ລິ້ງ ສຳຫລັບເຂົ້າຫາ

ນາຍົກລັດຖະມົນຕີຂອງຍີ່ປຸ່ນແລະຈີນກ່າວວ່າ ພວກທ່ານ
ຕ້ອງການຢາກປັບປຸງຄວາມສຳພັນທີ່ເຄັ່ງຕຶງ ແຕ່ທັງສອງ
ທ່ານ ຕ່າງກໍຍັງສືບຕໍ່ຢືນຢັດໃນການອ້າງກຳມະສິດເໜືອໝູ່
ເກາະທີ່ເປັນຈຸດໃຈກາງໃນບັນຫາຂັດແຍ້ງທາງທະເລຢ່າງ
ຮ້າຍແຮງນັ້ນ.

ນາຍົກລັດຖະມົນຕີຍີ່ປຸ່ນທ່ານ Naoto Kan ແລະນາຍົກ
ລັດຖະມົນຕີຈີນທ່ານ Wen Jiabao ໄດ້ພົບປະກັນໃນມື້
ວັນຈັນວານນີ້ ຢູ່ນອກຂອງກອງປະຊຸມສຸດຍອດເອເຊຍ-
ຢູໂຣບ ທີ່ນະຄອນ Brussels ແລະໄດ້ຕົກລົງທີ່ຈະເລີ້ມ
ການເຈລະຈາໃນລະດັບສູງເພື່ອປົວແປງຄວາມສຳພັນທີ່ ເຄັ່ງຕຶງ ຫຼັງຈາກໄດ້ເກີດອຸບັດຕິເຫດໃນເດືອນແລ້ວ ໃນບໍລິ ເວນນ່ານນໍ້າ ທີ່ມີການຂັດແຍ້ງຢູ່ໃນເຂດທະເລຈີນຕາເວັນ ອອກ.

ໂຄສົກຄົນນຶ່ງຂອງຝ່າຍຍີ່ປຸ່ນຖະແຫຼງຕໍ່ພວກນັກຂ່າວວ່າ ທ່ານ Kan ໄດ້ກ່າວຕໍ່ນາຍົກລັດຖະ ມົນຕີຈີນວ່າໝູ່ເກາະທີ່​ເປັນ​ບັນຫາຂັດແຍ່ງກັນນັ້ນແມ່ນດິນແດນຂອງຍີ່ປຸ່ນ.

ອົງການຂ່າວຊິນຫົວຂອງທາງການຈີນໄດ້ອ້າງຄຳເວົ້າຂອງທ່ານ Wen ທີ່ກ່າວຕອບນາຍົກ ລັດຖະມົນຕີຍີ່ປຸ່ນວ່າ ໝູ່ເກາະດັ່ງກ່າວເປັນດິນແດນສ່ວນນຶ່ງຂອງຈີນມາແຕ່ໃດໆ. ແຕ່ແນວ ໃດກໍຕາມທ່ານ Wen ເວົ້າວ່າ ຍີ່ປຸ່ນແລະຈີນຕ້ອງໄດ້ປັບປຸງຄວາມສຳພັນລະຫວ່າງກັນ ເພື່ອຜົນປະໂຫຍດຂອງປະຊາຊົນຢູ່ໃນທັງສອງປະ​ເທດ.

XS
SM
MD
LG