ອົງການຂ່າວຂອງທາງການຈີນກ່າວວ່າ ພວກຄົນງານບໍ່ 21 ຄົນຖືກຕິດຄ້າງຢູ່ໃຕ້ດິນໃນຕອນເຊົ້າວັນເສົາວານນີ້ ເວລາບໍ່ຖ່ານຫິນແຫ່ງນຶ່ງຢູ່ແຂວງ Guizhou ພາກຕາເວັນຕົກ ສຽງໃຕ້ຂອງປະເທດ ຖືກນໍ້າຖ້ວມ.
ອົງການຂ່າວຊິນຫົວຂອງຈີນກ່າວວ່າ ມີຄົນງານບໍ່ຖ່ານຫິນ 29 ຄົນ ກໍາ ລັງເຮັດວຽກຢູ່ສອງແຫ່ງໃນບໍ່ຖ່ານຫີນ Niupeng ຢູ່ເຂດເມືອງ Pintang ເວລາບໍ່ດັ່ງກ່າວຖືກນໍ້າຖ້ວມ. ພວກຄົນງານບໍ່ 8 ຄົນ ໄດ້ຖືກຊ່ວຍກູ້ຊີວິດໄວ້ໄດ້.
ບໍ່ຖ່ານຫິນຂອງຈີນ ຖືວ່າເປັນອັນຕະລາຍເຖິງຂັ້ນເສຍຊີວິດຫລາຍທີ່ສຸດຂອງໂລກ ຄືມີຄົນ ງານ ບໍ່ຫລາຍພັນຄົນເສຍຊີວິດໃນແຕ່ລະປີ. ຄວາມຮຽກຮ້ອງຕ້ອງຖ່ານຫິນຈໍານວນ ມະຫາສານຂອງຈີນ ພາໃຫ້ຜູ້ຜະລິດຫລືເຈົ້າຂອງບໍ່ທັງຫລາຍ ເມີນເສີຍບໍ່ປະຕິບັດຕາມກົດ ລະບຽບຄວາມປອດໄພຕ່າງໆ.
