນ ​ປະ​ເພດ​ນີ້ ​ແມ່ນ​ຂັດ​ກັບ​ ຈຸດປະສົງ​ ຂອງການ​ໃຫ້
​ລາງວັນ. ມັນ​ເປັນ​ການ​ໝິ່ນປະໝາດ ​ຕໍ່​ລາງວັນ​ສັນຕິພາບ.”

ທ່ານ​ຫຼິວ ນັກ​ໂທດ​ສິດທິ​ມະນຸດ ​ທີ່​ມີ​ຊື່​ສຽງ​ທີ່​ສຸດ ​ໃນ​ຈີນ ​ໄດ້​ເສຍ​ຊີວິດ ​ໃນ​ວັນ​ພະຫັດ
ວານ​ນີ້ ຮວມອາຍຸ​ໄດ້ 61 ປີ ຫລັງ​ຈາກ​ໄດ້​ຕໍ່ສູ້​ກັບ​ໂຣກມະ​ເຮັງ​ໃນ​ຕັບ ທີ່​ເຮັດ​ໃຫ້ການ
​ເສຍ​ຊີວິດ​ຂອງ​ຜູ້ກ່ຽວ ​ເປັນ​ບັນຫາ​ໂຕ້​ແຍ້​ງດັ່ງ​ດຽວ​ກັບ​ຊີວິດ​ຂອງ​ທ່ານ.

ທ່ານຫຼິວ ທີ່​ໄດ້​ຮັບ​ລາງວັນ​ໂນ​ແບ​ລ ຂະ​ແໜງ​ສັນຕິພາບ ​ໄດ້​ໃຊ້​ເວລາ​ໃນ​ໄລຍະ 8 ປີ
​ສຸດ​ທ້າຍ​ຂອງ​ທ່ານ ​ໃນ​ຖານະ​ນັກ​ໂທດ​ແຫ່ງ​ຈິດ​ສຳນຶກ ​ໄດ້​ເສຍ​ຊີວິດ​ທີ່​ໂຮງໝໍ ​ເມືອງ
​ເຊັນ​ຢາງ ຢູ່​ປະ​ເທດ​ຈີນ ບ່ອນ​ທີ່​ທ່ານ​ໄດ້​ຖືກ​ຍ້າຍ​ຈາກ​ຄຸກ ​ໄປ​ຮັບ​ການປິ່ນປົວ​ພະຍາ
ບານ​ ​ໃນ​ຊ່ວງ​ສຸດ​ທ້າຍ​ຂອງ​ການ​ປ່ວຍ​ຂອງ​ທ່ານ. ຫ້ອງການ​ຕຸລາການ ​ທີ່​ເມືອງ​ເຊັນ​
ຢາງໄດ້​ປະກາດກ່ຽວ​ກັບ​ການ​ເສຍ​ຊີວິດ​ຂອງ​ທ່ານ​ວ່າ ​ເປັນຍ້ອນ “ອະ​ໄວ​ຍະ​ວະ​ຫຼາຍ
ຢ່າງ​ບໍ່​ເຮັດ​ວຽກ.”

​ເອກ​ອັກຄະ​ລັດຖະທູດ​ສະຫະລັດ​ປະຈຳ​ຈີນ ທ່ານ Terry Branstad ກ່າວ​ວ່າ “ຈີນ
​ໄດ້​ສູນ​ເສຍ​ຜູ້​ເອົາ​ບົດບາດ​ ທີ່​ເປັນ​ຕົວຢ່າງ ​ໃນ​ການ​ຍຶດໝັ້ນທາງ​ດ້ານ​ຫຼັກການຢ່າງ
​ເລິກ​ເຊິ່ງ ທີ່​ສົ​ມຄວນ​ໄດ້​ຮັບ​ການ​ເຄົາລົບ​ແລະ​ຍົກຍ້ອງ​ສັນລະ​ເສີນ​ຈາກ​ພວກ​ເຮົາ ບໍ່
​ແມ່ນ​ໂທດ​ຈຳ​ຄຸກ​ທີ່​ທ່ານ​ໄດ້​ຮັບ​ນັ້ນ.”

ຫົວໜ້າຄະນະ​ກຳມະການ​ໃຫ້​ລາງວັນ​ໂນ​ແບ​ລຂອງ​ນໍ​ເວ ກ່າວ​ວ່າ “ລັດຖະບານ​ຈີນ​
ເປັນ​ຜູ້​ຮັບຜິດຊອບ​ຢ່າງ​ໃຫຍ່​ຫຼວງ” ຕໍ່​ການ​ເສຍ​ຊີວິດ​ ຂອງ​ທ່ານ. ທ່ານນາງ Berit
Reiss-Anderssen ກ່າວຢູ່​ໃນ​ອີ​ແມ​ລ ສະບັບນຶ່ງວ່າ “ພວກ​ເຮົາ​ຮູ້ສຶກ ​ເປັນ​ທີ່​ລົບ​
ກວນ​ໃຈ​ຢ່າງ​ເລິກ​ເຊິ່ງທີ່​ທ່ານຫຼິວ ສ່ຽວ​ໂບ​ບໍ່​ໄດ້​ຖືກ​ສົ່ງ​ໄປ​ຮັບ​ການ​ປິ່ນປົວໃນ​ບ່ອນ
​ທີ່​ທ່ານ​ສາມາດ​ໄດ້ຮັບ​ການ​ຮັກສາ​ທາງ​ດ້ານ​ການ​ແພດ​ຢ່າງ​ພຽງພໍ ກ່ອນ​ທີ່​ທ່ານ​ຈະ
​ປ່ວຍ​ໜັກ. ລັດຖະບານ​ຈີນ ມີ​ຄວາມ​ຮັບຜິດຊອບ​ຢ່າງ​ໃຫຍ່​ຫຼວງ ຕໍ່​ການ​ເສຍ​ຊີວິດ
​ກ່ອນ​ກຳນົດ​ຂອງ​ທ່ານ.”

ຈີນ​ໄດ້​ຍື່ນ​ປະ​ທ້ວງ​ຕໍ່​ເຢຍຣະມັນ ຝຣັ່ງ ສະຫະລັດ ​ແລະ​ອົງການ​ຂ້າ​ຫຼວງ​ໃຫຍ່​ດ້ານ
​ສິດທິ​ມະນຸດ​ຂອງ​ສະຫະ​ປະຊາ​ຊາດ ​ໃນ​ການ​ຕ້ອງ​ຕິ ກ່ຽວ​ກັບ​ການ​ເສຍ​ຊີວິດ​ຂອງ​
ທ່ານຫຼິວ.

​ທ່ານ Geng Shaung ໂຄສົກ​ກະຊວງ​ການ​ຕ່າງປະ​ເທດ​ຈີນ ​ໄດ້​ກ່າວ​ໂຈມ​ຕີ “ບາງ​
ປະ​ເທດ” ທີ່​ໄດ້​ແຊກ​ແຊງ​ເຂົ້າ​ໃນ “ອະທິປະ​ໄຕ​ດ້ານ​ຕຸລາການ​ຂອງ​ຈີນ.”

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG