ອະດີດຫົວໜ້າຜູ້ຊ່ວຍປະທານປະເທດໃນຈີນ ໄດ້ຖືກຕັດສິນລົງໂທດ ຈຳຄຸກຕະ ຫລອດຊີວິດ ໃນຖານຮັບສິນບົນ ເກັບກຳຄວາມລັບຂອງປະເທດຢ່າງຜິດກົດໝາຍ ແລະໃຊ້ອຳ ນາດເຖື່ອນ ອີງຕາມລາຍງານອົງການຂ່າວ Xinhua ຂອງ ທາງການຈີນ.
ທ່ານ Ling Jihua ກ່າວວ່າ ທ່ານຈະບໍ່ອຸທອນ ຕໍ່ການຕັດສິນ ທີ່ໄດ້ດຳເນີນໂດຍສານ ຢູ່ເມືອງທ່າ Tianjin ທາງພາກເໜືອຂອງປະເທດ.
ທ່ານ Ling ຄັ້ງນຶ່ງໄດ້ນຳພາຫ້ອງການປົກຄອງທົ່ວໄປຂອງພັກຄອມມິວນິສ ພາຍໃຕ້ປະທານປະເທດ Hu Jintao ຊຶ່ງປຽບທຽບໃສ່ຕຳແໜ່ງຫົວໜ້າຄະນະບໍລິຫານ ຂອງປະ ທານາທິບໍດີສະຫະລັດ.
ການຕົກອຳນາດຂອງທ່ານ Ling ໄດ້ເລີ້ມເກີດຂຶ້ນໃນປີ 2012 ເວລາທ່ານຖືກ ກ່າວຫາ ວ່າ ພົວພັນ ໃນການປົກປິດການຕາຍຂອງລູກຊາຍທ່ານ ທີ່ຂັບລົດ Farrari ໄວ. ອຸປະຕິເຫດນີ້ໄດ້ເປັນຂ່າວນອງນັນສຳລັບພັກການເມືອງຂອງຈີນ ທີ່ເປັນພາກສ່ວນເພາະວ່າ ມີແມ່ຍິງທີ່ນຸ່ງເຄື່ອງເຂີນໆສອງຄົນເປັນຜູ້ໂດຍສານຢູ່ໃນລົດ. ຜູ້ນຶ່ງໄດ້ຮັບບາດເຈັບ ແລະອີກຜູ້ນຶ່ງໄດ້ເສຍຊີວິດຫລາຍເດືອນຕໍ່ມາ.
