ຮອງປະທານປະເທດຈີນ ອອກມາປະກົດຕົວ ຕໍ່ສາທາລະນະຊົນແລ້ວ

ທ່ານ Xi Jinping ຮອງປະທານປະເທດຈີນ ໄດ້ປະກົດຕົວຕໍ່
ສາທາລະນະຊົນເປັນເທື່ອ ທໍາອິດໃນຮອບສອງອາທິດ.

ອົງການຂ່າວຊິນຫົວຂອງທາງການຈີນ ໄດ້ລາຍງານໃນວັນ
ເສົາມື້ນີ້ວ່າ ທ່ານ Xi ໄດ້ “ໄປເຖິງມະຫາວິທະຍາໄລກະເສດ
ຂອງຈີນ ໃນຕອນເຊົ້າຂອງວັນເສົາມື້ນີ້ ເພື່ອເຂົ້າຮ່ວມກິດຈະກໍາ ທີ່ເປັນຂີດໝາຍວັນເຜີຍແຜ່ວິທະຍາສາດແຫ່ງຊາດຂອງປີນີ້.”

ທ່ານ Xi ບໍ່ໄດ້ໄປປະກົດໂຕຕິດຕໍ່ກັນຫຼາຍຄັ້ງ ຕາມໝາຍກຳ
ນົດການພົບປະກັບແຂກ ຕ່າງປະເທດ ທີ່ເດີນທາງໄປຢ້ຽມ
ຢາມຈີນນັບແຕ່ວັນທີ 1 ກັນຍານີ້ມາ ລວມທັງລັດຖະມົນຕີ
ການຕ່າງປະເທດສະຫະລັດ ທ່ານນາງ Hillary Clinton.
ທ່ານ ໄດ້ປະກົດຕົວ ເທື່ອສຸດທ້າຍໃນທີ່ສາທາລະນະ ແມ່ນ
ຢູ່ໃນພິທີເປີດສົກຮຽນລະດູໃບໄມ້ຫລົ່ນຂອງໂຮງຮຽນພັກຄອມມີວນິສຈີນທີ່ນະຄອນປັກກິ່ງ.

ການມິດງຽບຂອງທາງການ ກ່ຽວກັບການຫາຍໜ້າຫາຍຕາໄປຂອງທ່ານ Xi ໄດ້ພາໃຫ້ມີ ການຄາດຄະເນກັນຫຼາຍຂຶ້ນກ່ຽວກັບເລື່ອງສຸຂະພາບຂອງທ່ານ. ມີຂ່າວຊ່າລືທີ່ເວົ້າກັນໄປ ມາຫລາຍທີ່ສຸດ ກໍຄືວ່າ ທ່ານ Xi ທີ່ມີອາຍຸ 59 ປີ ໄດ້ເປັນໂຣກລົມລະບາດແບບບໍ່ຮ້າຍແຮງ,
ຫົວໃຈວາຍ ຫລືບາດເຈັບທີ່ຫລັງ. ແຕ່ຂ່າວຊ່າລືກັນຮ້າຍແຮງໄປຫລາຍກວ່ານັ້ນກໍຄື ທ່ານ ໄດ້ຕົກເປັນເປົ້າໝາຍຂອງການລອບສັງຫານໂດຍສັດຕູທາງການເມືອງຂອງທ່ານ.

ຄາດກັນວ່າທ່ານ Xi ຈະຂຶ້ນກໍາຕໍາແໜ່ງເປັນຜູ້ນໍາຂອງພັກ ໃນທ້າຍປີນີ້ ແລະລໍຖ້າເປັນ ຜູ້ນໍາປະເທດ ໃນປີໜ້າ ໃນຂະນະທີ່ຈີນກໍາລັງມອບໂອນອຳນາດໃຫ້ພວກຜູ້ນໍາລຸ້ນໃໝ່.