ລິ້ງ ສຳຫລັບເຂົ້າຫາ

site logo
ວັນສຸກ, 27 ພຶດສະພາ 2022

ຈີນ ຍົກເຮືອທີ່ຫຼົ້ມ ຢູ່ໃນແມ່ນ້ຳຢ່າງຊີ ໃຫ້ຕັ້ງຂຶ້ນ ແລະ ຜູ້ເສຍຊີວິດ ເພີ້ມຂຶ້ນເປັນ 97 ຄົນ


ບັນດາພະນັກງານກູ້ໄພ ພາກັນເບິ່ງ ເຮືອດາວຕາເວັນອອກ ພວມຖືກຍົກຂຶ້ນຈາກນ້ຳ ດ້ວຍເຮືອຍົກຢູ່ແມ່ນ້ຳ ຢ່າງຊີ ໃນເມືອງ Jianli ຂອງແຂວງ Hubei ທາງພາກໃຕ້ຂອງຈີນ ໃນຂະນະທີ່ແນມເຫັນຈາກອີກຟາກນຶ່ງຂອງແມ່ນ້ຳ ທີ່ເມືອງ Huarong ຂອງແຂວງ Hunan, ວັນທີ 5 ມີຖຸນາ 2015.

ໜ່ວຍ​ກູ້​ໄພ ​ໃນ​ພາກ​ກາງຂອງຈີນ ​ໄດ້​ເລີ້ມຍົກ​ເຮືອ​ນຳ​ທ່ຽວ
ທີ່ຫຼົ້ມ​ຢູ່​ໃນ ແມ່ນ້ຳຢ່າງ​ຊີ ຂຶ້ນຢ່າງຊ້າໆ ​ແລະ ກ່າວ​ວ່າ​ບໍ່​ມີ
​ໂອກາດ​ເລີຍ ທີ່​ຈະ​ພົບ​ເຫັນ​ຜູ້​ທີ່​ລອດ​ຊີວິດ​ອີກ ​ໃນ​ຂະນະ​ທີ່​
ຈຳນວນ​ຜູ້ເສ​ຍຊີວິດ​ແລ້ວ ໄດ້ເພີ້​ມຂຶ້ນເປັນຢ່າງ​ນ້ອຍ 97 ຄົນ​.

ພາບ​ວີ​ດີ​ໂອ ​ສະ​ແດງໃຫ້​ເຫັນ​ວ່າ ​ຂ້າງ​ນຶ່ງ​ຂອງ​ເຮືອດາວຕາເວັນ
ອອກ ຫຼື Eastern Star ທີ່​ຂວ້ຳຢູ່ນັ້ນ ໄດ້ຖືກຍົກຂຶ້ນໃຫ້ພົ້ນນ້ຳ
ໃນ​ຕອນ​ເຊົ້າວັນ​ສຸກມື້​ນີ້ ຫຼັງຈາກ​ທີ່​ໜ່ວຍ​ກູ້​ໄພໄດ້​ທຳ​ງານ​ໝົດ​ຄືນ
​ເພື່ອເຮັດໃຫ້ ເຮືອດັ່ງກ່າວຕັ້ງຂຶ້ນ.

ມີພຽງ 14 ຄົນ​ເທົ່າ​ນັ້ນທີ່​ໄດ້​ຮັບ​ການຊ່ອຍ​ເຫຼືອ ນັບ​ຕັ້ງ​ແຕ່​ເຮືອ
ລຳ​ດັ່ງກ່າວ​ໄດ້​ປີ້ນຂວ້ຳລົງ ໃນ​ສະພາບອາກາດທີ່​ປັ່ນປ່ວນເມື່ອ​ຕອນ​ເດິກຂອງ ຄືນ​ວັນ​ຈັນ​
ຜ່ານ​ມາ. ຜູ້​ໂດຍສານຫຼາຍກວ່າ 300 ຄົນ ສ່ວນ​ໃຫຍ່​ແມ່ນ​ຜູ້​ມີ​ອາຍຸ​ສູງ ຍັງ​ຫາຍ​ສາບ​ສູນ​ຢູ່. ​ເຊື່ອ​ກັນ​ວ່າ ຫຼາຍໆ​ຄົນ​ຍັງ​ຄົງ​ຕົກຄ້າງ ​ຢູ່​ໃນ​ເຮືອ.

ທ່ານ Xu Chengguang ໂຄສົກກະຊວງຄົມມະນາຄົມຂົນສົ່ງ ກ່າວຕໍ່ພວກນັກຂ່າວໃນວັນ
ສຸກມື້ນີ້ວ່າ ເຮືອລຳນີ້ຈະຖືກຍົກຂຶ້ນໃຫ້ພົ້ນຈາກນ້ຳ ເພື່ອຈະໄດ້ຊອກຄົ້ນຫາຊາກສົບ ຂອງ
ຜູ້ເສຍຊີວິດ.

ທ່ານ Xu Chengguang ຮອງ​ຫົວໜ້າ ​ສູນ​ກາງຄົ້ນຄວ້າດ້ານ​ນະ​ໂຍບາຍ ກະຊວງຄົມມະ
ນາຄົມ​ ຂົນສົ່ງເວັ້າ​ວ່າ “ອີກຈຳນວນ​ 20 ສົບ ໄດ້ພົບເຫັນຢູ່​ຈຸດ​ເກີດ​ເຫດ. ​ໃນ​ເວລາ​ນີ້
ສາມາດ​ເກັບ​ກູ້​ໄດ້ຈຳນວນ 97 ສົບ​ແລ້ວ. ພວກ​ເຮົາ​ຂໍ​ສະ​ແດງ​ຄວາມເສຍ​ອົກເສຍໃຈ​ ຢ່າງ​ເລິກ​ເຊິ່ງ ຕໍ່​ບັນດາ​ຜູ້​ເຄາະ​ຮ້າຍ ​ແລະ ພວກ​ເຮົາ​ຫວັງ​ວ່າ ບັນດາ​ຄອບຄົວ​ ຂອງ​ຜູ້​ເຄາະ​ຮ້າຍ ຈະ​ຄວບ​ຄຸມຄວາມ​ໂສກ​ເສົ້າ​ເສຍ​ໃຈຂອງ​ພວກ​ຕົນໄວ້.”

ຄາດ​ກັນ​ວ່າ ຈຳນວນ​ຂອງ​ຜູ້​ເສຍ​ຊີວິດ ຈະເພີ້​ມຂຶ້ນຕື່ມຢ່າງ​ຫຼວງຫລາຍ ​ແລະ​ມີ​ທ່າ​ທາງ​ວ່າ​
ຈະ​ເຮັດ​ໃຫ້​ເຫດຮ້າຍ​ນີ້ ​ເປັນ​ໂສກ​ນາດຕະກຳ​ທາງ​ທະ​ເລ​ ​ທີ່​ເຮັດ​ໃຫ້ມີ​ຄົນ​ເສຍ​ຊີວິດຫຼາຍທີ່​ສຸດ ຂອງ​ຈີນ ​ໃນຮອບຫຼາຍທົດ​ສະ​ວັດ​.

China Ship
please wait
Embed

No media source currently available

0:00 0:01:58 0:00

ທ່ານອາດຈະມັກເລື້ອງນີ້ຄືກັນ

XS
SM
MD
LG